Osho.

இந்தியாவின் மிகச்சிறந்த தத்துவ ஞானிகளில் ஓஷோவும் ஒருவர். இவர் மிகச்சிறந்த படிப்பாளி. பல்கலைக்கழகத்தில் பட்டம் பெற்றவர். இவருடைய இயற்பெயர் ரஜ்னீஷ் சந்திர மோகன். ஓஷோ என்பது இவராகவே தமக்கு சூட்டிக்கொண்ட சிறப்பு பெயர்.

இவர் “தத்துவ இயல்” பிரிவில் தேர்ச்சி பெற்று சாகர் பல்கலைக்கழகத்தில் முதுகலை பட்டம் பெற்ற மாணவர். அதுமட்டுமல்ல சிறிதுகாலம் பல்கலைக்கழகத்தில் “தத்துவ இயல்” பேராசிரியராகவும் பணியாற்றினார். பின் ஆன்மீகத்தில் பற்று ஏற்பட பேராசிரியர் தொழிலை விடுத்து தத்துவ ஞானியாக மாறுகிறார்.

இவருடைய ஒவ்வொரு தத்துவங்களும் நம்மை ஒருகணம் சிந்திக்க வைப்பவை. இப்பதிவில் அவரின் தத்துவார்த்த சிந்தனைகளைப் (Philosophy of Osho) பற்றித்தான் பார்க்க இருக்கின்றோம்.

அவருடைய சிந்தனைகளை ஆராய்வதற்கு முன்னால் அவரின் வாழ்க்கைக் குறிப்புகளை பார்த்துவிடலாம்.

வாழ்க்கை குறிப்பு.

பெயர் :- ஓஷோ – Osho.

இயற்பெயர் :- ரஜ்னீஷ் சந்திர மோகன் – Rajneesh chandra mohan.

தாயகம் :- இந்தியா, மத்தியபிரதேசம். (Madhya Pradesh – India).

வாழ்க்கை முறை :- ஆன்மீகம், பேச்சாளர், ஆன்மீக குரு.

பிறப்பு :- 1931, டிசம்பர் 11. 

பிறப்பிடம் :- மத்திய பிரதேசம், ரெய்சன் மாவட்டத்திலுள்ள “குச்வாடா” என்னும் கிராமம். (Madhya Pradesh – Raisen District – Kuchwada).

இறப்பு :- 1990, ஜனவரி 19. தன்னுடைய 58 வது வயதில் இந்தியாவின் மகாராஷ்டிர மாநிலத்திலுள்ள புனேவில் இயற்கை எய்தினார். (Pune – Maharashtra – India).

Osho Thathuvangal.

• கப்பலில் இருந்த கிளி ஒன்று பேச்சுத்துணை இல்லாமல் மிகவும் சலிப்புற்றிருந்த சமயத்தில், அங்கு ஒரு குரங்கு இருப்பதைப் பார்த்து மிகவும் சந்தோஷப்பட்டது.
• நட்சத்திரங்களின் அழகை ரசிக்க வேண்டுமென்றால் நீ இருளில் இருந்துதான் ஆக வேண்டும்.
• அன்பு என்பது ஒரு இலக்கு, வாழ்க்கை என்பது அதை நோக்கி செல்லும் பயணம்.
• எத்தனை தவறுகள் வேண்டுமானாலும் செய்யுங்கள், ஆனால் ஒரே தவறை திரும்ப திரும்ப செய்யாதீர்கள். ஏனென்றால் அந்த தவறை மறக்கவே முடியாதபடிக்கு நீங்கள் கற்றுக் கொள்வீர்கள். உங்கள் வாழ்க்கையே திசைமாறிப்போகும்.
• உங்களிடம் கற்றுக் கொள்ளும் மனமும் அதில் ஆர்வமும் இருந்தால் உங்களால் முட்டாள்களிடம் இருந்து கூட பாடம் கற்க முடியும். அந்த மனமும் அதற்கான ஆர்வமும் இல்லாவிடடால் உங்களால் புத்தனிடமிருந்து கூட எதையும் கற்க முடியாது.
• நல்லவனிடம் கண்ட ஒரு தவறுக்காக அவனை விட்டு விலகாதே,  தீயவனிடம் கண்ட ஒரு நற்செயலுக்காக அவனிடம் உறவு கொள்ளாதே.
• உன்னுடைய பிரச்சனைகளை உன்னால் மட்டுமே சரி செய்ய முடியும். ஏனென்றால் அதை உருவாக்கியவனே நீதான்.
• விதையாக பிறவி எடுப்பது என்பது முற்றிலும் சரியே, ஆனால் வெறும் விதையாகவே மாண்டு போவது என்பது துரதிஷ்டமானது.

• தான் மிகச்சிறந்த மனிதன் என்று யாருக்கும் நிரூபிக்க ஆசைப்படாத மனிதன் எவனோ அவனே உண்மையில் மிகச்சிறந்த மனிதன்.
• உண்மை என்பது வெளியே இருக்கும் எதோ ஓன்றை கண்டுபிடிப்பது அல்ல, அது உள்ளுக்குள்ளே இருக்கும் ஒன்றை உணர்வது.
• வாழ்க்கையை அனைத்து சாத்தியமான வழிகளிலும் அனுபவியுங்கள். அனுபவங்களைக் கண்டு பயப்படாதீர்கள். ஏனெனில் அனுபவங்கள்தான் உங்களை முதிர்ந்த நிலைக்கு எடுத்து செல்லும்.
• உனக்கும் அடுத்தவருக்கும் இருக்கும் உறவு கண்ணாடி போன்றது.
• துன்பத்தை தவிர்க்க வேண்டும் என்றால் இன்பத்தையும் தவிர்க்க வேண்டும். இறப்பை தவிர்க்க வேண்டும் என்றால் பிறப்பையும் தவிர்த்தால்தான் அது சாத்தியம்.
• யாரிடமும் பேசும்போது பயப்படாதீர்கள். அப்படியில்லை என்றால் பயப்படும்போது பேசாதிருங்கள்.
• நீ இந்த கணத்தை முழுமையாக வாழ்ந்தால், எதிர்காலத்தைப் பற்றி நீ கவலைகொள்ள வேண்டிய அவசியமிருக்காது.
• பார்வையிழந்த உங்களுக்கு கண்களை தர விரும்புகிறேன். ஆனால், நீங்களோ என்னிடம் ஊன்றுகோலை எதிர்பார்க்கிறீர்கள்.

• மரணத்திற்குப் பிறகு வாழ்வு உண்டா?  என்பது ஒரு புறம் இருக்கட்டும். நீ உயிரோடு இருக்கும் பொது உனக்கான வாழ்க்கையை வாழ்கிறாயா? இல்லையா? என்பதுதான் இப்போதைய கேள்வி.
• இங்கே மனிதனைத்தவிர வேறு யாரும் ”அகங்காரம்” நிரம்பியவர்கள் இல்லை, எனவேதான் மனிதனைத் தவிர பிற உயிரினங்கள் அதிக அளவில் துன்பங்களை அனுபவிப்பது இல்லை.

The post Philosophy of Osho appeared first on Justice In Social.

Charlie Chaplin.

வரலாற்றின் கதாநாயகரான சார்லி சாப்ளின் (Charlie Chaplin)ஒரு சிறந்த நடிகர். சீரிய சிந்தனையாளர். தன் உடல் அசைவின் மூலம் அனைவரையும் சிரிக்க வைத்தவர். பார்வையாளர்களை சிரிக்க வைத்த இவரின் வாழ்க்கையோ இவருக்கு சிறப்பாக அமையவில்லையென்பது வேதனை. ஒவ்வொரு கணமும் வேதனையில் கழிந்ததே மிச்சம். வாருங்கள் இவரின் சீரிய சிந்தனைகளை சிறிது அருந்துவோம்.

இவருடைய சிந்தனைகளை அசைபோடுவதற்கு முன்னால் இவரைப்பற்றிய வாழ்க்கைக் குறிப்புகளை பார்த்துவிடலாம்.

வாழ்க்கை குறிப்புகள்.

பெயர் :- சார்லி சாப்ளின் – Charlie Chaplin.

இயற்பெயர் :- சார்ல்ஸ் ஸ்பென்சர் சாப்ளின். (Charies Spencer chaplin).

தாயகம் :- இங்கிலாந்து – லண்டன். (England – London).

பிறப்பு :- ஏப்ரல் 16 , ஆண்டு 1889.

திறமை :- நகைச்சுவை கலந்த நடிப்பு.

நடிப்பு காலம் :- 1895 முதல் 1976 வரை.

முத்திரை பதித்தது :- இசை மற்றும் சினிமா.

வாழ்க்கை துணை :- நான்கு மனைவிகள் மற்றும் 11 குழந்தைகள்.

இறப்பு :- டிசம்பர் 25, ஆண்டு 1977.

வாழ்ந்த காலங்கள் :- 88 வருடம்.

சார்லி சாப்ளின் தத்துவங்கள்.

• உன் மனம் வலிக்கும்போது சிரி. பிறர் மனம் வலி தீரும் மட்டும் அவர்களையும் சிரிக்க வை.
• சில பெரியோர்களின் அளவு கடந்த அன்புதான் பல குழந்தைகளின் ஒளி பொருந்திய எதிர்காலத்தை இருளடையச் செய்கின்றன.
• வாழ்க்கையில் எவ்வளவு துன்பம் வந்தாலும் சரி. அவைகளை எளிதாக எடுத்துக்கொள், அப்பொழுதுதான் உன்னால் எளிதாக வெற்றியடைய முடியும்.
• உன் வேதனை பலரை சிரிக்க வைக்கலாம், ஆனால் உன் சிரிப்பு ஒருவரைக்கூட வேதனைப்படுத்தக் கூடாது.

• நாம் மிக அதிக அளவு சிந்திக்கிறோம். ஆனால் மிக குறைந்த அளவே அக்கறை கொள்கிறோம்.
• கண்ணாடிதான் என் மிகச்சிறந்த நண்பன், ஏனெனில் நான் அழும் போது அது ஒருபோதும் என்னைப் பார்த்து சிரித்ததில்லை.
• போலிக்குதான் பரிசும் பாராட்டும்.  உண்மைக்கு என்றும் ஆறுதல் பரிசு மட்டுமே.
• ஆசைப்படுவதை மறந்து விடு, ஆனால் ஆசைப்பட்டதை மறந்துவிடாதே.
• உன் இதயம் வலித்தாலும் சிரி. அதே இதயம் உடைந்தாலும் சிரி.
• உன் வாழ்க்கை என்பது வெறும் அர்த்தம் தேடிக்கொண்டிருப்பதற்கல்ல. அனுபவிப்பதற்கு !!
• பணத்தை நோக்கி ஓடும் மனிதன் கடைசியில் தன் வாழ்க்கையில் நிம்மதியை தொலைத்து விடுகிறான்.
• அறிவுக் கூர்மையைவிட நம் வாழ்க்கைக்கு அதிகம் தேவைப்படுவது இரக்கமும், கண்ணியமுமே.
• ஒரு முறையாவது உங்கள் வாழ்க்கையைப்பற்றி முழுமையாக சிந்தித்துப் பாருங்கள். நகைச்சுவைக்கு வேறு எங்கும் செல்ல வேண்டியதில்லை.
• உங்களை தனியாக விட்டாலே போதும். வாழ்க்கை அழகானதாகத்தான் இருக்கும்.
• வாழ்க்கை வெகு தொலைவில் இருந்து பார்க்கும் போது மகிழ்ச்சிகரமானது, ஆனால் அருகில் இருந்து பார்க்கும் போது மிகவும் துயரமானது.
• கனவுகள் எல்லாம் நனவாகும். நிறைய காயங்களுக்குப் பிறகு.

