தன்னம்பிக்கை வரிகள் (Self reliance lines) என்னும் இன்றைய பதிவில் இதயத்தை இரும்பாக்கி பிரச்சனைகளை துரும்பாக்கி வாழ்க்கையை கரும்பாக்கும் இருவரி தத்துவங்கள் கொடுக்கப்பட்டுள்ளன. வாருங்கள் நேற்றைய தோல்வியை மறந்து, நாளைய வெற்றியை நோக்கி இன்றைய பயணத்தை தொடங்குவோம்.

விடியல் தந்த விடியல்கள்.

• அவமானங்களை சேகரித்து வை. வெற்றி உன்னை தேடிவரும்.
• வாழ்க்கை என்பது உங்களை கண்டறிவது அல்ல. உங்களை உருவாக்கிக்கொள்வது.
• படிக்காத பாடத்திலிருந்து கடினமான கேள்விகளை கேட்டுவிட்டு அதற்கு விரிவாக விடையளிக்க சொல்வதுதான் வாழ்க்கை.
• வாழ்க்கை மிக எளியது. நாம்தான் அதை சிக்கலாக்கிக் கொள்கிறோம்.
• உண்மையான அறிவு என்பது நாம் தெரிந்து வைத்திருப்பது மிக சொற்பம் என்பதனை தெரிந்து கொள்வதில்தான் உள்ளது.
• உங்களால் கனவு காண முடியும் என்றால். கண்ட கனவை நனவாக்கவும் முடியும்.
• உன்னை நோக்கி சிரிப்பு வந்தால் சுதாகரி. எதிர்ப்பு வந்தால் நிராகரி.
• முடியும்வரை முயற்சி செய். முடியாவிட்டால் பயிற்சி செய்.
• இரண்டு தலைவர்கள் மோதினால் பல தொண்டர்களுக்கும் அது ஈமச்சடங்காக முடிந்துவிடும்.
• நீங்கள் இன்று செய்யும் செயல்களே உங்களின் நாளைய நாட்களை மேம்படுத்தும்.
• முடியாது என்று சொல்வது மூடநம்பிக்கை, முடியுமா? என்று கேட்பது அவ நம்பிக்கை,  முடியும் என்று முடிவெடுப்பதே தன்னம்பிக்கை.
• கல்லொன்று சிதைந்தால்தான் சிலையொன்று உருவாகும்.
• இறைவன் சிலவற்றை தாமதமாகக் கொடுத்தாலும் தரமானதாகக் கொடுப்பான்.
• மறுபடியும் காயப்பட்டு விடுவோமோ என்ற பயத்தினாலேயே புதிதாக வரும் நல்ல உறவுகளைக்கூட ஏற்க மறுக்கிறது மனம்.
• இன்றைக்கு கிடைக்கலாம் உனக்கு அவமானம். பொறுமை காத்தால் நாளைக்கு கிடைக்கும் உனக்கு வெகுமானம்.
• நெய் நல்லதுதான். ஆனால், ஒரு நாயால் நெய்யை ஜீரணிக்க முடியாது. அது போல நீ சொல்லும் கருத்து உயர்ந்ததே ஆனாலும் அதை சிலரால் ஜீரணிக்க முடிவதில்லை.
• நீ செய்யும் அறத்திற்கான வெகுமதியும், மறத்திற்கான தண்டனையும் அதனதனிடத்தில்தான் உள்ளன.
• சிரித்து வாழ்வதைவிட சிந்தித்து வாழ்வதே சிறப்பு.
• நல்ல சேவை செய்வதற்கான ஆற்றலை கெட்ட மனிதர்களிடம்போய் கேட்டு நிற்காதே.
• முயற்சி செய்து முடியாமல் போனால் அது முடிவல்ல. ஆனால் முயற்சி செய்யவே முடியாமல் போனால் உனக்கு என்றும் விடிவல்ல.
• நெருப்பு வழி செல்பவன் புகைக்கு அஞ்சமாட்டான். வெறுப்பு வழி செல்பவன் பகைக்கு அஞ்சமாட்டான்.
• அதிகம் படிப்பவன் அகந்தை அடையான்.
• நல்லதைக் கற்பது கடினமாக இருக்கலாம். ஆனால் கற்றதை மறப்பது அதைவிட கடினமானதாக இருக்க வேண்டும்.
• கடினமான பாதைகள்தான் உன்னை அழகான இடங்களுக்கு அழைத்து செல்கின்றன.

