வாக்கியங்கள் மட்டுமல்ல சில நேரங்களில் எழுத்துக்களால் கோர்க்கப்பட்ட அர்த்த புஷ்டியுள்ள ஒருசில வார்த்தைகள்கூட வாழ்க்கையை வழிநடத்துவதுண்டு.

வாருங்கள் இந்த பதிவில் நம்பிக்கை இழந்து நிற்கும் நம் மனதில் தன்னம்பிக்கையை விதைக்ககூடிய பொன்மொழிகள் (Confidence Quotes) சிலவற்றைப் பார்க்கலாம். அதன்மூலம் நம் வாழ்க்கையை சிறப்பான முறையில் கூர்நோக்கலாம்.

வாழ்க்கையை விருட்சமாக்கும் தன்னம்பிக்கை விதைகள்.

• திருப்தி உள்ள மனமே தீராத விருந்தாம்.
• உடைவதைவிட வளைவது மேல்.
• ஆவாரை இலையும் ஆபத்துக்கு உதவும்.
• தீராக்கோபம் போராய் முடியும்.
• சினம் சேதாரத்தையே உண்டுபண்ணும்.
• அதிக அக்கறை அழிவில் முடியும்.
• அதிகத் தந்திரம் காரியத் தடையை ஏற்படுத்தும்.
• அதிகாரம் ஆளை அடையாளம் காட்டும்.
• இருந்த கால் மூதேவி, நடந்த கால் சீதேவி.
• ஆனையின் வேகம் அங்குசத்தால் அடங்கும்.
• அச்சமில்லாதவனே அரங்கத்தில் ஏறுவான்.
• அதிகமாக கத்தும் கழுதை அதிகமாக திங்காது.
• இரத்த உறவு மற்ற உறவுகளைவிட மேலானது.
• இறுதியில் சிரிப்பவனே நன்றாக சிரிப்பான்.
• இடுகாட்டில் இருக்குது இறவாமலே சமரசம்.
• தூய உள்ளத்தைவிட தொண்டு உள்ளம் சிறந்தது.
• தீயக் களைகள் சீக்கிரம் விளையும்.
• காயம் ஆறினாலும் தழும்பு ஆறாது.
• ஏழையின் கடனே பேரொலியை எழுப்பும்.
• நாவை அடக்கினால் சாவையும் வெல்லலாம்.
• மொழியாத மொழி வழி இழந்து போகும்.
• உலக்கை தேய்ந்து உளி பிடியாயிற்று.
• உறக்கமே உடல் நலத்தின் தொடக்கம்.
• காளை போன வழியே கயிறும் போகும்.
• உண்மையான நண்பனே உன்னத சொத்தாம்.
• உயிர் இல்லாதவனே குறை இல்லாதவன்.
• கண்ட பழமையை கொண்ட மனைவியிடம் சொல்லாதே.
• தவறுகளை காணாதே. அதற்கான தீர்வுகளைக் காண்.
• அற்ப மனமே ஆயிரம் சந்தேகங்களுக்கான இருப்பிடம்.
• அறியும் ஆவலில் அக்குவேறு ஆணிவேறு ஆனதே மிச்சம்.
• அடங்கத் தெரியாதவனுக்கு ஆளவும் தெரியாது.