• நாம் இருக்கும்போது யாரை சிரிக்க வைக்கிறோமோ, அவர்கள்தான் நாம் இறக்கும்போது அழுகிறார்கள். நாம் வாழும்போது யாரை அழவைக்கிறோமோ அவர்கள்தான் நாம்  வீழும்போது சிரிக்கிறார்கள்.
• இந்த உலகத்தில் எதுவுமே நிரந்தரம் கிடையாது. உங்கள் துயரங்களுக்கும் கூட இது பொருந்தும்.
• நீ சந்தோசமாக இல்லாத போது வாழ்க்கை உன்னைப்பார்த்து சிரிக்கிறது. நீ சந்தோசமாக இருக்கும்போது உன்னைப்பார்த்து மகிழ்வுடன் புன்னகைக்கிறது, ஆனால் நீ அடுத்தவரை சந்தோஷப்படுத்தும் போதுதான் உன் முன்னால் அது தலைவணங்குகிறது.

சார்லி சாப்ளினின் தத்துவங்களை அறிந்துகொண்ட நீங்கள் மேலை நாட்டு தத்துவ அறிஞரான “அரிஸ்டாட்டிலின்” தத்துவங்களை அறிந்துகொள்ள விருப்பம் கொள்கிறீர்களா. தெரிந்துகொள்ள வேண்டுமெனில் சுட்டியை தட்டுங்க… >> “மேலைநாட்டு அறிஞர்களின் தத்துவங்கள் – அரிஸ்டாட்டில் – Aristotle.”<<

The post Charlie Chaplin – Philosophy appeared first on Justice In Social.

Mother Teresa.

இந்த உலகில் கருணை உள்ளத்தோடு கடைசிவரை வாழ்ந்தவர் அன்னை தெரேசா. தாய்மை உள்ளத்தோடு அனைவரையும் நேசித்ததால் “அன்னை” என்று அன்போடு அனைவராலும் அழைக்கப்பட்டவர்.

அன்பு கலந்த அன்னை தெரசாவின் (Mother Teresa) தத்துவார்த்த மொழிகளையே நாம் இந்த பதிவில் பார்க்க இருக்கின்றோம். வாருங்கள் பார்க்கலாம்.

அன்னை தெரேசா – வாழ்க்கைக் குறிப்பு.

பெயர் :- தெரசா – Teresa.

இயற்பெயர் :- ஆக்னஸ் கோன்ஜா போஜாஜியூ – Agnes Gonxha Bojaxhin.

செல்லப் பெயர் :- கோன்சா.

பிறப்பு :- 1910. ஆகஸ்ட் 26.

பிறந்த இடம் :- மசிடோனியா – ஸ்கோப்ஜி நகரம். (Macedonia – Skopje City)

தாயகம் :- அல்பேனியா – Albania.

தந்தை :- நிகோலா பொஜாஜியூ – Nikola Bojaxhin.

தாய் :- திரானி பெர்னாய் – Drane Bernai .

உடன் பிறப்பு :- அக்கா ( Aga ) மற்றும் அண்ணன் ( Lasar ). 

வாழ்க்கை :- ஆன்மீகம், ஏழைகளுக்கு தொண்டாற்றுதல்.

இறப்பு :- 1997, செப்டம்பர் 5.

இறந்த இடம் :- கொல்கத்தா – Kolkata.

அன்னை தெரசாவிற்கு அளிக்கப்பட்ட விருதுகள்.

• அமைதிக்கான நோபல் பரிசு – Nobel Prize (1979).
• பாரத ரத்னா விருது – Bharat Ratna award (1980).
• Golden Honour of the nation (1994).
• சுதந்திரத்திற்கான ஜனாதிபதி பதக்கம் (1985).
• பத்ம ஸ்ரீ – Padma Shri Award (1062).
• டெம்பிள்டன் பரிசு (1973).
• Congressional Gold Medal (1997).
• சர்வதேச புரிந்துணர்வுக்கான ஜவகர்லால் நேரு விருது (1969).
• Pope John XXIII Peace Prize (1971).
• Order of Merit (1983).
• Pacem in Terris Award (1976).
• Albert Schweilzer International Prize (1975).
• Ramon Magsaysay Award for Peace and International Understanding (1962).
• Grand Order of Queen Jelena (1995).
• Patronal Medal (1979).
• Balzan Prize for humanity , Peace and Fratemity Among Peoples (1978). மற்றும் Order of the Smile.

அன்னை தெரசா உதிர்த்த தத்துவங்கள்.

• அன்புதான் உன் பலவீனம் என்றால். இந்த உலகில் மிகச் சிறந்த பலசாலி நீதான்.
• பிறருக்கு உதவும் கரங்கள், ஜெபிக்கும் உதடுகளை விட சிறந்தது.
• வாழ்க்கை என்பது நீ சாகும் வரை அல்ல. பிறர் மனதில் நீ வாழும் வரை தொடரும்.
• உனக்காக வாழ்கிறேன் என்று பிறர் சொல்வதை விட , உன்னால் நான் வாழ்ந்து கொண்டிருக்கிறேன் என்று ஒருவர் சொன்னால் அதுவே சிறந்த வாழ்க்கை. !!!

• உங்களை வெறுப்பவர் யாராக வேண்டுமானாலும் இருந்துவிட்டுப் போகட்டும். ஆனால் அவர்களையும் நேசிப்பவராக நீங்கள் இருங்கள்.
• குற்றம் காணத் தொடங்கினால் அன்பு செய்ய நேரம் இருக்காது.
• நீங்கள் வாசம் செய்யும் இடத்தில் அன்பு பெருக வேண்டுமா? அனைவரிடமும் மனம்விட்டு பேசுங்கள் இதுவே ஒரே வழி.
• நீ கருவுற்றால் ஓரு சில குழந்தைகளுக்கு வேண்டுமானால் தாயாகலாம். ஆனால் நீ கருணையுற்றாலோ ஓராயிரம் குழந்தைகளுக்கு தாயாகலாம்.
• அனைவரும் இறுதியில் ஒருநாள் இறக்கத்தான் போகிறோம் . ஆனால் அது வரையில் இரக்கத்தோடு வாழ்ந்துவிட்டு செல்வோம்.

• கொடுப்பது சிறியது என்று தயங்காதே, பெறுபவர்க்கு அதுபெரியது. எடுப்பது சிறியது என்று திருடாதே, இழந்தவருக்கு அது பெரியது.
• நோய்களிலே மிகக் கொடிய நோய், பிறர் மீது அக்கறை இல்லாமல் இருப்பதே.

The post Mother Teresa Philosophy appeared first on Justice In Social.

Swami vivekananda.

பண்டைய காலம் தொட்டே ஆன்மீகம் தழைத்து வளர்ந்த தேசம் நம் இந்திய தேசம். இந்த நிலப்பரப்பு தன்னலமற்ற பல துறவிகளையும், மகான்களையும்  கண்டிருந்தாலும் இந்தியாவின் “வீரத்துறவி” என்று அனைவராலும் அழைக்கப்பட்டவர் “சுவாமி விவேகானந்தர் – Swami vivekananda” மட்டுமே.

ஏனெனில், இவருடைய வீரம் செறிந்த உணர்ச்சியூட்டும் உரைகள் ஒவ்வொன்றும் இளைஞர்கள் மத்தியில் எழுச்சியூட்டும் விதைகளாக விழுந்தன.

இவருடைய வார்த்தைகள் ஒவ்வொன்றும் இளைஞர்களின் இதயங்களில் தன்னம்பிக்கையையும், வீரத்தையும் விதைத்ததால் வீரத்துறவி என மக்களால் பெருமையுடன் அழைக்கப்பட்டார். அவரின் வீரம் செறிந்த தத்துவங்களில் சிலவற்றை இந்த பதிவில் பார்ப்போம்.

சுவாமி விவேகானந்தர்.

வாழ்க்கை குறிப்பு.

பெயர் – விவேகானந்தர் – Vivekananda.

இயற்பெயர் – நரேந்திரநாத் தத்தா – Narendranath dutta.

பிறப்பு – ஜனவரி 12, 1863.

தாயகம் – இந்தியா – India.

பெற்றோர்கள் – விசுவநாத் தத்தா (Vishwanath dutta), புவனேஸ்வரி தேவி (Bhuvaneshwari Devi).

பிறந்த இடம் – கொல்கத்தா, மேற்கு வங்கம், இந்தியா. (Kolkata, West Bengal, India)

உடன் பிறப்புகள் –

• இளைய சகோதரர்கள் – 2.
• மூத்த சகோதரி – 1.
• இளைய சகோதரி – 1.

வாழ்க்கை – ஆன்மீகவாதி, தத்துவ ஞானி, துறவி.

குரு – ஸ்ரீ ராம கிருஷ்ண பரம ஹம்சர் – Sree Ramakrishna Paramahamsa.

இறப்பு :- ஜூலை 4, 1902.

இறந்த இடம் :- பேலூர், கொல்கத்தா. (Belur, Kolkata).

விவேகானந்தரின் தத்துவங்கள்.

Vivekananda Thathuvangal.

• நேரத்தை வீணாக்கும் போது கடிகாரத்தைப் பார். ஓடுவது முள் அல்ல, உன் வாழ்க்கை.
• உனது மனதை உயர்ந்த இலட்சியங்களாலும், சிந்தனைகளாலும் நிரப்பு. அதிலிருந்தே நல்ல செயல்கள் விளையும்.
• உலகிலுள்ள தீமைகளைப் பற்றியே நாம் வருந்துகிறோம். நம் உள்ளத்தில் எழும் நச்சு எண்ணங்களைப் பற்றி சிறிதும் கவலை கொள்வதில்லை. உன் உள்ளத்தை ஒழுங்குபடுத்தினால் இந்த உலகமே ஒழுங்காகி விடும்.
• யோசிக்காமல் நீ செய்யும் ஒவ்வொரு செயலும் பின்னாளில் உன்னை யோசிக்க வைக்கும்.