• வண்டுக்கு பசியாற ஒரு மலர் போதும். ஆனால் வண்ணத்துப் பூச்சிக்கோ ஒரு வனமே தேவைப்படும்.
• கற்றவற்றையும், கற்க வேண்டியவற்றையும் கருத்தில் வைப்பவனே கல்வியாளன்.
• படிக்கத் தெரியாதவனைப் போலவே படிக்கத் தகாதவைகளைப் படிப்பவனும் பரிதாபத்துக்குரியவனே.
• நூல் இல்லாத வீடு பால் இல்லாத மாட்டிற்கு சமம்.
• மனிதாபிமானம் உள்ளவனிடம் கடன் வாங்கு, மானரோஷம் உள்ளவனுக்கு கடன் கொடு.
• கால்கள் தடுக்கி விழுந்தாலும்கூட ஊன்றி எழ உன்னிடம் இரு கைகள் இருக்கின்றன என்பதனை நினைவில் வை. ஒரு வேளை கைகள் கைவிட்டாலும்கூட நம்பிக்கை கை கொடுக்கும் என்பதனை மறவாதே.
• பசியைக் கொடுத்து பசியினைப் போக்க இரையும் கொடுப்பவனே இறைவன்.
• கவலைப்பட்டுக் கொண்டிருப்பதால் கவலைகள் தீர்வதில்லை. காரணங்களை அறிந்து களைந்தால் மட்டுமே கவலைகள் தீரும்.
• துக்கம் வந்தால் தூக்கம் போய்விடும். தூக்கம் வந்தால் துக்கம் போய்விடும்.
• அசையும் சொத்தானாலும் அசையா சொத்தானாலும் உன் உடம்பு அசையும் வரைதான் உனக்கு பயன்படும்.
• இன்றைய ஊதாரி நாளைய குற்றவாளி. நாளைய குற்றவாளியோ வருங்கால அரசியல்வாதி.
• லட்சியம் உன்னை மேடைக்கு கொண்டு செல்லும். ஆனால் அந்த “பத்து லட்சமோ” உன்னை பாடைக்கே கொண்டு செல்லும்.

• பட்ட பின்பே பாதை தெரியும். கெட்ட பின்பே போதை தெளியும்.
• எளிய எதிரியே ஆனாலும் ஏளனமாய் எண்ணாதே.
• சந்தோஷத்தை சாகடிக்கும் சாதனமே சந்தேகம்.
• கோடீஸ்வரன் வீட்டில் பிள்ளை பிறந்தாலும் அழுதுகொண்டேதான் பிறக்கும்.
• அழகை நினைத்து கர்வம் கொள்ளாதே. ஏனென்றால், இன்றைய அழகி நாளைய கிழவி.
• சந்தேகப்பட்டு பார்த்தால் சந்தனம் கூட சகதியாகத்தான் தெரியும்.
• ஆணும் பெண்ணும் நட்பாகப் பழகினாலும் அடுத்தவர் பார்வைக்குத் தப்பாகத்தான் தெரியும்.
• பட்டாடை கட்டி பகட்டாக வாழ்வதை காட்டிலும் சிற்றாடை கட்டி சிறப்பாக வாழ்வதே மேல்.
• பொருத்தம் பார்த்து மணம் முடித்தாலும் வருத்தமே இல்லா வாழ்க்கை அமையாது.
• சில நேரங்களில் நீ எடுக்கும் பிழையான முடிவுகள் கூட எதிர் காலத்தில் உன்னை சரியான பாதையில் பயணிக்கக் கற்றுக்கொடுக்கின்றன.
• துணியாத வரை வாழ்க்கை பயம் காட்டும். துணிந்து பார் அதுவே உனக்கு வழிகாட்டும்.
• வாழ்க்கையில் இழந்த அத்தனையையுமே மீட்டுவிட முடியும் தன்னம்பிக்கை என்ற ஒன்றை மட்டும் இழக்காமல் நீ இருந்தால்.
• நீ எடுத்து வைக்கும் முதல் அடி உன் வெற்றிக்கான முதல் படியாக இருக்கட்டும்.
• சோதனைகளை சாதனையாக்க வேதனைகளை பாதைகளாக்கு.

