இவர் 1878ம் ஆண்டு டிசம்பர் 10 அன்று தமிழகத்தில் பிறந்தார். 1947 முதல் 1948 வரை மேற்குவங்க ஆளுனராகவும், 1948 முதல் 1950 வரை விடுதலை இந்தியாவின் முதல் கவர்னர் ஜெனரலாகவும், 1952 முதல் 1953 வரை தமிழக முதலமைச்சராகவும் பதவி வகித்த இவர் அரசியல்வாதி மட்டுமல்ல, மிகச்சிறந்த வழக்கறிஞர் மற்றும் எழுத்தாளரும்கூட.

இந்தியாவின் உயரிய விருதான “பாரத ரத்னா” விருதுக்கு சொந்தக்காரரான இவர் 1972 ம் ஆண்டு டிசம்பர் 25 ல் இயற்கை எய்தினார்.

இந்த பதிவில் அவருடைய பெருமைமிகு வாழ்க்கை வரலாற்றைப் பற்றி பார்க்கப்போவதில்லை. அதற்கு பதிலாக அவர் நாவில் உதித்த தத்துவார்த்தம் நிறைந்த பொன்மொழிகள் (Rajaji Inspirational Quotes) சிலவற்றை பற்றியே பார்க்க இருக்கிறோம். வாருங்கள் பார்க்கலாம்.

சக்கரவர்த்தி இராஜகோபாலாச்சாரி பொன்மொழிகள்.

• நல்லதை கொண்டு மனதை பூரணமாக நிரப்பினால் அல்லது அற்றுப்போகும்.
• புலன்கள் சக்தி குன்றி முடிந்து போனாலும் ஆசைக்கு மட்டும் இறப்பே இல்லை. அது உன் இறுதிகாலம் வரை உனக்கு வேதனையை தந்துகொண்டே இருக்கும்.
• தருமத்துக்கு முரண்படாத நல்ல விருப்பங்கள் அனைத்துமே ஈசனுடைய அம்சமே.
• துறவு என்பது வெளிவேஷங்களில் இருப்பதல்ல.. மாறாக உள் மன துவேஷங்களைத் துறப்பதே துறவு.
• ஆசை அறுந்த மனநிலையே ஞானம் நிறைந்த தவநிலை.
• அழுக்கு கீழ்படிந்தால் நீர் தெளிவடைவது போல ஆசைகள் ஒழிந்தால் மட்டுமே அறிவு தெளிவடையும்.
• உன்னை அறிந்துகொள்ள உன் நெஞ்சையே நீ கேள். நீ நடந்துகொண்ட விதத்தை அது உனக்கு சொல்லும்.
• குற்றம் அறியாது குழந்தையின் உள்ளம்…. உலகை மதியாது பித்தனின் உள்ளம்…இவை இரண்டும் கலந்தாற்போல் இருப்பதே யோகியின் உள்ளம்.
• முந்தி செய்ய வேண்டியதை செய்தால் பிந்தி வருவது தானாக வரும்.