• மனதை உயர்ந்த எண்ணங்களால் நிரப்புங்கள். மாதக்கணக்கில்  அதைப்பற்றியே சிந்தியுங்கள். தோல்விகளை பொருட்படுத்தாதீர்கள். தோல்வி என்ற ஒன்று இல்லையென்றால் முயற்சி என்ற ஒன்றும் உன் வாழ்வில் இல்லாமலே போகக்கூடும். முயற்சி இல்லையெனில் வெற்றி என்ற ஒன்றும் இல்லாமலே போகலாம். ஆயிரம் முறை தோற்றாலும் மீண்டும் ஒருமுறை முயற்சி செய்யுங்கள். உங்கள் வாழ்வின் சாராம்சமே அதில்தான் அடங்கியுள்ளது.
• உலகம் உன்னை புகழ்ந்தாலும் சரி, இகழ்ந்தாலும் சரி, அதில் நீ கவனம் செலுத்தாமல் உண்மையென்னும் பாதையிலிருந்து அணுவளவேனும் தடம்பிறழாமல் கவனமாக இருக்க வேண்டும்.
• எப்போதும் பொறாமையை விலக்குங்கள். இதுவரையில் நீங்கள் செய்து முடிக்காத மகத்தான காரியங்களை எல்லாம் செய்து முடிப்பீர்கள்.
• எழுமின், விழிமின் குறிக்கோளை அடையும் வரை அயராது உழைமின்.
• உண்மைக்காக எதையும் தியாகம் செய்யலாம். ஆனால் எதற்காகவும் உண்மையை தியாகம் செய்து விடாதீர்கள்.
• உனக்கு தேவையான எல்லா வலிமையும் உதவியும் உனக்குள்ளேயே இருக்கிறது.
• பிரச்சனைகளைக் கண்டு பயந்து ஒதுங்கினால் அது உன்னை துரத்தும். அதை எதிர்த்து நின்றால் ஒதுங்கிக் கொள்ளும்.
• நீ எதை நினைக்கிறாயோ அதுவாக ஆகிறாய் ! உன்னை வலிமை படைத்தவன் என நினைத்தால் வலிமை படைத்தவன் ஆவாய்.
• பலவீனத்திற்கான பரிகாரம். ஓயாது பலவீனத்தைப் பற்றி சிந்திப்பது அல்ல. மாறாக வலிமையை குறித்து சிந்திப்பதுதான் ஒரே தீர்வு.
• வாழ்வில் வேகம் மட்டும் இருந்தால் போதாது. அதைவிட அதிகமாக விவேகமும் இருத்தல் வேண்டும்.
• பிறர் முதுகுக்குப் பின்னால் நாம் செய்ய வேண்டிய வேலை தட்டிக்கொடுப்பது மட்டும்தான்.
• நீ சாதிக்க பிறந்தவன் துணிந்து நில், எதையும் வெல்.
• நீ தனிமையில் இருக்கும் போது எதைப்பற்றி சிந்திக்கிறாயோ. அந்த சிந்தனைதான் உன் எதிர்கால வாழ்க்கையை தீர்மானிக்கும்.
• நீ ஏதாவது ஒன்றை மனதில் நினைத்துப்பார் உடனே அதைப்பற்றிய ஒரு உருவகம் உன் மனதில் தோன்றிவிடும். உருவகம் இல்லாமல் நீ எதையுமே தெளிவாக சிந்தித்து பார்க்க முடியாது. அது காற்றாக இருந்தாலும் கூட இலைகள் அசைந்தாடுவது போன்றதொரு உருவகம் ஒருகணம் உன் மனதில் வந்துபோகும். நம்முடைய மூளை அப்படித்தான் டிசைன் செய்யப்பட்டுள்ளது. எழுத்தாக இருந்தாலும் சரி, எண்ணாக  இருந்தாலும் சரி அதற்கும் ஒரு உருவகத்தை நாம் கொடுத்துள்ளோம். ஏன் கொடுத்துள்ளோம் ? அப்படியென்றால்தான் நம் மூளையால் அதை சிந்தித்து பார்க்கமுடியும். இதுபோலத்தான் கடவுளுக்கும் இந்துமதம் உருவத்தை கொடுத்து சிலையாக வடித்து வைத்துள்ளது. அதற்கு காரணம் கடவுள் என்னும் பரம்பொருளை நாம் சரியாக சிந்தித்து புரிந்து கொள்வதற்கே.!
• நான் இப்போது இருக்கும் நிலைக்கு நானே பொறுப்பு.

• ஆயிரம் முறை தோற்றாலும் இலட்சியத்தையும், முயற்சியையும் கை விடாதீர்கள். தோல்வியையும் தோற்கடிக்கும் திறன் இவைகளுக்கு மட்டுமே உண்டு.
• பிறரது பழிக்கும், பாராட்டுக்கும் நீ செவி சாய்த்தால் மகத்தான காரியம் எதையும் சாதிக்க முடியாது.

இதுவரை வீர துறவியின் வைர வரிகளை அறிந்துகொண்ட நீங்கள் இந்த வீரத்துறவியை விவேகமாக செதுக்கிய ஆன்மீக குருவின் அரிய தத்துவங்களை அறிந்து கொள்ள விருப்பமா! அறிந்துகொள்ள கீழே கொடுக்கப்பட்டுள்ள “லிங்க்” ஐ கிளிக்குங்க.

>>”ஸ்ரீ ராமகிருஷ்ணரின் சீரிய சிந்தனைகள் – Sri Ramakrishna great thoughts.“<<

The post Swami Vivekananda Philosophies appeared first on Justice In Social.

Albert Einstein.

இவ்வுலகில் ஆல்பர்ட் ஐன்ஸ்டீனை (Albert einstein) பற்றி அறியாதவர்கள் யாருமே இருக்க முடியாது. அந்த அளவிற்கு இவர் ஒரு புகழ்பெற்ற விஞ்ஞானியாக வலம் வந்தவர் என்பது நாம் அறிந்ததே. இவருடைய ஒளியைப் பற்றிய சார்பு நிலை கோட்பாடு என்னும் “ரிலேட்டிவிட்டி தியரி” (Theory of relativity) உலகப்புகழ் பெற்றது.

அவருடைய தியரி மட்டுமல்ல அவ்வப்போது அவருடைய அதரத்திலிருந்து உதிர்ந்த சில வார்த்தைகள்கூட வாழ்க்கைத் தத்துவங்களாக மாறி உலகப்புகழ் பெற்றுள்ளன. அவ்வாறான சில தத்துவங்களைத்தான் நாம் இப்போது பார்க்க இருக்கிறோம்.

ஆல்பர்ட் ஐன்ஸ்டீன்.

பெயர் :- ஆல்பர்ட் ஐன்ஸ்டீன்- Albert Einstein.

பிறப்பு :- 1879 ம் ஆண்டு, மார்ச் 14 – உல்ம், ஜெர்மனி.

தாயகம் :- ஜெர்மன் – Germany.

தொழில் :- அறிவியல் ஆராய்ச்சி.

துறை :– இயற்பியல் – Physics.

சாதனை :- விஞ்ஞானி, அணுயுகத்தின் தந்தை என போற்றப்பட்டவர்.

விருதுகள் :- இயற்பியலுக்கான நோபல் பரிசு (1921).

குழந்தைகள் :- மூன்று குழந்தைகள்.

இறப்பு :- 1955 ம் ஆண்டு, ஏப்ரல் 18. தன்னுடைய 76 வது வயதில் நியூ ஜெர்சியில் (New Jersey) காலமானார்.

ஆல்பர்ட் ஐன்ஸ்டீன் தத்துவங்கள்.

• ஒருவன் வேகமாக முன்னால் உள்ள தடைகளை தாண்டிக் குதிக்க நினைத்தால் அவன் கண்டிப்பாக சிறிது பின்னோக்கி சென்றால் மட்டுமே அது சாத்தியமாகும். அதுபோல ஒருவன் வாழ்வில் சிறப்பான வெற்றியை அடைய விரும்பினால் அவன் அதற்கு முன்னால் சிறிதேனும் தோல்விகளை சந்தித்தால் மட்டுமே அது சாத்தியமாகும்.
• தோல்விகளுக்கு மத்தியில்தான் வாய்ப்புகள் ஒளிந்திருக்கின்றன.

• என்னிடம் சிறப்பான தனித்திறமை என்று எதுவுமே இல்லை… என்னிடம் இருப்பது ஆர்வம் மட்டுமே.
• என்னால் எதுவுமே சாதிக்க முடியாது என்று ஏளனம் பேசியவர்களுக்கு நன்றி. ஏனெனில் அந்த ஏளனமான பேச்சுக்கள்தான் என்னை சாதிக்க தூண்டின.
• ஒருவர் இதுவரை வாழ்க்கையில் தோல்விகளை சந்திக்கவில்லை என்றால் அவர் வாழ்க்கையில் முயற்சி செய்வது குறித்து இன்னும் சிந்திக்கவில்லை என்றே பொருள்.
• ஒரு விஷயத்தை பிறருக்கு புரியும்படி உங்களால் விளக்கமுடியவில்லை என்றால் அந்த விஷயத்தைப் பற்றிய அறிவு உங்களுக்கு இன்னும் தெளிவாக புரியவில்லை என்பதே உண்மை.
• பிறருடைய உரிமைகளை மதிக்கத்தெரியாதவன் கற்ற கல்வியால் அவனுக்கோ அல்லது அவன் சமுதாயத்திற்கோ எந்த பயனும் இல்லை.
• சிந்திக்கத்தெரியாதவன் கற்ற கல்வியால் எந்த பயனும் இல்லை. அறிவின் ஆணிவேர் நீ கற்கும் கல்வி அல்ல. மாறாக உனக்குள் எழும் உயர்வான சிந்தனைகளும், கற்பனை வளங்களும் மட்டுமே.
• உன் முயற்சிகளை நீ கைவிடாதவரை, தோல்விகள் உன்னை வெற்றிகொள்வதில்லை.

• தவறு செய்பவர்களைவிட அதை வேடிக்கை பார்ப்பவர்களே உண்மையில் கொடூரமானவர்கள்.
• நம்முடைய எல்லைகளை நாம் முதலில் அறிய முற்பட  வேண்டும். அப்போதுதான் அதை தாண்டி செல்லவேண்டும் என்னும் எண்ணத்தையும் அதற்கான வலிமையையும் நாம் பெறுவோம்.

The post Philosophies of Albert einstein appeared first on Justice In Social.

“தத்துவம்” (Philosophy) என்றால் என்ன என்று நமக்குள் ஒரு சந்தேகம் எழலாம். நம் சந்தேகத்தை தீர்த்துவைக்கும் விதமாக தத்துவத்திற்கு எளிமையாக இப்படி ஒரு விளக்கம் கொடுக்கப்படுகிறது.

அது இன்னான்னா,  கேட்பவர்களுக்கு புரியவில்லையெனில் அது “தத்துவம்“. சொல்பவருக்கும் அது புரியவில்லையெனில் அது “மகா தத்துவம்”.