The post Self reliance lines – தன்னம்பிக்கை வரிகள் appeared first on Justice In Social.

முடங்கிக் கிடக்கும் நம் வாழ்க்கையை உற்சாக சிறகடித்து வானில் வலம்வர செய்யும் சில தத்துவ முத்துக்களை இன்றைய சிந்தனை சிறகுகள் பதிவில் பார்க்கலாம் வாருங்கள்.

Sinthanai Siragugal.

• துன்பத்தைக்கண்டு சலித்து நிற்பதைவிட சிலிர்த்து நிற்பதே உன்னை வெற்றியை நோக்கி வழிநடத்தி செல்லும்.
• உன் விதியை நீயே எழுது. இல்லையென்றால் நீ காலத்திற்கும் அழும்படி மற்றவர்கள் எழுதிவிடுவார்கள்.
• உன்னையே நீ திறம்பட செதுக்கு… இல்லையேல் அந்த கைகள் இரண்டும்தான் உனக்கு எதுக்கு???.

• இன்றே உளிகொண்டு உன்னை நீ செதுக்கினால்… நாளை பழிகொண்டு அலைவதை விலக்கலாம்.
• பணம் இருந்தால் உன்னை உனக்கு தெரியாது. பணம் இல்லாவிட்டால் யாருக்குமே உன்னை தெரியாது.
• உழைப்பவனின் காலம் பொன் ஆகிறது. உழைக்ககாதவனின் பொன் காலமாகிவிடுகிறது.
• செவிக்கு உணவில்லையெனில் சிறிது வயிற்றுக்கும் ஈயப்படும்.
• கண் உள்ளவர்களை காட்டிலும் கண் பார்வை இல்லாதவர்கள் குறைவாகவே தடுக்கிவிழுகிறார்கள்.
• அசத்தியம் ஆடை அணிந்து செல்கிறது. ஆனால் சத்தியம் நிர்வாணமாகவே செல்கிறது.
• சிறகு இல்லா பறவை போல் உறவு இல்லா வாழ்வும் கெடும்.
• ஒன்றும் தெரியாதவனுக்கு ஒரு சந்தேகமும் வருவதில்லை.
• அழகாக மலர்வது விரைவாகவே வாடி விடும்.
• சேவல் மவுனமாகவும், கோழி கூவும்படியாகவும் எந்த வீடு உள்ளதோ அது துன்பம் நிறைந்தது.