• அரை கிறுக்கனை விட முழு கிறுக்கன் எவ்வளவோ மேல்.
• அடங்காத மாட்டை அடக்க மூங்கில் தடியால் ஒரு அடி.
• போதையில் மூழ்கியவன் வார்த்தையில் நீந்துவான்.
• முட்டாள் நண்பனை விட கற்றறிந்த பகைவனே மேல்.
• வாய் வீரம் பேசுபவர் கைவீரம் காட்டமாட்டார்.
• விழுந்தவன் சிரித்தானாம் வெட்கத்துக்கு அஞ்சி.
• வேலிக்கு போட்ட முள் காலுக்கு வினையாச்சு.
• விதைத்துக்கொண்டே இரு. விளைந்தால் மரம்… சிதைந்தால் உரம்.
• ஓடுவதாக இருந்தால் துரத்திக்கொண்டு ஓடு… நிற்பதாக இருந்தால் எதிர்த்து நில்.
• உன்னுடைய அண்டை வீட்டுக்காரன் நல்லவனாக இருந்தால் நாளைய பொழுதும் நல்லதாகவே விடியும்.
• தோல்வி உன்னை துரத்தினால் நீ வெற்றியை நோக்கி ஓடு.
• அறிந்தறிந்து செய்கின்ற பாவத்தை அழுதழுதுதான் தொலைக்க வேண்டும்.
• ஆளுக்கு ஆள் மேஸ்திரியானால் கட்டடத்தை கட்டி முடிப்பது எப்போதாம்?
• இல்லாததற்கே இதயம் ஏங்கும். போல்லாததற்கே பொழுதும் தூங்கும்.
• மனதில் குறை இருக்கலாம். ஆனால், கறை இருக்கக் கூடாது.
• உடைமை ஒரு தடவை மூழ்க உடையவனோ பலமுறை மூழ்குவான்.
• உடைந்த உள்ளத்திற்கு உகந்த மருந்தே நட்பு.
• உன்னால் கைவிட முடியாததை கைக்கொள்ளாதே.
• பதர் நீக்கி நெல் கொள். இடர் நீக்கி சொல் கொள்.
• உண்மையான புகழ்ச்சி வேர்கொண்டு தழைக்கும்.
• உன்னிடம் இருப்பதையே கெட்டியாக பற்று.
• உடைமையும் வறுமையும் ஒருவழி நில்லா.
• எளியோரை வாட்டுபவன் எப்போதும் கோழையாகவே இருப்பான்.
• எலி போல் தோன்றும் பகைவனையும் புலி போலவே எண்ணு.
• எல்லாவற்றையும் இழந்தவருக்கும் ஒரு எதிர்காலம் உண்டு.
• ஒரு சேரக் கட்டினால் ஒன்பது யானை பலம்.
• சிறுபிள்ளை சகவாசம் சீலையைத்தான் கிழிக்கும்.
• ஒரு தவறுக்கு அடிபணிந்தால் அது மற்றொன்றையும் கூட்டி வரும்.
• கடந்து போனது கரணம் போட்டாலும் திரும்பி வராது.
• காக்கத் தெரிந்தவனுக்கே காரியமும் கைகூடும்.
• காலியான பணப்பைதான் பயணத்தின்போது பெரும் சுமையாகத் தெரியும்.
• கிழப்பூனையும் குட்டிப்பூனையைப் போலவே நடிக்கும்.
• கிழ வேடன் வலைவிரிப்பதில் கெட்டிக்காரன்.
• கிசுகிசு பேச்சுக்கள்தான் நீண்ட தொலைவு வரையிலும் கேட்கும்.
• சமையல் சுவையாக இருந்தால் படையல் பிரமாதமாக இருக்கும்.
• தன் நிழலோடு தானே சண்டையிடுபவனின் பெயர்தான் முட்டாள்.
• மனநிலை என்பது மிக சிறியதுதான். ஆனால் அது ஏற்படுத்தும் மாற்றங்களோ மிகப்பெரியது.
• நம்பிக்கை இல்லாதவன் வெல்வது கடினம். நம்பிக்கை உள்ளவன் வீழ்வது கடினம்.

The post Self-confidence quotes – தன்னம்பிக்கை பொன்மொழிகள் appeared first on Justice In Social.

Life – Philosophy.

• தலை குனிந்து என்னைப் பார். உலகமே உன்னை தலை நிமிர்ந்து பார்க்கும் – இப்படிக்கு புத்தகம்.
• நீ செய்யும் தவறுகளை நீ தவறு என்று உணராதவரை அது உனக்கு சரியாகவே தெரியும்.
• விரைவாக முடிவு எடுக்கத் தெரியாதவன் வாழ்வு… விரைவாகவே முடிந்துபோகும்.
• முற்கள் நிறைந்த கடினமான பாதைகள்தான் உன்னை கனிவான இடங்களுக்கு அழைத்து செல்கின்றன.
• வாழப் பொருள் வேண்டும். நீ வாழ்வதிலும் பொருள் வேண்டும்.
• விதை விழுவது உரமாவதற்கு அல்ல. மரமாவதற்கே…
• உன் எண்ணங்கள் ஒன்றே உன்னை வீழ்த்தக்கூடிய ஒரே ஆயுதம். அது தெளிவாக இருக்கும் வரை நீ ஒருவராலும் வீழ்த்தப்படுவதில்லை.
• நீ எதிலும் தோற்பதே இல்லை… ஒன்று வெற்றி கொள்கிறாய் இல்லையேல் கற்று கொள்கிறாய்.
• உன்னை மதிப்பவரிடம் தாழ்ந்து பேசு… உன்னை மிதிப்பவரிடம் வாழ்ந்து பேசு…
• உங்களின் நேற்றைய தோல்விகளுக்கான காரணங்களை நீங்கள் இன்று கண்டறியாவிட்டால், நாளைய வெற்றியை நோக்கி உங்களால் ஒரு அடிகூட எடுத்து வைக்க முடியாது.
• கற்கள் ஏற்படுத்தும் வலியைவிட சொற்கள் ஏற்படுத்தும் வலி அதிகம். எனவே தவறான வார்த்தைகள் உங்களின் பற்களை தாண்டி வராமல் பார்த்துக்கொள்ளுங்கள்.
• வாழ்க்கையின் சுகமே அதை சுமப்பதில்தான் இருக்கிறது.
• விடாமுயற்சியில் விடாமல் உழைப்பவனையே இறுதியில் வெற்றி எதிர்கொள்கிறது.
• மூச்சு நின்றால் மரணம், அது உன் முயற்சி நின்ற தருணம்.
• தோல்வியை ஆணியாக நினைத்தால் உறுத்தும், ஏணியாக நினைத்தால் உயர்த்தும்.
• பொறுமையை இழந்தவன் வறுமையில் வீ ழ்வான்.
• ஏமாற்றங்களை தவிர்க்க வேண்டுமென்றால் மாற்றங்களை ஏற்றுக்கொள்ள பழகிக்கொள்.
• காணாமல் போனவர்களை தேடு, ஆனால் உன்னை கண்டும் காணாமல் போகிறவர்களை கண்டால் ஓடு.
• கடந்துபோன காலங்கள் காலாவதியான மருந்தைப் போல அருந்தினாலும் வீண். அதையே நினைத்து வருந்தினாலும் வீண்.
• தனிமை – நீயே எடுத்துக்கொண்டால் சுகம். அதுவே பிறரால் உன்னிடம் திணிக்கப்பட்டால் துக்கம்.
• வரலாற்றில் இடம்பிடித்த அனைவருமே அவர்களின் உறவுகளால் உணர்வுகள் புண்பட்டவர்களே!…
• உன் வாழ்வில்வரும் சிக்கல்கள் அனைத்தும் உன்னை சிதைக்க வந்தவை என நினைக்காதே. உன்னை இன்னும் சிறப்பாக செதுக்க வந்தவை என நினை.
• ஊராரின் வாயை மூட நீ முயற்சி செய்வதைவிட.. உன் காதுகளை மூடிக்கொள்வது சுலபமல்லவா?…
• சில நேரங்களில் கடந்து செல்வதும், பலநேரங்களில் கண்டுகொள்ளாமல் செல்வதுவும் உன்னை அவமானங்களிலிருந்து காப்பாற்றும்.
• ஒரு எலியின் கொஞ்சும் இளமையை விட ஒரு புலியின் வருத்தும் முதுமை வலிமையானது.