ஆனால், இங்கு கொடுக்கப்பட்டுள்ள தத்துவங்கள் யாவும் எளிதில் புரியும் வண்ணம் உள்ளதால் இவைகளை எந்த வெரைட்டியில் சேர்ப்பது என்று நீங்களே முடிவு செய்யுங்கள். ஒருவேளை இவைகளை “ஜென்’ தத்துவத்தில் சேர்த்துவிடலாமோ? !!.

Thaththuva Muthukkal.

• கிட்டாதாயின் வெட்டென மற.
• ஊருடன் பகைக்கின் வேருடன் கெடும்.
• சோம்பல் கொண்டார் வாழ்வு சாம்பல் ஆகும்.
• நூல் அறிவே ஆகுமாம் நுண்ணறிவு.
• ஏட்டு சுரைக்காய் கறிக்கு உதவாது.
• குரு இல்லா வித்தையும் இல்லை. கரு இல்லா முட்டையும் இல்லை.
• வாசிப்பு உன் சுவாசிப்பாக இருக்கும் வரையில் உன் ஆன்மா அழிக்கப்படுவதில்லை.
• சொல்பவரின் ஆர்வம் , கேட்பவரின் கொட்டாவியால் கெடும்.
• வாழ்க்கை என்பது வண்ணங்களில் இல்லை, உங்கள் எண்ணங்களில் உள்ளது.
• துணிந்தவன் தரணி ஆள்வான். பணிந்தவன் பார் ஆள்வான்.
• உதிர்ந்து போன பூக்களுக்காக கண்ணீர் விடுவதைவிட, மலர்ந்து இருக்கும் பூக்களுக்காக தண்ணீர் விடுவது மேல்.
• தடைக்கல்லை படிக்கல்லாக்கு.
• சத்தியத்தின் வழிநடந்தால் அசாத்தியமும் சாத்தியமே.
• தோளுக்கு மிஞ்சி நின்றால் தோழன், அவனே கூழுக்கு கெஞ்சவைத்தால் காலன்.
• உழைப்பு உன்னை சாக விடாது . கவலை உன்னை வாழ விடாது.
• உள்ளத்தை விழிக்கச் செய். உணர்ச்சியை உறங்கச் செய். வெற்றி நிச்சயம்.
• மாற்றங்களால் பட்டை தீட்டப்பட வேண்டுமெனில், ஏமாற்றங்களை சட்டை செய்யாதே.
• முயன்றால் முயலும் வெல்லும் ஆமையும் வெல்லும். ஆனால் முயலாமை என்றுமே வெல்லாது.

• முட்டாளின் வீரம் அவனை மரணத்தில் கொண்டுபோய் தள்ளும்.
• படுக்கையில் மரணிப்பதைவிட பட்டாளத்தில் மரணிப்பது மேல்.
• உன் வாழ்க்கையை வெளிச்சமாக்கிக் கொள், ஏனெனில் இருட்டில் உன் நிழல் கூட உன்னை பின்தொடர்வதில்லை.
• தோல்வியில் தைரியமும், வெற்றியில் பணிவும் உன்னை வழிநடத்தும்.
• மூச்சு நின்றால் மரணம், அது உன் முயற்சி நின்ற தருணம்.
• வாதிப்பவனை விட சாதிப்பவனே மேன்மையானவன். 
• நல்ல எண்ண விதைகளை இன்றே மனதில் விதைத்து விடுங்கள். நாளை ஆலவிருட்சமாக நீங்கள் வளர இதுவே சிறந்த வழி.
• அலட்சியம் உன் லட்சியத்தை வேரறுக்கும்.
• துயரத்தை திறமையாக கையாள்கிறவனே, உயரத்தை எளிதாக தொடும் திறமையை பெறுவான்.
• துன்பத்தை கடந்து வந்த பாதையை மறந்து விடலாம் ஆனால் அது கற்று தந்த பாடத்தை மறக்காதே.
• இழப்பதற்கு ஒன்றுமே இல்லை, ஆனால் கொடுப்பதற்கு நிறையவே இருக்கிறது.
• மாற்றங்களே சில ஏமாற்றங்களை தள்ளிப் போடும்.
• கண்மூடித்தனமான நம்பிக்கை வாழ்வை மண்மூடி போகச்செய்யும்.
• உனக்கு வரும் துன்பங்களே இந்த உலகத்தை உன் கண்களின் முன்னால் தோலுரித்துக் காட்டும்.
• இன்று நீ பாம்பிற்கு பாலூற்றி வளர்த்தால்… என்றாவது ஒரு நாள் நன்றி மறவாத அது உனக்கும் பாலூற்றும்.

தத்துவம் சொல்லி அலுத்துப்போச்சி கடைசியா ஒரே ஒரு ” பன்ச் ” டயலாக்.

”ஒரு எறும்பு நெனச்சா ஆயிரம் யானைகளை கடிக்கலாம். ஆனா ஆயிரம் யானைகள் நெனச்சாலும் ஒரு எறும்பைக் கூட கடிக்க முடியாது”

கொய்யால ..  எறும்புன்னா சும்மாவா.

எறும்பெல்லாம் இருக்கட்டும்… இப்போதைய காலத்திற்கு ஏற்றபடி எதாவது புதிய தத்துவம் இருக்கிறதா என கேட்கிறீர்களா?..

இருக்குங்க இருக்கு…

“திராவிடிய விடியல் தத்துவம்” என்றொரு தத்துவம் இருக்கிறது.

பள்ளி குழந்தைகளைக்கூட எப்போதும் உற்சாகமாகவே வைத்திருக்கும் தத்துவம் இது.

அது என்ன தத்துவம் என அறிய ஆவலாக உள்ளதா கீழே உள்ள படத்தைப் பாருங்க புரியும்…

தம்பி பாட்டிலை எங்கே வச்சிருக்கான் பாத்தீங்களா?… தன்னோட தம்பி “உறங்காபுலி”கிட்ட கொடுத்து வச்சிருக்கான்… சும்மாவா சொன்னாங்க “தம்பியுடையான் படைக்கு அஞ்சான்” என்று…

The post Philosophy in Tamil appeared first on Justice In Social.

Life Philosophies of Scholars.

தத்துவம் (Philosophy) என்பதனை தமிழில் “மெய்யியல்” அல்லது “மெய் கோட்பாட்டு இயல்” என்ற பெயரில் அழைக்கப்படுகிறது.. ஒரு பொருளின் அல்லது ஒரு செயலின் உண்மைத் தன்மையை உள்ளது உள்ளபடி உணர்ந்து  அதன் சூட்சுமத்தை அறிந்து கொண்டவர்கள் அதனை வெளியுலகுக்கு நயம்பட உரைப்பது அல்லது உணர்த்துவதை “தத்துவம்” எனலாம். 

தத்துவங்களில் பல துறைசார்ந்த பிரிவுகள் உள்ளன என்றாலும் அதில் வாழ்க்கை நெறிமுறைகளை செப்பனிட உதவும் வாழ்வியல் தத்துவமும் ஒன்று.

வாழ்வியல் சார்ந்த பல தத்துவார்த்த சிந்தனைகள் ஞானத்தில் செறிந்த தெளிப்பாகவும் இன்னும் சில விரக்தியின் வெளிப்பாடால் எழுந்த சிதறல்களாகவும் இருக்கலாம். இங்கு உலக அறிஞர்கள் சிலரால் உலகுக்கு உணர்த்தப்பட்ட வாழ்வியல் சார்ந்த சில தத்துவார்த்த சிந்தனைகளை அவர்கள் சார்ந்த நாடுகளின் அடிப்படையில் “அறிஞர்களின் வாழ்வியல் தத்துவங்கள் – Life Philosophies of Scholars.” என்னும் இந்த பதிவின்மூலம் அறிந்துகொள்வோம் வாருங்கள்…

Arignarkalin Vazhviyal Thaththuvangal.

அரேபியா – Arabia.

• பட்டப்பகலை இரவென்று அரசன் சொன்னால் ஆம், அதோ நட்சத்திரங்கள் தெரிகின்றன என்று சொல்ல பழகிக்கொள்.

ஆப்பிரிக்கா – Africa.

• புலியை படைத்ததற்காக கடவுளை கடிந்துகொள்ளாதீர்கள். அதற்கு சிறகுகள் அளிக்காததற்கு கடவுளுக்கு நன்றி சொல்லுங்கள்.
• கத்திக்கு அதன் உரிமையாளர் யாரென்று தெரியாது. எனவே உன்னையும் அது கத்த வைக்கலாம்.

ஆர்மீனியா – Armenia.

• தங்களுக்குள் சண்டையிட்டு கொண்டிருக்கும் நாய்கள் ஓநாயைப்  பார்த்தால் ஒன்று கூடி விடும்.

இங்கிலாந்து – England.

• உழைப்பதற்கு ராட்டினத்தை நீ தயாராக வைத்திருந்தால்தான் பஞ்சு பொதிகளை கடவுள் உன்னிடம் அனுப்பி வைப்பான்.
• அண்டை வீட்டுக்காரனை நேசி. ஆனால் குறுக்குச்சுவரை மட்டும் எடுத்து விடாதே.
• மனைவியை பற்றி ஊர்முழுவதும் தெரிந்த ரகசியம். கணவனுக்கு மட்டும் தெரிவதே இல்லை.
• வயிற்றுக்கு மட்டுமே உணவளிப்பதை சிந்திப்பவன் தன் தலையை பட்டினி போடுகிறான்.

• உலகில் நரைத்த தலைகள் அதிகமாகவே உள்ளன. ஆனால் அறிவாளிகள்தான் குறைவாக உள்ளனர்.
• பேரறிவுக்கு பசிதான் பணிப்பெண்.
• பயன்படாத விவேகம் துருப்பிடித்த இரும்புக்கு சமம்.
• ஒருமுறை பேசும்முன்னால் இருமுறை கேட்டுக்கொள்.
• தாக்குதலே தற்காப்பில் முதன்மையானது.
• பெண்ணின் முன் பக்கத்திலும், கழுதையின் பின் பக்கத்திலும்  ஆன்மீகவாதியின் அனைத்து பக்கத்திலும் எச்சரிக்கையாக இரு.

இத்தாலி – Italy.

• உலகம் உன்னை கைவிடுவதற்கு முன்னால் உலக ஆசைகளை நீ கைவிட்டுவிடு.

இஸ்ரேல் – Israel.

• நண்பர்களைப்பெற நல்ல விலை கொடுக்க வேண்டும்… எதிரிகள் இலவசமாகவே கிடைப்பார்கள்.

கிரீஸ் – Greece.

• அதிர்ஷ்டம் இருந்தால் சிலந்தி வலையும் சுவராக மாறும். அதிர்ஷ்டம் இல்லையென்றால் சுவரெல்லாம் சிலந்திவலையாகும்.

சீனா – China.