• மலர்ந்த முகம் உணவு பரிமாறினால் சாதாரண விருந்துகூட அறுசுவை  விருந்தாக மாறிவிடும்.
• வாய்மை வாசல்படியிலேயே நின்றுவிடுகிறது. ஆனால் பொய்மையோ இண்டு இடுக்குவழியாக உள்ளே நுழைந்துவிடுகிறது.
• வெற்றியடைய வேண்டுமெனில் பரபரப்பு தேவையில்லை, சுறுசுறுப்பு மட்டுமே தேவை.
• படகு கரைசேர துடுப்பு தேவை, பட்சணம் கரைசேர அடுப்பு தேவை, ஆனால் நீ கரைசேர வேண்டுமெனில் கடின உழைப்பு மட்டுமே தேவை.
• சாதிக்க நினைப்பவனே இங்கு அதிகம் சோதிக்கப்படுகிறான், காரியமாற்றுபவனே அதிகம் காயப்படுகிறான்.
• நீங்களும் வாழுங்கள் பிறரையும் வாழவையுங்கள். ஒரு விளக்கு இன்னொரு விளக்கை ஏற்றுவதால் அதற்கு இழப்பு என்று எதுவும் இல்லை.
• சோம்பல் என்பது வேலை செய்வதைவிட அதிக களைப்பை தரும்.
• மணிக்கணக்கில் பிறருக்கு போதனை செய்வதைவிட சிலகணநேரம் பிறரின் வேதனை ஆற்றுவது சிறப்பு.
• மதியாதார் தலைவாசல் மிதியாதே.
• தவறுக்கு வருந்து, அதைவிட தவறே செய்யாமலிருப்பதே அருமருந்து.
• மனம் விரும்புவதையெல்லாம் பேசுபவன், மனம் வெறுப்பதையெல்லாம் கேட்க நேரிடும்.
• ஆயிரம் உபதேசங்களைவிட ஒரு அனுபவமே சிறந்த பாடத்தை கற்றுத்தரும்.
• ரத்தத்தில் கைகளை நனைத்தவன். தன்னுடைய கண்ணீரால்தான் அதை கழுவ வேண்டும்.
• ஒரே ஒரு துறை சார்ந்த புத்தகம் படித்தவனிடமிருந்து கடவுள் நம்மை காப்பாராக…
• ஒருமனிதன் அறிவாளியா இல்லையா என்பதனை அறிய அவன் தரும் பதில்களை பார்க்காதே அவன் தொடுக்கும் கேள்விகளை பார்.
• கால்களால் பறவைகள் வலைகளில் சிக்கிக்கொள்கின்றன. ஆனால் மனிதனோ நாவினால் (க)வலைகளில் சிக்கிக்கொள்கிறான்.
• ஒருவனுடைய லட்சியம் இதுவென்று அறிந்துகொண்டால் பின் அவனைப்பற்றி முழுமையாக அறிந்துகொள்வது கடினமன்று.
• தோல்வி என்பது கொஞ்சம் தள்ளிபோடப்பட்டிருக்கும் வெற்றி அவ்வளவுதான். இதில் கவலைகொள்வதற்கு எதுவுமில்லை.
• ஒவ்வொருவரும் உலகத்தைத்தான் மாற்ற நினைக்கிறார்களே ஒழிய தன்னை மாற்றிக்கொள்ள நினைப்பதில்லை.
• எப்போதும் அச்சத்தில் ஒளிந்து கொள்வதைவிட ஆபத்தை ஒருதடவை நேருக்குநேர் சந்திப்பது மேல்.
• அடங்கி போவதற்கு முன்னால் ஒரு தடவையாவது அடக்கிப் பார்த்துவிடு… முடிவாக உன் கால்கள் முடங்கியே போனாலும்கூட…