• ஏழையாக இருப்பது தவறல்ல.. தொடர்ந்து கோழையாக இருப்பதே தவறு.
• நீ வெளிச்சத்தில் இருந்தால்தான் உன்னை உன் நிழல் கூட பின் தொடரும்.
• நீ பிறருக்கு கொடுக்கும் வெங்காயத்தை விட பிறரிடமிருந்து உனக்கு கிடைக்கும் பெருங்”காயமே” உனக்கு சிறந்த படிப்பினையைக் கொடுக்கும்.
• எவனொருவன் தன் மனதை அடக்கி ஆட்சி செய்கிறானோ அவனை வேறு எவராலும் ஆட்சி செய்யவே முடியாது.
• நீ கையில் எடுக்க விரும்பும் “வன்முறை” என்னும் ஆயுதத்தின் இரு பக்கமும் கூர்மையானவை. அது உன் எதிரிகளை விட உன் கைகளையே முதலில் பதம் பார்க்கும்.
• உன்னை மதிக்காத இடத்தில் பிணமாக விழுந்துகிடப்பதுகூட பாவம்.
• “முயலும்” வெல்லும், “ஆமை”யும் வெல்லும். ஆனால் “முயலாமை” என்றும் வெல்லவே வெல்லாது.
• வென்றவனுக்கும் வரலாறு உண்டு… தோற்றவனுக்கும் வரலாறு உண்டு… ஆனால் வேடிக்கை பார்பவனுக்கு அது இல்லை.
• ஜெயிக்கும்வரை தன்னம்பிக்கையும் ஜெயித்தபின் தன்னடக்கமும் உன்னுள் குடிகொண்டால் உன் வாழ்வில் வீழ்ச்சி என்பதே இல்லை.
• கற்களால் நீ தடுக்கி விழுந்தால் மீண்டும் எழுந்து நடப்பது சுலபம். ஆனால் உன் சொற்களால் நீ தடுக்கி விழுந்தால் அதன்பின் எழுந்து நடப்பதென்பது மிகவும் கடினம்.
• முள்ளின் வலி ஒரு நிமிடம் மட்டுமே உன்னை முடமாக்கும். ஆனால் நீ உதிர்க்கும் தவறான சொல்லின் வலிகளோ வாழ்நாள் முழுவதுமே உன்னை முடங்கிப்போகச் செய்யும்.
• யாருக்கும் உன்னை பிடிக்கவில்லையா? அப்படியென்றால் நீ இன்னும் சிறப்பாக நடிக்க கற்றுக்கொள்ளவில்லை என்று பொருள்.
• எல்லோருக்கும் பிடித்தமாதிரி நீ இருக்க விரும்பினால் முதலில் நீ இறந்துபோக வேண்டும். அப்போதுதான் அது சாத்தியமாகும். எனவே எல்லோருக்கும் பிடித்த மாதிரி வாழ்வதை விடுத்து முதலில் உனக்கு பிடித்த மாதிரி வாழ பழகிக்கொள்.

The post Guiding Philosophy in Life – வாழ்க்கைக்கான வழிகாட்டும் தத்துவங்கள் appeared first on Justice In Social.