• பழிக்கு பழி தீர்க்க நினைத்தால் இரண்டு சவக்குழிகளை தோண்டி வைத்துக்கொள். ஒன்று எதிரிக்கு மற்றொன்று உனக்கு.
• எருதை பரிசாக பெற்றவன் பதிலுக்கு குதிரையை பரிசாக தரவேண்டி வரும்.
• சுவர்க்கத்திற்கு பாதையுண்டு. ஆனால் அதில் யாரும் பயணிப்பதில்லை. நரகத்திற்கு வாயிலே இல்லை. ஆனால் அனைவருமே அங்கு சுவரேறி குதிக்கிறார்கள்.

துருக்கி – Turkey.

• குழந்தையை அடித்து வளர்க்காதவன் பின்னாளில் தன் மார்பிலும், தலையிலும் அடித்துக்கொண்டு அழ வேண்டிவரும்.

பர்மா – Burma – Myanmar.

• காதலர்கள் முதலில் விரும்புகிறார்கள், கல்யாணம் ஆனபின்பே  வருந்துகிறார்கள்.

பாரசீகம் – ஈரான் – Iran.

• வாழ்க்கை என்பது மது போன்றது. ஏனெனில் மயக்கம் தீர்ந்த பின்பும்கூட தலைவலி தீர்ந்தபாடில்லை.
• பேசுவது விதைப்பு.. கேட்பது அறுவடை.

பிரான்ஸ் – France.

• கடவுளுக்கு அஞ்சு, கடவுளுக்கு அஞ்சாதவனை கண்டால் அதிகம் அஞ்சு.
• மூடனின் முத்தத்தை விட அறிவாளி தரும் அறை ஆனந்தமானது.
• வாழ்க்கை என்றால் என்னவென்று தெரிந்துகொள்ளும் முன்பாகவே பாதி வாழ்க்கை முடிந்துவிடுகிறது.
• வாழ்க்கை ஒரு வெங்காயம். அதில் கை வைத்தால் கண்ணீருக்கு பஞ்சமில்லை.
• வாழ்க்கையின் முதற்பகுதி இரண்டாம் பகுதியை எதிர்பார்த்து கழிகிறது. இரண்டாம் பகுதியோ முதற்பகுதியில் வீணான நாட்களை நினைத்து அழுகிறது.

போலந்து – Poland.

• சமையற்காரர் ஒரு ஈ – ஐ சமைக்க நேர்ந்தால் அதன் தொடைக்கறி தமக்கே என்று எடுத்துவைத்துக்கொள்வார்.
• உன் வெற்றியை கொண்டாட ஆயிரம்பேர் கூடுவர். தோல்வியின் ஆற்றாமையை நீ ஒருவனேதான் தேற்றிக்கொள்ளவேண்டும்.

மங்கோலியா – Mongolia.

• மீன்கள் முள்ளை பார்ப்பதில்லை புழுவைத்தான் பார்க்கின்றன, அதுபோல மனிதன் ஆபத்தைப் பார்ப்பதில்லை லாபத்தைத்தான் பார்க்கிறான்.

யூகோஸ்லோவியா – Yogoslavia.

• ஒரு மனிதனின் நடத்தைகளைப்பற்றி தெரிந்துகொள்ள வேண்டுமா? அவன் கையில் அதிகாரத்தை கொடுத்துப்பாருங்கள்.

ரஷ்யா – Russia.

• கடவுள் உனக்கு நிறைய ஆடுகளைக் கொடுப்பார். ஆனால் அவைகளுக்கு நீதான் தழைகளை கொடுக்கவேண்டும்.
• அடிமட்ட கூலி கொடுத்தாலும் ஆடு மேய்க்கும் வேலைக்குவர ஓநாய் தயாராகவே இருக்கும்.

ஜப்பான் – Japan.

• அறிஞர்கள் ஞானத்தை தேடிக்கொண்டே இருக்கிறார்கள். ஆனால் முட்டாள்களோ தான் அதனை பெற்றுவிட்டதாகவே நினைக்கிறார்கள்.
• அகம்பாவம் ஒரு பொல்லாத குதிரையை போன்றது. அது ஒருமுறையேனும் தன்னுடைய ஏஜமானரை கீழே தள்ளாமல் விடாது.
• வாயை மூடிக்கொண்டிருக்கும் வரை மூடனும் அறிஞன்தான்.

ஜெர்மனி – Germany.

• கடவுள் பாலைத்தான் கொடுப்பார். அதனை காய்ச்சுவதற்கு பாத்திரத்தையும் சேர்த்து கொடுப்பதில்லை.
• கோழிகூட தண்ணீர் பருகும்போது நன்றியுடன் வானை பார்க்கும்.

• கடவுள் ஒருவனை தண்டிக்க விரும்பினால் அவனுக்கு திருமணம் செய்துகொள்ளும் எண்ணத்தை ஊட்டுவார்.
• பின்னாலிருந்து நீ விமர்சிக்கப்பட்டால் நினைவில்கொள் நீ அவர்களுக்கு முன்னால் இருக்கிறாய் என்று.
• உன் மனைவியின் ரசனையில் குறை சொல்லாதே, ஏனெனில் உன்னையும் அவள்தான் தேர்வு செய்தாள்.

ஸ்பெயின் – Spain.

• வாயிலே சோறுள்ளவரைதான் வார்த்தைகள் இனிமையாக இருக்கும்.
• பேசுபவன் மூடனாயிருந்தாலும் அதனை கேட்பவனாவது அறிவாளியாக இருக்க வேண்டும்.

ஹாலந்து – Holland.

• வெட்கம் மனிதனை விட்டு விலகும்போது அவன் மெல்ல மெல்ல விலங்காக மாறுகிறான்.

The post Life Philosophies of Scholars appeared first on Justice In Social.

Sri Ramakrishna great thoughts.

பெயர் :- ஸ்ரீ ராமகிருஷ்ண பரமஹம்சர். (Sri Ramakrishna Paramahamsa).

இயற்பெயர் :- காதாதர் சாட்டர்ஜி. (Gadadhar Chatterji).

பிறப்பு :- 1836 ம் ஆண்டு, பிப்ரவரி 18.

பெற்றோர்கள் :- குதிராம் – சந்திரமணி தேவி.

பிறந்த இடம் :- காமர் புகூர், ஹீக்லி மாவட்டம், மேற்கு வங்க மாநிலம். இந்தியா.

தாயகம் :- இந்தியா.

வாழ்க்கை :- ஆன்மீகவாதி.

மனைவி :- சாரதா தேவி. (Sarada Devi).

இறப்பு :- 1886 ம் ஆண்டு ஆகஸ்ட் 16.

ஸ்ரீ ராமகிருஷ்ண பரம ஹம்சரை பற்றி அறியாதவர்கள் இருக்கமுடியாது. “நரேந்திரநாத் தத்தா” (Narendranath dutta) என்னும் ஒரு சாதாரண இளைஞனை தன்னுடைய ஆன்மீக பலத்தால் “சுவாமி விவேகானந்தன்” (Swami Vivekananda) என்னும் ஆன்மீக ஞானியாக வார்த்தெடுத்துத்தந்த ஆன்மீக சிற்பி என்னும் பெருமை ஸ்ரீ ராமகிருஷ்ண பரமஹம்சரையே (Ramakrishna Paramahamsa) சாரும்.

அந்த சீரிய சிற்பியின் ஆன்மீக தத்துவார்த்த சிந்தனைகளை (Sri Ramakrishna great thoughts) இந்த பதிவில் மூலம் அறிந்து பயனடைவோம் வாருங்கள்.

ஸ்ரீ ராமகிருஷ்ணரின் தத்துவங்கள்.

• இவ்வுலகம் ஒரு முட்செடி போன்றது. முட்செடியில் மாட்டிக்கொண்ட துணியின் ஒருபகுதியை விடுவிப்பதற்குள் துணியின் மறுபகுதி மாட்டிக்கொள்கிறது. உலகம் என்னும் முட்செடியில் அகப்பட்டுக் கொள்கிறவர்களின் கதியும் இதுவே.
• கண்ணாடி பெட்டிக்குள் இருக்கும் அனைத்தும் எளிதாக வெளிப்பட்டு தெரிவதுபோல் ஒருவனின் உள்ளத்தில் இருப்பது அனைத்தையும் அவனுடைய கண்கள் எளிதாக வெளிப்படுத்திவிடுகின்றன.
• மலத்தில் உதித்து மலத்திலேயே வாழ்ந்துகொண்டிருக்கும் ஒரு புழுவை எடுத்து சந்தனத்தில் விட்டால் அது வேதனை தாளாமல் மடிந்துவிடும். அதுபோல உலக ஆசாபாசங்களில் பற்றுள்ள ஒருவனை நல்லோரிடத்தில் கொண்டுவந்து சேர்த்தால் அதை அவன் துன்பமாகவே உணர்கிறான்.
• ஒரு சல்லடையானது நல்ல வஸ்துக்களை எல்லாம் நழுவ விட்டுவிட்டு பயன்படாத பொருள்களை எல்லாம் தன்னிடம் வைத்துக்கொள்ளும். சிலர் இப்படித்தான் இருக்கின்றனர். நல்ல எண்ணங்களை வெளியேற்றிவிட்டு தீய எண்ணங்களை சுமந்து திரிகின்றனர்.
• தான் கட்டிய கூட்டிலேயே பட்டுப்புழு கட்டுண்டு கிடப்பதுபோல் மனிதர்களும் தாங்களே உருவாக்கிக்கொண்ட பந்த பாசங்களிலே கட்டுண்டு உழல்கின்றனர்.
• முதலில் கைகளில் எண்ணெய்யை பூசிக்கொள். பிறகு பலாப்பழத்தை வெட்டு, இல்லையெனில் அதன் பசை கைகளில் ஒட்டிக்கொள்ளும். அதுபோல முதலில் ஈஸ்வர பக்தியை உள்ளத்தில் பூஜித்துக்கொள். பின் உலக வாழ்க்கையில் ஈடுபடு. இதனால் ஆசாபாசங்கள் உள்ளத்தில் ஒட்டிக்கொள்ளாமல் தப்பித்துக் கொள்ளலாம்.
• சுருட்டை முடியை நீங்கள் நிமிர்த்தி விட்டாலும் அது மீண்டும் சுருண்டு கொள்ளும், அகங்காரமும் அப்படித்தான் நீங்கள் அதனை நீக்க முயன்றாலும் திரும்பவும் வருகிறது.
• மதவாதிகள் தங்கள் மதத்தில் கூறப்பட்டுள்ள தெய்வமே சிறந்ததென வாதிடுகின்றார்கள். இவர்கள் ஒரு பொருளே இத்தனை விதமாக காட்சி அளிக்கிறது என்பதனை அறியாத மூடர்கள்.
• குடும்பஸ்தர்கள் தானம் செய்கின்றனர். அது மிக நல்ல விஷயம்தான். ஆனால் தன்னை விளம்பரப்படுத்திக் கொள்வதற்கும் தம்பட்டம் அடித்துக் கொள்வதற்குமே தானங்கள் நிகழ்த்தப்படுகிறது. இந்த செயலால் எந்த ஆத்ம சுத்தியும் ஏற்படுவதில்லை. சுயநல எண்ணத்தை விடுவதென்பது குடும்பஸ்தர்களுக்கு மிகவும் கடினமான விஷயமாகவே உள்ளது.