• மரணத்தை பற்றி நீ கவலைப்பட வேண்டியதே இல்லை. ஏனெனில் நீ இருக்கும்வரை அது உன்னிடம் வரப்போவதில்லை, அது வந்தபிறகு கவலைபட நீ இருக்கப்போவதில்லை. பின் ஏன் இந்த கவலை.
• முட்டாளின் முழு ஆயுளும், அறிவாளியின் ஒருநாள் ஆயுளுக்கு சமம்.
• எல்லோரையும் திருப்திப்படுத்த நினைப்பவன் வாழ்க்கையில் ஒருபோதும் வெற்றிபெற மாட்டான்.
• மரியாதைக்கு விலை கிடையாது. ஆனால் அது அனேகரை விலைக்கு வாங்கும்.
• ஒவ்வொருவரும் அசலாக பிறந்து நகலாக இருக்கிறோம்.
• ஊக்குவிக்க ஆளிருத்தல் ஊக்குவிக்கும் ஆள்கூட தேக்குவிற்பான்.
• கரட்டுநிலத்தில் விவசாயம் செய்ய பிராத்தனைகள் தேவையில்லை. நல்ல கடப்பாறை இருந்தால் போதும்.
• ஓநாய்கள் உன்னை விருந்துக்கு அழைத்தால் உன் நாயும் உன் கூடவே இருக்கும்படி பார்த்துக்கொள்.
• வாழ்க்கை என்பது ஊஞ்சலில் அமர்ந்துகொண்டு ஊசலாடுவது அல்ல. அது ஆழ்கடலில் புயலுக்கு நடுவே படகை செலுத்துவது போன்றது. எனவே மனஉறுதியும் திறமையும் உள்ளவன் மட்டுமே வாழ்வில் வெற்றியடைகிறான்.
• குஞ்சுகளே வாத்துகளை புல்வெளிக்கு கூட்டிச்செல்கின்றன.
• புறாவின் இளமையை காட்டிலும் கழுகின் முதுமையே வலிமை வாய்ந்தது.
• செல்வம்  என்பது வருமானத்தை பொறுத்தது அல்ல. நிர்வாக திறமையை பொறுத்தது.
• மனிதனின் முயற்சியை விட சூழ்நிலைகள் சிலநேரங்களில் வெற்றியை கொண்டுவருவதுண்டு.
• நீங்கள் முடியவே முடியாது என்று சொல்வதையெல்லாம் இந்தஉலகில் பிறிதொறு இடத்தில் யரோ ஒருவர் திறம்பட செய்து கொண்டுதான் இருக்கிறார்கள்.
• இருக்கின்ற ஜாதிகளை ஒழிக்க பாடுபடும் அதேவேளையில் படித்த ஜாதி, படிக்காத ஜாதி என புதிதாக இரு ஜாதிகள் உருவாகிவிடாமல் பார்த்துகொள்ள வேண்டியது நம் ஒவ்வொருவருடைய கடமையுமாகும்.
• நாடு முன்னேற வேண்டுமென்றால் முதலில் வறுமையும், அறியாமையும் நீங்க வேண்டும்.
• செல்வந்தன் ஒருவன் சுவர்கத்திற்கு நுழைவதை காட்டிலும் ஒரு ஒட்டகம் ஊசியின் காதுக்குள் நுழைவது எளிது.
• வீடில்லாத மனிதன் கூடில்லாத பறவைபோன்றவன் எனவே சின்ன வீடாக இருந்தாலும் அது சொந்த வீடாக இருக்க வேண்டும்.

• சமையல் மோசமானால் ஒரு நாள் நஷ்டம். அறுவடை மோசமானால் 1 வருடம் நஷ்டம். திருமணம் மோசமானால் உன் ஆயுள் அம்புட்டும் நஷ்டம்.
• நானும் இளவரசன் நீயும் இளவரசன் என்றால் யார்தான் இந்த கழுதைகளை மேய்ப்பது?
• உன்னால் நடக்கமுடியுமென்றால் ஆடவும் முடியும், உன்னால் பேச முடியுமென்றால் பாடவும் முடியும்.
• அது ஒரு காளை என்கிறேன்… நீயோ பால்கறந்து காட்டு அப்போதுதான் நம்புவேன் எங்கிறாய்.
• பூனைக்கு தாராளமாக உணவளித்தால் எலிகள் வந்து உன்னிடம் சொந்தம் கொண்டாடும்.
• நோய் வரும் அளவிற்கு தின்பவர்கள் நோய் நீங்கும் வரை உண்ணா நோன்பு இருக்கவேண்டி வரும் .
• பிறரின் குற்றங்களில் மட்டுமே கவனம் செலுத்துபவர்கள். தங்களுடைய குறைகளை குணப்படுத்த முடியாமல் தவிப்பார்கள்.
• மரத்தடியில் ஆளில்லாதபோதுதான் இறைவன் தேங்காயை விழ செய்கிறான்.

The post Sinthanai Siragugal – சிந்தனை சிறகுகள் appeared first on Justice In Social.

“பாபா சாகேப் அம்பேத்கர்” (Babasaheb Ambedkar) என்று பாசத்துடனும் மரியாதையுடனும் அழைக்கப்பட்ட சட்ட மாமேதையின் இயற்பெயர் “பீம்ராவ் ராம்ஜி அம்பேத்கர்” (Bhimrao Ramji Ambedkar). இந்திய திரு நாட்டின் முதலாவது சட்ட அமைச்சர்.