• உருவத்தை உருவகித்து உருகுவதே உமையாள் மகனை உணரும் வழியாம்.
• எனது நம்பிக்கை வீண்போகாது என்ற நம்பிக்கை எனக்கு என்றும் உண்டு.
• உன் செருப்பு இருக்க பிறருடைய செருப்புகளை நீ அணிந்துகொண்டால் பார்ப்பதற்கு அது ஆபாசமாகவே தெரியும். அதுபோலவே தன் மொழியாம் தாய்மொழியை மறந்து அயல் மொழி பேசித் திரிவதும் ஆபாசமே…
• பக்குவமடையாதவனின் துறவு பரிகாசத்துக்கு இடம் கொடுக்கும்.
• மலையிலிருந்து செதுக்கி எடுத்த துண்டுகளுக்கும்கூட மாமலையின் குணம் உண்டு.
• சிறுதுளிகள் ஒன்று சேர்ந்து மழையாக பெய்து பயிர்கள் செழிப்பதுபோல, நீங்கள் செய்யும் சிறு தருமம் கூட பன்மடங்கு பெருகி உங்கள் சமூகத்தை செழிக்கச் செய்யும்.
• தேசத்திற்கு நன்மையான காரியங்கள் செய்வதினால் கெட்ட பெயர் வருவதானாலும் அதனை பொருட்படுத்த வேண்டியதில்லை.
• திருடன் தலைவாசல் வழியாக வீட்டிற்குள் நுழைந்தால் திருடனை விரட்டியடிக்க வீட்டுக்காரன் புறக்கடை வழியாக புகுவதில் தவறில்லை.
• உன்னைத்தவிர யாரும் உன்னை கெடுக்க முடியாது. எனவே பிறர் மீது குற்றம் சுமத்துதல் அறம் ஆகாது.
• எதை சிறந்ததாக அறிந்துகொண்டாயோ அதையே உறுதியாக கடைப்பிடி. அதற்கு மாறான விஷயங்களில் கவனத்தை செலுத்தாதே.
• நீதி, சத்தியம், தெளிவான புத்தி, தைரியம் இவைகளே மனிதனுக்கு நிரந்தரமான சுகத்தை தரும் அம்சங்கள்.
• அவனவன் உள்ளத்தை அவனவன் சுத்தமாக வைத்துக்கொண்டு அறிவுள்ளவனாக நடந்து கொள்வது ஒவ்வொருவனுக்கும் உள்ள சுதந்திரம்.
• உனது உயர்வே உனக்கு என்றும் ஆனந்தத்தை தரக்கூடியதாகும். எனவே உன் தகுதியை உயர்த்திக்கொள்வதில் சமரசம் செய்து கொள்ளாதே.
• உன்னை பற்றி ஒன்றும் அறியாத ஒருவனின் போற்றுதலைக் கண்டு மகிழ்வது அல்லது தூற்றுதலைக் கண்டு துயரப்படுவதைவிட மடத்தனம் வேறு உண்டா?
• எவன் பிறரிடம் நெறி தவறி நடக்கிறானோ அவன் தனக்கே கேடு விளைவித்து கொள்கிறான்.
• தாயின் இதயத்தில்தான் குழந்தையின் பள்ளிக்கூடம் இருக்கின்றது.
• வாழ்க்கையில் தைரியமாகவும், தன்னம்பிக்கையுடனும் இருப்பதைவிட மகிழ்ச்சி அளிக்கக்கூடிய விஷயம் வேறு என்ன இருக்க முடியும்?
• ஆண்மை ஒரு நாழிகையை மட்டுமே ஆளும். ஆனால் நல்ல எண்ணங்களோ ஒரு யுகத்தையே ஆளும்.
• வாயில் இனிப்பவை வயிற்றில் புளிக்கும்.
• புகழ்ச்சியை விட கண்டனம் ஆபத்தில்லாதது.
• தன் தாய்நாட்டின் மீதும், தாய் மொழி மீதும் அன்பு காட்டாதவன் வேறு எதனிடமும் உண்மையான அன்பு காட்டப் போவதில்லை.
• ஒருவன் செய்யத்தகாதவைகளை செய்வது எவ்வளவு அநீதியோ அதுபோல செய்ய வேண்டியவைகளை செய்யாதிருப்பதும் அநீதியே.
• அயலாரைப் பற்றி சிந்தனை செய்து கொண்டு காலத்தை வீணாக்க வேண்டாம்.
• அறிவு என்னும் கண்ணை எவன் மூடிக்கொள்கிறானோ அவனே உண்மையில் குருடனாவான்.
• இன்பத்தையும் துன்பத்தையும் எவன் ஒன்றாக கருதுகிறானோ அவனே அழிவில்லா அமரத்துவத்துக்கு தகுந்தவன்.
• அறிவுக்கு முற்றுப்புள்ளி வைக்காதே, நீ சாகும்வரை உன் அறிவுக் கதவு திறந்தே இருக்கட்டும்.
• எந்த மனிதனுக்கு துன்பம் ஏற்பட்டாலும் அதனை தனக்கு வந்த துன்பமாக கருதுபவன் பூரண ஞானம் பெற்றவன் ஆவான்.
• விறகை நெருப்பு எரித்து சாம்பலாக்குவதுபோல தீவினைகள் அத்தனையையும் “ஞானம்” என்னும் நெருப்பு சாம்பலாக்கிவிடும்.
• கோபத்தினால் நீ செய்யும் அக்கிரமங்களைவிட ஆசையினால் செய்யப்படும் அக்கிரமங்களில் பாவம் அதிகம்.
• நாம் பலவீனமாக இருக்கும் போதுதான் பலாத்காரத்தைக் குறித்து சிந்திக்கிறோம்.
• நீ வாழும் விதத்தைப் பொறுத்தே உனக்கு நன்மையும், தீமையும் விளைகின்றன.
• நீ விரும்பும் பொருளைவிட நீ பிறருக்கு ஆற்றும் கடமையை பெரியதாக நினை.

The post Rajaji Inspirational Quotes – இராஜாஜியின் சிந்தனைகள் appeared first on Justice In Social.

இந்த பொன்மொழிகள் இந்திய தேசத்தில் மட்டுமல்ல உலகிலுள்ள அனைத்து தேசங்களிலுமே காணக்கிடைக்கின்றன.

அவ்வாறு பல தேசங்களிலும் இறைந்து கிடக்கும் நன்முத்துக்களை திறன்பட சேகரித்து இதோ இந்த பதிவின்மூலம் “பன்னாட்டு பொன்மொழிகள்” (International Golden Mottos) என்னும் முத்துமாலையாக்கி உங்கள் சிந்தனைக்குள் சிறைவைக்கின்றோம்.