• எக்காரணம் முன்னிட்டும் மனிதன் பொய் பேசலாகாது, பொய் பேசி பழகுகிறவன் படிப்படியாக பாவம் செய்வதற்கு அஞ்சாத கீழான மனப்பான்மையை பெறுகிறான்.
• பிறருடைய குற்றங்களை காண்பதில் நேரத்தை செலவிடுபவன் தன் குற்றங்களை களைய முற்படுவதில்லை. அவனுடைய வாழ்நாள் வீணாளாகவே கழிகிறது.
• கடவுளிடம் “தான் பாவி”, “தான் தாழ்ந்தவன்” எனவே தன்னை காத்து ரட்சியும் என்று சதாசர்வ காலமும் நினைப்பவன் காலப்போக்கில் அவ்வாறே மாறிவிடுகிறான்.
• பெண் இன்பத்திலிருந்து ஒருவனால் முற்றிலுமாக விலகியிருக்க முடிந்தால் அவனால் எல்லா உலக இன்பங்களிலிருந்தும் விலகி இருப்பது சாத்தியமாகிவிடும்.
• தாமிரப் பாத்திரத்தை தினந்தோறும் துலக்கவேண்டும். இல்லையேல் அதில் களிம்பு என்னும் மாசு ஏறும். மனம் தாமிர பாத்திரம் போன்றது. தினந்தோறும் தியானத்தால் அதை துலக்கி வைக்க வேண்டும்.
• உலக வாழ்வு மிக கடினமானது, இப்புறம் திரும்பினால் ஒருவனுக்கு தடியடி விழுகிறது. அப்புறம் திரும்பினால் துடைப்பக்கட்டை அடி விழுகிறது. வேறொரு பக்கம் திரும்பினால் அங்கு ஒருவனுக்கு செருப்படி விழுந்து கொண்டிருக்கிறது. எங்கு திரும்பினாலும் ஏதோ ஒரு உபத்திரவம் வந்த வண்ணமே உள்ளது. இத்தனையும் தாண்டி பக்தன் ஒருவன் நல்வாழ்வு வாழ கடவுள்தான் துணை செய்ய வேண்டும்.
• பக்தி பெருகுங்கால் ஒருவன் எங்கு திரும்பிப் பார்த்தாலும் கடவுளையே காண்கிறான். மஞ்சள் காமாலை பிடித்தவன் அனைத்தையும் மஞ்சள் நிறமாக காண்பது போன்றது இது.
• வீட்டில் தலைவனாக இருக்கும் ஒருவர்.. ஒருத்திக்கு கணவனாகவும், மற்றொருவருக்கு மகனாகவும், குழந்தைகளுக்கு தந்தையாகவும், பிறிதொருவருக்கு சகோதரனாகவும், இன்னொரு சிறுவனுக்கு  தாத்தாவாகவும் காட்சி தருகிறார். அவரவர் உறவு முறை மற்றும்  மன நிலைக்கு தகுந்தபடி காட்சியளிக்கும் அந்த மனிதர் ஒருவரே. அதுபோலத்தான் கடவுளும் ஒருவரே. ஒவ்வொருவருடைய மனநிலைக்கு தக்கபடி, ஒருவருக்கு சிவனாகவும், மற்றொருவருக்கு கிருஷ்ணராகவும், பிறிதொருவருக்கு முருகனாகவும் காட்சி தருகிறார். அவ்வளவே!
• ஒவ்வொருவனும் தன்னுடைய கடிகாரமே நேரத்தை சரியாக காட்டுகிறது என்று எண்ணிக்கொண்டு இருக்கிறான். இதைப்போலத்தான் ஒவ்வொரு சமயத்தை சேர்ந்தவர்களும் தான் வணங்கும் கடவுளே சரியானவர் என்று எண்ணிக்கொண்டு திரிகின்றனர்.
• வெந்து அவிந்த நெல் மறுபடியும் முளைப்பதில்லை. ஈஸ்வர பக்தியால் அவிந்த நெல் போன்றவன் ஞானி. அவனுக்கு மறுபிறப்பில்லை. 
• காலி குடம் ஒன்றை நீரினுள் முக்கும் போது “பக் பக்” என்று சப்தமிடும். குடம் நிரம்பிவிட்டால் சப்தம் நின்றுவிடும். அதுபோல உனக்குள் அறிவு நிரம்பிவிட்டால் வீண் தம்பட்டம் அடிப்பது நின்று மனம் அமைதிபெறும்.

The post Sri Ramakrishna great thoughts appeared first on Justice In Social.

பிறப்பு :- 1564 ம் ஆண்டு ஏப்ரல் 23 ம் தேதி இங்கிலாந்தின் “வார்விக்க்ஷையர்” (Warwickshire) மாநிலத்திலுள்ள “ஸ்ட்ராட்ஃபோர்டு அன்-ஏவன்” (Stratford Upon-Avon) என்னும் இடத்தில் பிறந்தார்.

மேலும் இங்கு குறிப்பிடவேண்டிய விஷயம் என்னவென்றால் இவருடைய பிறந்த தேதி சரியாக தெரியவில்லை. அதாவது பதிவு செய்யப்படவில்லை. இவர் ஞானஸ்நானம் பெற்ற நாளாக ஏப்ரல் 26 ம் தேதி பதிவு செய்யப்பட்டுள்ளதால் அந்த நாளிலிருந்து மூன்று நாளுக்கு முன் இவர் பிறந்திருக்கலாம் என ஒருவாறு ஊகிக்கப்படுகிறது. அவ்வளவே.

எனவேதான் இவருடைய பிறப்பு 1564 ம் ஆண்டு ஏப்ரல் 23 என்றும்,…. இல்லை… இல்லை… ஏப்ரல் 26 என்றும் என இருவேறு குழப்பங்கள் நிலவுகின்றன.

இறப்பு :- 1616 ம் ஆண்டு ஏப்ரல் 23.

தொழில் :- வில்லியம் ஷேக்ஸ்பியராகிய நம்முடைய கதாநாயகர் பன்முகத்தன்மை கொண்டவர். அதாவது ஆங்கில நாடகாசிரியர், நடிகர் மற்றும் பாடல்கள் புனையும் கவிஞரும் கூட.

உலகின் தலை சிறந்த நாடகாசிரியராகவும், சிறந்த நடிகராகவும், சிறந்த எழுத்தாளராகவும் கருதப்படுபவர்தான் இந்த ஷேக்ஸ்பியர். இவருடைய எழுத்துக்கள் விவாதத்துக்குரியதாக இருந்தாலும் ஆங்கில மொழியில் மிகுந்த தாக்கத்தை ஏற்படுத்திய எழுத்தாளராக இன்றும் கருதப்படுகிறார்.

ஷேக்ஸ்பியர் மிகச்சிறந்த நாடகாசிரியராக இருந்து வந்தாலும் அவ்வப்போது தத்துவ ஞானியாக மாறி தத்துவ முத்துக்களை உதிர்ப்பதுவும் உண்டு.

அவ்வாறு ஷேக்ஸ்பியர் (William Shakespeare) உதிர்த்த சில தத்துவ முத்துக்களைத்தான் இப்பகுதியில் பார்க்க இருக்கின்றோம்…. வாருங்கள் பார்க்கலாம்.

Philosophical Pearls of the Shakespeare.

ஷேக்ஸ்பியரின் தத்துவ முத்துக்கள்.

• கண்களே உங்கள் ஆன்மாவின் ஜன்னல்.
• ஒருவருக்கு கிடைக்கும் மதிப்பு அவருடைய குணத்திற்கேயன்றி பதவிக்கானது அல்ல.
• பலவற்றையும் கேளுங்கள். ஆனால் சிலவற்றை மட்டுமே பேசுங்கள்.
• எல்லோருடைய பேச்சையும் கேட்டுக்கொள். ஆனால் சிலரிடம் மட்டுமே பேச்சுக்கொடு.
• முயற்சி என்பது ஒரு தடாகம் போன்றது. அதில் நீந்தி கரைசேரும்போது கிடைக்கும் இன்பம் வேறு எந்த ஒன்றிலும் கிடைப்பதில்லை.
• நீ செல்லும் பாதையை முதலில் சரியாக தேர்ந்தெடு. பிறகு அந்த பாதையில் உன் பயணத்தை தொடங்கு.
• நாம் யார் என்பது நமக்கு தெரியும், ஆனால் யாராக கூடும் என்பது நமக்குத் தெரிவதில்லை.
• மனிதனின் தீய குணங்களை கல்வெட்டில் எழுதுகிறோம். ஆனால் அவனுடைய நல்ல குணங்களை ஓடும் தண்ணீரில் எழுதுகிறோம்.
• நெஞ்சிலே குற்றம் உள்ளவர்களுக்குத்தான் எதிர்படும் ஒவ்வொரு கண்ணும் தன்னையே பார்ப்பதாக தோன்றும்.
• உங்களுடைய குறைகளை நீங்களே அடையாளம் கண்டுகொள்வதுதான் உங்களுடைய வளர்ச்சியின் அடையாளம்.
• எவர் பேச்சையும் கேட்டுக்கொள். ஆனால் சிலரிடம் மட்டுமே பேச்சு கொடு. எவர் கஷ்டத்தையும் தெரிந்துகொள். அனால் சிலருக்கு மட்டுமே ஆலோசனை கூறு.
• வைத்துக்கொள்ள எதுவும் இல்லையென்றால் இழப்பதற்கும் எதுவுமில்லை.
• ஏழையாக இருந்தாலும் மனதில் மகிழ்ச்சியும், திருப்தியும் குடியிருந்தால் அதுவே பெரிய செல்வமாகும்.
• விதை விழுவது மரமாவதற்கு நீ விழுவது திறமாவதற்கு.
• தைரியமும், தன்னம்பிகையுமே நம்முடைய மிக நெருங்கிய நண்பர்கள்.
• காதல் வசப்பட்டவர்களும், கள் வசப்பட்டவர்களும் சும்மா இருக்க மாட்டார்கள்.
• நம்பிக்கை வாழ்க்கையின் நண்பன், கவலை வாழ்க்கையின் எதிரி.
• வாழ்வென்பது ஒரு ஆடை. அது இன்பம், துன்பம் என்ற இரு இழைகளால் பின்னப்பட்டுள்ளன.
• காதலிக்க உணர்ச்சி மட்டும் போதும். ஆனால் கரம்பிடிக்க தன்நம்பிக்கையுடன் கொஞ்சம் அறிவும் வேண்டும்.
• நண்பனிடம் கடன் வாங்குபவர்கள் நட்பை அடமானம் வைக்கிறார்கள்.
• நண்பனுக்கு கடன் கொடுத்தால் நண்பனும் போய் விடுவான், கூடவே பணமும் போய்விடும். பட்டை நாமம் மட்டுமே நம்முடன் இருக்கும்.
• சுருங்கச் சொல்வதே பேச்சுத்திறமைக்கு அழகு.
• அறிவற்ற சினேகிதனைவிட புத்திசாலியான விரோதியை பெற்றிருப்பது சிறப்பு.
• மாறுதல் கண்ட உடன் மாறும் அன்பு உண்மையில் அன்பாகாது.
• கண்ணீரை சுமந்துகொண்டு திரிவதைவிட அதை சிந்தி தீர்த்து விடுவதே சிறப்பு.
• பிறருக்கு உதவும் குணம் இல்லையெனில் நீ பெற்றிருக்கும் புகழ் அனைத்தும் வீணே.
• கொள்ளையன் பணக்காரனை கொள்ளையடிக்கிறான். ஆனால் முதலாளியோ ஏழைகளை கொள்ளையடிக்கிறான்.
• அரசியல்வாதி என்பவன் மக்களை மட்டுமல்ல கடவுளையே ஏமாற்றும் திறன் படைத்தவன்.
• கூடி வாழும் இயல்பு இல்லாதவனுக்கு சமுதாய வாழ்வு சுவைக்காது.
• நீ பேசும் தீமையான வார்த்தைகள்தான் உன்னை தீமையான செயல்களுக்கு இட்டு செல்கிறது.
• நாங்கள் சிந்தும் கண்ணீர் எங்கள் வளர்ச்சிக்கான தண்ணீர்.
• காதலில் வென்றவன் வாழ்க்கையில் தோற்கிறான். காதலில் தோற்றவன் உலகையே வெல்கிறான்.
• நேரம் பொன் போன்றது. நேரத்தை தாமதப்படுத்தாதே. தாமதங்களே பாதகமான முடிவுகளை தருகின்றன.
• விவேகமாக நடந்துகொள்வதே வீரத்தின் சிறப்பான அம்சம்.
• நேர்மையைப்போல வளமான சொத்து வேறெதுவுமில்லை.