இவர் இந்திய சட்டத்தை வரையறுத்த ஒரு சட்ட மாமேதை என்றுதான் நம்மில் பலபேர் தெரிந்துவைத்துள்ளோம். உண்மையில் இவர் சட்ட மாமேதை மட்டுமல்ல அரசியல் வித்தகர், பொருளாதார மாமேதை, வரலாற்று பேராசிரியர், தத்துவ ஞானி, சட்ட வல்லுநர், தலைசிறந்த எழுத்தாளர், சமூக நீதி சிந்தனையாளர் மற்றும் புரட்சியாளர் என பன்முகத்தன்மைகொண்ட மாமேதை எனலாம்.

அதுமட்டுமல்ல, தலைசிறந்த கல்வியாளரும்கூட.. அரசியல், வரலாறு, தத்துவம், பொருளாதாரம் இன்னும் பல துறைசார்ந்த விஷயங்களை கற்றுத்தேர்ந்தவர்.

ஆங்கிலம் (English), ஹிந்தி (Hindi), சமஸ்கிருதம் (Sanskrit), மராத்தி (Marathi), குஜராத்தி (Gujarati), பிரெஞ்சு (French), பெர்ஷியன் (Persian), ஜெர்மன் (German), பாலி (Pali) என பல மொழிகளும் கற்றறிந்த வித்தகர். 

இந்தியாவில் நிலவிவந்த ஜாதீய கொடுமைகளுக்கு எதிராக 1956 டிசம்பர் 6ம் தேதி வரை அதாவது தன் இறுதிமூச்சு இருந்தவரை தளராது போராடிய தீரர்.

இவருடைய மகத்தான சேவைகளை பாராட்டி இவருக்கு இந்தியாவின் உயரிய விருதான “பாரத ரத்னா” (Bharat ratna award) விருது வழங்கி கௌரவிக்கப்பட்டுள்ளது. இவருடைய இறப்புக்குப்பின் 1990ல் தான் இவ்விருது வழங்கப்பட்டது என்பது இங்கு குறிப்பிடத்தக்கது.

இவருடைய கருத்துக்கள் பெரும்பான்பையும் ஜாதீயக்கொடுமைகளை சாடுவதாகவே அமைந்துள்ளன. அவருடைய சீரிய சிந்தனையில் உதித்த தத்துவங்கள் சிலவற்றை “அம்பேத்கரின் சீரிய சிந்தனைகள் – Ambedkar great thoughts.” என்னும் இப்பதிவின்மூலம் அறிந்துகொள்வோம் வாருங்கள்.

அம்பேத்கரின் தத்துவங்கள்.