• மற்றவர்களின் உணர்வுகளுடன் ஒருபோதும் விளையாடாதீர்கள். ஏனெனில் இந்த சீண்டல் உங்களுக்கு அப்போது மகிழ்ச்சியை தரலாம். ஆனால், அந்த நபரின் நட்பை வாழ்நாள் முழுவதுமாக இழந்து விடுவீர்கள்.
• பிடிவாதமுள்ள மனிதர்களுக்கு அவர்கள் அடையும் கஷ்ட நஷ்டங்களே மிகச்சிறந்த ஆசிரியர்கள்.
• ஒருவருடன் பகை கொள்ளல் என்பது எனக்கு மரணத்தை போன்ற துன்பத்தை தருவது. எனவே நான் அதை வெறுக்கிறேன்.
• அறத்தின் வழி நில்! அஞ்சவேண்டாம்!! உன் லட்சியமெல்லாம் உன் தேசத்தை வளப்படுத்துவதாகவே இருக்கட்டும். நீ வீழ்ந்தாலும் தியாகியாகவே மதிக்கப்படுவாய்.
• இயற்கை குறையே இல்லாதது. பூரணமானது. இவ்வுலகில் குறையுள்ளது என்று ஒன்று உள்ளதென்றால் அது மனித மனமே ஆகும். உண்மையில் அங்கவீனம் என்பது அன்பில்லா மனமே ஆகும்.
• ஒருவரின் உணர்ச்சிகள் தணிந்துவரும் சந்தர்ப்பம் பார்த்தே நல்ல உபதேசங்களை சொல்ல வேண்டும்.
• விளக்கு ஏற்றுவது விளக்குக்கு வெளிச்சம் தருவதற்காக அல்ல. அதுபோல உனக்குள் ஏற்றப்படும் நல்ல குணங்கள் உனக்கு நன்மை தருவதற்காக அல்ல. அது பிறருக்கு நன்மை தரவேண்டும்.
• கடன் வாங்குவது என்பது காசநோயை போல. அது வாழ்நாள் முழுவதும் பணக்கஷ்டத்தில் உன்னை இழுத்துக்கொண்டே கிடக்கச் செய்யும். பிரச்சனையை தீர்த்து வைக்காது.
• கருணையானது பிழியப்படுவதன்று… மழைபோல் பொழிவதாகும். அது கொடுப்பவனையும் பெறுபவனையும் ஆசீர்வதிக்கும்.
• குற்றமுள்ள நெஞ்சில் கொடுந்தேள்களே நிறைந்து இருக்கும்.
• நன்மொழி கூறுதலும் ஒருவித நற்செயலே ஆயினும் சொற்கள் செயல்கள் ஆகா.
• சோகம் தோன்றினால் வார்த்தைகளால் வெளிப்படுத்திவிட வேண்டும். அடங்கி கிடக்கும் சோகம் கோபமாக மாறி முறுகிக்கிடக்கும் இதயத்தை உடையச் செய்துவிடும்.
• களைப்பு கல்லின்மீதும் குறட்டை விடும்.
• நன்றியற்ற குழந்தையை பெற்றிருத்தல் நாகத்தின் பல்லைவிட கொடுமையானது.
• அவதூறானது வெட்டி சாய்க்கும் வாளினும் அதிக கூர்மையுடையதும், கொடிய நாகத்தினும் அதிக விஷத்தை உடையதுவும் ஆகும்.
• நீ பனிகட்டிபோல குற்றமில்லாதிருந்தாலும், பனிபோல பரிசுத்தமாக இருந்தாலும் தூற்றுவார் தூற்றிக்கொண்டுதான் இருப்பார்கள்.
• சிறு பொறியேயாயினும் துருத்தி கொண்டு ஊதினால் பெரும் நெருப்பாவது போல சிறிய தீமை செய்தவனேயாயினும் முகத்துதி பெறப்பெற அதிகக் கொடியவனாக உருவாகிவிடுகிறான்.

The post William Shakespeare – வில்லியம் ஷேக்ஸ்பியர் appeared first on Justice In Social.

Bernard Shaw Philosophy.

பெயர் :- ஜார்ஜ் பெர்னாட்ஷா (George Bernard Shaw).

பிறப்பு :- 1856 ம் ஆண்டு, ஜூலை 26. அயர்லாந்தில் பிறந்தார்.

இறப்பு :- 1950 ம் ஆண்டு, நவம்பர் 2. இங்கிலாந்தில் இறந்தார்.

அயர்லாந்து நாட்டைச் சேர்ந்த நாடக ஆசிரியரான பெர்னாட்ஷா 1856 ம் ஆண்டு ஜூலை 26 ல் பிறந்தார். நாடக ஆசிரியரான இவர் 60 க்கும் மேற்பட்ட நாடகங்களை எழுதியுள்ளார்.

பெரும்பாலும் இவருடைய அனைத்து படைப்புகளுமே சமூகத்தில் புரையோடிப்போன சமூக முரண்பாடுகளைச் சாடுவதாகவே இருக்கும்.

இவர் நாடக ஆசிரியராக மட்டுமல்லாது தொடர்ந்து சமுதாய அவலங்களையும் எதிர்த்து குரல்கொடுத்து வந்ததால் சிறந்த பேச்சாளராகவும் உருவெடுத்தார்.

இவர் இலக்கியம் மற்றும் பேச்சாளராக மட்டுமின்றி ஒரு சிறந்த தத்துவ ஞானியாகவும் வலம் வந்தவர். தத்துவ ஞானியாகவே வாழ்ந்தவரும்கூட…

எவ்வாறெனில்….

அவர் வீட்டைவிட்டு வெளியில் செல்லும்போது வீட்டை பூட்டிவிட்டு செல்வதில்லையாம். மாறாக, வீட்டின் கதவுகள் மற்றும் ஜன்னல்களை திறந்து போட்டுவிட்டுதான் செல்வாராம்.

ஆனால், வீட்டிலிருக்கும்போது ஜன்னல் கதவுகளை மூடிவிட்டு உள்ளே இருப்பாராம். யாராவது தட்டினால் மட்டுமே கதவு திறக்கப்படும்.

இவருடைய இந்த விசித்திரமான செயல்பாடு குறித்து அவருடைய நண்பரொருவர் அவரிடம் கேள்வி எழுப்ப….

அதற்கு, பெர்னாட்ஷா அந்த நபரிடமே நீங்கள் வீட்டைவிட்டு வெளியில் செல்லும்போது ஏன் கதவுகளை மூடிவிட்டு செல்கிறீர்கள் என்று பதில் கேள்வி கேட்க….

அதற்கு அந்த நண்பரோ வீட்டிலுள்ள விலைமதிப்பற்ற பொருட்களை யாராவது திருடி சென்று விடக்கூடாதே என்பதற்காகத்தான் பாதுகாப்பாக கதவை மூடிவிட்டு செல்வதாகக் கூற…

அதற்கு பெர்னாட்ஷா சிரித்துக்கொண்டே என்னுடைய வீட்டில் என்னைவிட மதிப்புமிக்கபொருள் வேறு இருப்பதாக நான் நினைக்கவில்லை எனவேதான் நானே வீட்டைவிட்டு வெளியில் சென்ற பிறகு எதற்கு பூட்டிச்செல்ல வேண்டும் என்று கருதி வீட்டை பூட்டுவதில்லை என்று சொல்ல அந்த நண்பரோ திகைத்துபோய் நின்றாராம்.

உண்மைதான்… பெர்னாட்ஷாவின் வீட்டிலுள்ள தட்டுமுட்டு சாமானங்களெல்லாம் இன்று தடம்தெரியாமல் போய்விட…. பெர்னாட்ஷா மட்டும் இன்றளவும் நம்மிடையே தடம்பதித்து நிற்கிறாரே!!!…

இப்போழுது சொல்லுங்கள்… பெர்னாட்ஷாவின் கூற்றுபடியே விலைமதிப்பற்ற பொருள் “பெர்னாட்ஷா”தானே….

நாம் இந்த பதிவில் மகத்துவம் வாய்ந்த அவருடைய வாழ்க்கை வரலாற்றை பார்க்கப்போவதில்லை.. மாறாக அவர் நாவிலிருந்து உதிர்ந்த சில உள்ளார்ந்த தந்துவங்களைத்தான் (Bernard Shaw Philosophy) பார்க்க இருக்கின்றோம்…

வாருங்கள் பார்க்கலாம்….

பெர்னாட்ஷா தத்துவம்.

Bernard Shaw Philosophy.

• தன் தாய் மொழியைத் திறமையாகப் பயன்படுத்தத் தெரியாதவனுக்கு பிற மொழிகளைப் பிறருக்கு பயன்படும்படி பயன்படுத்துவதும் கடினமே.
• செய்ய முடிந்தவன் சாதிக்கிறான், செய்ய முடியாதவனோ போதிக்க மட்டுமே செய்கிறான்.
• வாழ்க்கையில் வெறுப்பை வெளிப்படுத்த சிறந்த வழி அமைதியாய் இருப்பதே.
• எல்லா துன்பங்களைக் காட்டிலும் வறுமையே கொடுமையானது. அதனை போக்குவதையே நாம் முதற்கடமையாக கொள்ளவேண்டும்.
• சிலர் மட்டும் அளவற்ற செல்வத்தில் திளைக்கவும், பலர் வறுமை சேற்றில் சிக்கி உழலும்படியான நிலையில் உள்ள நாடு கெடுப்பாரின்றியே கெடும்.
• மக்களை வறுமையாகவும், சோம்பேறிகளாகவும் வைத்திருப்பதே தீமைகளில் பெரிய தீமையும், குற்றங்களில் பெரிய குற்றமும் ஆகும்.
• வறுமையை ஒரு குற்றமாகக் கருதவேண்டும். வறுமையை ஒழிக்க வேலை வாய்ப்புகளை ஏற்படுத்திக் கொடுப்பதை விட்டுவிட்டு இலவசங்களை அள்ளிக் கொடுக்கும் அரசு அல்லது நாடு விரைவிலேயே அழிந்தொழிந்து போகும் என்பதில் ஐயமில்லை.
• செல்வத்தை இதுவரையில் சம்பாதிக்க முற்படாதவனுக்கு எந்த ஒரு செல்வத்தை அனுபவிக்கவும் உரிமை கிடையாது. அதுபோலவே இனபத்தையும் எடுத்துக்கொள்ள வேண்டும்.
• மக்களுக்குப் படிப்பினையை உண்டுபண்ணாத இலக்கியம் எதுவும் உயர்ந்த இலக்கியமாக இருக்க முடியாது.
• கல்வி என்பது ஒருவருடைய இளமையோடு மட்டும் தொடர்புடையது அன்று. வாழ்க்கை முழுவதுக்கும் உரியது.
• தன்னைப் பற்றியும், தன் காலத்தைப் பற்றியும் எழுதும் விதமாக வாழ்க்கையை வழி நடத்துகிறவன் எவனோ அவனே சிறப்பான எழுத்தாளனாக இருக்கமுடியும்.
• நெற்றியை காயப்படுத்திக்கொள்வதை விட முதுகை வளைத்துக்கொண்டு முன்னே செல்வதே சிறப்பு.
• எதிரெதிர் கட்சிகளில் வாதாடும் வக்கீல்கள் கத்திரிக்கோலின் இரு பக்கங்களைப் போன்றவர்கள். அவர்கள் ஒருவரை ஒருவர் வெட்டிக்கொள்ள மாட்டார்கள். ஆனால் அவர்களின் இடையே மாட்டிக்கொண்ட கட்சிக்காரர்கள்.. ????.. ஸோ.. செத்தார்கள்.
• வாக்காளர்கள் முட்டாளாக இருக்கும் பட்சத்தில் அவர்களால் தேர்ந்தெடுக்கப்படும் அரசியல்வாதியும் நிச்சயமாக முட்டாளாகத்தான் இருக்கமுடியும்.
• தனக்கு ஒன்றும் தெரியாவிட்டாலும் எல்லாம் தெரிந்தவன்போல் நடிப்பவன்தான் அரசியல்வாதி.
• அரசியல் என்பது அயோக்கியர்களின் கடைசிப் புகலிடம்.
• வருடா வருடம் குழந்தை பெற்றுக் கொண்டேயிருந்தால் நீயும் ஒரு சமூக குற்றவாளியே.
• எப்போதும் நல்லதையே செய்துகொண்டிரு. உன் செயல் சிலரைத் திருப்திப்படுத்த வேண்டும். பலரை திகைப்பில் ஆழ்த்த வேண்டும்.
• அனைத்தையும் இழந்துவிட்ட பின்பும் உன்னிடம் ஒன்று எஞ்சி நிற்கிறது என்றால் அது உன்னுடைய “அனுபவம்” மட்டுமே.
• பழைய சீர்கேடுகளை நீக்கினாலன்றி புதிய பார்கோடுகளை உன்னால் பெற முடியாது.
• நீங்கள் வாய்ப்புகளுக்காகக் காத்திருக்காதீர்கள். வாய்ப்பை இன்றே நீங்களே உருவாக்குங்கள்.
• தேவையான சந்தர்ப்பங்களை தேடிப் பெறுபவர்கள்தான் வாழ்வில் முன்னேற்றம் காண்பர்.
• உங்கள் சோகமான தருணங்களை மணலில் எழுதுங்கள். மகிழ்ச்சியான தருணங்களை கல்வெட்டில் எழுதுங்கள்.
• உங்களுடைய வலிமையை நிலைநாட்ட ஒரு பன்றியுடன் ஒருபோதும் மல்யுத்தம் செய்யாதீர்கள். ஏனெனில் போட்டியில் நீங்கள் ஜெயிக்கலாம் மறுப்பதற்கில்லை. ஆனால் மிகவும் அழுக்காகிவிடுவீர்கள்.
• ஒரு மருத்துவரிடம் தடுப்பூசி பற்றி விவாதிப்பது சைவ உணவைப்பற்றி ஒரு கசாப்புக்கடைக்காரரிடம் விவாதிப்பது போன்றது.
• ஒரு நாள் உங்கள் எதிரியாக மாறக்கூடிய ஒரு நபரைப்போல் உங்கள் நண்பரை நடத்துங்கள். ஒரு நாள் உங்கள் நண்பராக மாறக்கூடிய நபரைப்போல் உங்கள் எதிரியை நடத்துங்கள்.
• முட்டாள்கள் மட்டுமே ஒரே விஷயத்தை மீண்டும் மீண்டும் செய்து வெவ்வேறு முடிவுகளைப் பெறுவதற்கு முயற்சிக்கிறார்கள்.
• சூழ்நிலைக்கேற்ப தன்னை மாற்றிக்கொள்பவர்களே வாழ்க்கையில் வெற்றி பெறுகிறார்கள்.
• வாழ்க்கை என்பது நீங்கள் நினைப்பதுபோல சின்னஞ்சிறு தீபமன்று. அது ஒரு தீப்பந்தம். வருங்கால சந்ததிகளிடம் அதை கொடுப்பதற்கு முன்னால் முடிந்தவரை அதை பிரகாசமாக எரியச் செய்யவே விரும்புகிறேன்.
• ஒருவருக்கு விருப்பமில்லாது திணிக்கப்படும் கல்வி செரிக்காத உணவு போன்றது.
• எனக்கு மிகவும் பிடித்தவர் என்னுடைய தையல்காரர் மட்டுமே. ஏனெனில் என்னைப் பார்க்கும் போதெல்லாம் புதிதாகவே அளவெடுக்கிறார். ஆனால் பிறரோ என்னுள் நிறைய மாற்றங்கள் ஏற்பட்டுள்ளதை அறியாமலேயே பழைய அளவீடுகளைக் கொண்டே என்னை இன்றும் மதிப்பிடுகின்றனர்.
• உங்கள் புன்னகையில் உள்ள சோகத்தையும், கோபத்திலுள்ள காதலையும், மௌனத்திலுள்ள காரணத்தையும் யார் புரிந்து கொள்கிறார்களோ அவர்களே உங்கள் அன்புக்கு உரிமையுடையவர்.
• அனுபவம் ஒரு கடுமையான வாத்தியார். அது சோதனையை தந்த பிறகுதான் பாடத்தைப் போதிக்கிறது.
• அறிவு என்பது நதியை போன்றது. அது எவ்வளவு ஆழமாக இருக்கிறதோ அந்த அளவுக்கு அமைதியாக இருக்கும்.
• ஆண்டவனை ஆகாயத்திலேயே வைத்திருப்பவன் மாண்டவனுக்கு சமம். அவனை கொண்டுவந்து மனதிலே குடிவைப்பவனே மீண்டவனுக்கு சமம்.
• மேதைக்கு எல்லாம் தெரியும்… அவனுடைய வாழ்க்கையை நடத்துவதை தவிர…
• சிறிய செலவுகளைப்பற்றி கவனமாக இருங்கள்.. ஏனெனில் சிறிய ஓட்டைதான் பெரிய கப்பலையே கவிழ்கின்றன.
• நல்லவராய் இருப்பது நல்லதுதான். ஆனால் நல்லது எது கெட்டது எது என தெரியாத அளவிற்கு ரொம்ப நல்லவராய் இருப்பது மிகவும் ஆபத்தானது.
• அதிகாரம் மனிதர்களை மாசுபடுத்துவதில்லை. ஆனால் முட்டாள்கள் கையில் அதிகாரம் கிடைத்தால் அவர்கள் அதிகாரத்தை மாசுபடுத்துகிறார்கள்.
• மாற்றம் இல்லாமல் வளர்ச்சி சாத்தியமில்லை. இதில் மன மாற்றமும் அடங்கும். மனதை மாற்ற முடியாதவர்களால் எதையும் மாற்ற முடியாது.
• நீ இறக்கும்போது கடவுளே உனக்கு கடன் பட்டவனாக ஆகவேண்டும். அப்படியான ஒரு வாழ்க்கையை நீ வாழவேண்டும்.
• “நகைச்சுவை” என்ற உணர்ச்சி உனக்கு இல்லாவிட்டால் வாழ்க்கை சுமக்க முடியாத பெரிய சுமையாகிவிடும்.
• பிறரை சீர்திருத்தும் கடமையைவிட தன்னை சீர்திருத்துவதையே முதல் கடமையாகக்கொள்ள வேண்டும்.
• சந்தேகத்தை வெற்றி கொண்டால் தோல்வியை தூக்கி எறியலாம்.
• நாம் ஒவ்வொருவரும் பணக்காரர்களாக இருக்க கடமைப்பட்டிருக்கவில்லை. ஆனால் ஒழுக்கமுள்ளவர்களாக இருக்க கடமைப்பட்டிருக்கின்றோம்.
• சுய ஒழுக்கம் என்பது உனக்கு நீயே அளித்துக்கொள்ளும் நன்மதிப்பாகும்.
• பணம் பசியைத்தான் போக்கும், துயரை போக்காது.
• உங்கள் நம்பிக்கையை பணத்தின்மீது வைக்காதீர்கள். பணத்தை நம்பிக்கையான இடத்தில் வையுங்கள்.
• மாற்றம் இல்லாமல் ஏற்றம் சாத்தியமற்றது. தன்னுடைய மனதில் மாற்றத்தை ஏற்படுத்த முடியாதவர்களால் இவ்வுலகில் எதையுமே மாற்ற முடியாது.
• தன்னைத்தானே சீர்திருத்திக் கொள்பவனே உலகின் மாபெரும் சீர்திருத்தவாதி.

The post Bernard Shaw Philosophy – பெர்னாட்ஷா appeared first on Justice In Social.