• கடவுளுக்கு தரும் காணிக்கையை விட ஒரு ஏழைக்கு தரும் கல்வி மேலானது.
• கடவுளுக்கு செலவிடும் பணத்தை உன் குழந்தையின் படிப்புக்கும், அவர்களின் எதிர்கால தேவைகளுக்கும் செலவிடு. அது உன்னையும் உன்னை சார்ந்த பிறரையும் வாழவைக்கும்.
• சுயமரியாதையே மனிதனின் சிறந்த அடையாளம், அதை இழந்து வாழ்வது மிகப்பெரிய அவமானம்.
• தன்னை உயர்ந்த ஜாதியாகவும் பிறிதொரு மனிதனை தாழ்ந்த ஜாதியாகவும் கருதுபவன் ஒரு மனநோயாளி.
• சாதிதான் இங்கு சமூகம் என்றால் வீசும் காற்றில் விஷம் பரவட்டும்.
• அடிமையாக வாழ்க்கை நடத்தும் ஒருவனுக்கு தான் அடிமையாக அவமானப்படுத்தப்படுவதை புரியவை. பிறகு அவன் தானாகவே அடிமைச்சங்கிலியை உடைத்தெறிய கிளர்ந்தெழுவான்.
• ஜாதி உன்னுடைய அடையாளம் அல்ல. அது உன்னுடைய மற்றும் மனித குலத்தின் அவமானம்.
• ஆயிரம் ஆண்டுகாலம் அடிமையாக வாழ்வதைவிட அரை நிமிடம் சுதந்திர மனிதனாக வாழ்ந்து மடிவது சிறப்பு.
• நமது திறமையும் நேர்மையும் வெளிப்படும்போது பகைவன்கூட நம்மை மதிப்புடன் பார்ப்பான்.
• உழைப்பவன் அடிமையுமில்லை, ஊதியம் கொடுப்பவன் கடவுளும் இல்லை.
• வாழ்க்கை நீளமானதாக இருக்கவேண்டிய அவசியமில்லை, அது சிறப்பானதாக இருக்கவேண்டும் என்பதே முக்கியம்.
• பலிபீடங்களில் வெட்டப்படுபவை அப்பாவி ஆடுகள்தானேயொழிய சீறும் சிங்கங்கள் அல்ல. எனவே சிங்கங்களாக எப்போதும் கர்ஜித்துக்கொண்டே இரு.
• நான் யாருக்கும் அடிமையாக இல்லை. அதேவேளையில் எனக்கும் யாரும் அடிமையாக இல்லை.
• எனக்கு மேலே ஒருவரும் இல்லை. எனக்கு கீழேயும் ஒருவரும் இல்லை.
• எவன் ஒருவன் தன் உரிமைகளை தற்காத்து கொள்ள தயாராக இருக்கிறானோ, எவன் ஒருவன் தன் பொது விமர்சனங்களுக்கு அச்சப்படாமல் இயங்குகிறானோ, எவனொருவன் சுய சிந்தனை சுய மரியாதையுடன் திகழ்கிறானோ அவனையே சுதந்திரமான மனிதன் என்பேன்.

• ஒரு மனிதனை அச்சமற்றவனாக மாற்றி ஒற்றுமையின் படிப்பினையை கற்பித்து தன்னுடைய உரிமைகள் குறித்த விழிப்புணர்வை ஏற்படுத்தி தன்னுடைய உரிமைக்காக போராடும் உணர்வை ஊட்டுவதே கல்வி.
• ஒரு லட்சியத்தை கையிலெடுங்கள் அதை அடைவதற்கு விடா முயற்சியுடன் தொடர்ந்து முன்னேறுங்கள்.
• நான் வணங்கும் தெய்வங்கள் மூன்றே மூன்றுதான். அவை அறிவு, சுயமரியாதை, நன்னடத்தை.
• ஒழுக்கம், முன்னேற்றத்தில் சிரத்தை, சிந்தனையில் புரட்சி இந்த மூன்று விஷயங்களுக்காக தன்னை அர்பணித்துக்கொண்டு ஒவ்வொருவரும் வாழவேண்டும்.
• அடிமை வாழ்வுதான் நமக்கு கிடைத்த கதி என்னும் எண்ணத்தை முதலில் குழிதோண்டி புதையுங்கள்.
• உலகில் பிறக்கும்போது யாரும் தெய்வீக குணங்களுடன் பிறப்பதுமில்லை. அவதாரமாக அவதரிப்பதுமில்லை. அவரவர்கள் மேற்கொள்ளும் முயற்சிகளின் ஏற்றத்தாழ்வுகளே அவர்களை உயர்ந்த நிலைக்கும் தாழ்ந்த நிலைக்கும் இட்டுச்செல்கிறது.
• இந்தியாவில் எத்தனையோ மகாத்மாக்கள் தோன்றிவிட்டார்கள். ஆனால் தீண்டாமை கொடுமைதான் இன்னும் ஒழிந்தபாடில்லை. இந்த மகாத்மாக்கள் என்ன விஷயமாக தோன்றுகிறார்கள் என்றுதான் எனக்கு ஒன்றும் புரியவில்லை.
• சாதியை பிடித்துக்கொண்டு அலைபவர்கள் அனைவருமே தேசவிரோத சக்திகள்தான்.
• நீ பிறந்த சமூகத்தின் விடுதலைக்காக நீ போராட துணியவில்லை எனில் அந்த சமூகத்தின் முதல் சாபக்கேடே நீதான்.

The post Ambedkar great thoughts appeared first on Justice In Social.