இதில் சிறப்பு என்னவென்றால் நம்முடைய தேடலில்… அந்தக் கழுகுப் பார்வையில்… இதோ “கைலாசா” தேசமும்கூட தப்பவில்லை என்பது இங்கு குறிப்பிடத்தக்கது.

இங்கு கூறப்பட்டுள்ள பொன்மொழிகள் அனைத்தும் வாழ்க்கைக்கு பயனுடையவை. எனவே படித்து பயனடைக…

தேசம் கடந்த சிந்தனை முத்துக்கள்.

International Ponmoligal.

• செல்வத்தை விட செல்வாக்கே சிறந்தது.
• பண்பை பகட்டு அழித்துவிடும்.
• சொல்லாமல் போகிறவன் அழைக்காமல் திரும்பி வருவான்.
• சிரித்ததால் இழந்த ஒன்றை, அழுவதால் திரும்பப்பெற முடியாது.
• நண்பர்களே இல்லாதவன் தனக்குத்தானே விரோதி ஆகிறான்.
• யாரை தோற்கடிக்க முடியவில்லையோ அவனை நண்பனாக்கிக் கொள்.
• உன் நண்பனுடன் நீ வாக்குவாதம் புரியும்போதுதான் உன்னைப்பற்றியான அவனுடைய புரிதல் உனக்கே தெரிய வரும்.
• வெட்கத்தை விட்டவன் வயிறு எப்போதும் நிரம்பியிருக்கும்.
• முதலில் தகுதியை வளர்த்துக்கொள். பிறகு அத்தனைக்கும் ஆசைப்படு.

• அத்தனைக்கும் ஆசைப்படுபவன் வாழ்வு அந்தரத்தில் ஊசலாடும்.

• எல்லோரிடமும் இருக்கும் ஒன்று உன்னிடமும் இருக்குமானால் அது திறமையாக பார்க்கப்பட மாட்டாது மாறாக அது எல்லோராலும் உதாசீனப்படுத்தப்படும்.
• அறிவுரை கூறுபவன் எவனும் அள்ளி கொடுக்கப்போவதில்லை.. அதற்கு தெளிவுரை கூறுபவனும் கிள்ளி கொடுக்கப்போவதில்லை.
• பணக்காரனுடைய நட்பு உன்னை பிச்சைக்காரனாகவே வைத்திருக்கும்.
• ஒரு நண்பனை இழக்க விரும்பினால் அவனுக்கு கடன் கொடு.
• நீ அச்சத்துடன் எதிர்பார்க்கும் நாள் சீக்கிரமே வந்துவிடும். ஆனால் ஆவலுடன் எதிர்பார்க்கும் நாள் மெதுவாகத்தான் வந்து சேரும்.
• எச்சரிக்கைக்கு செவிசாய்க்கிறவன் பாதி காப்பாற்றப்பட்டவனாகிறான்.
• அண்டை வீட்டுக்காரனின் தாடி பற்றி எரிவதை அணைக்க செல்லும்முன் முதலில் உன் தாடியை ஈரமாக்கி கொள்.
• செருப்பு தைக்கும் தொழிலாளி உன் கால்களை மட்டுமே பார்ப்பான்… உன் நடத்தையை அல்ல.
• ஒரு நல்ல சமையல்காரனுக்கு அவனுடைய நாக்கே நல்ல எஜமானன்.
• நேர்மை பாராட்டினை பெற்றுத்தரும். ஆனால் வயிற்றை பட்டினி போடும்.
• நெருங்கிய சொந்தக்காரனின் வெறுப்பு நெருப்பைவிட ஆபத்தானது. எனவே பற்றியெரியும் முன் அணைத்துக்கொள்.
• ஒரு தகப்பன் தன் ஐந்து குழந்தைகளுக்கும் சோறு போட்டு வளர்த்துவிடுவான். ஆனால் அந்த ஐந்து குழந்தைகளால் தன்னுடைய ஒரு தகப்பனுக்கு சோறு கொடுத்து பராமரிக்க முடிவதில்லை. இதுவே நிதர்சனம்.
• கண்கள் பார்ப்பதற்கு, காதுகள் கேட்பதற்கு, ஆனால் வாய் பேசுவதற்கு அல்ல மாறாக பொத்திக்கொண்டு இருப்பதற்கே என்பதனை புத்திசாலிகளுக்கு சொல்லவேண்டியதில்லை.
• மௌனமாக இருக்கும் முட்டாள் அறிவாளிபோல தோன்றுவான். எனவே பிறருக்கு நீ அறிவாளிபோல தெரிய வேண்டுமெனில் மௌனமாக இருந்து பழகு.

• கால் இழந்தவனை விட வாக்கு இழந்தவனே அடிக்கடி இடறி விழுவான்.
• வாய் நிறைய நீர் வைத்திருந்தவன் தன்னால் நெருப்பை ஊதி அணைக்க முடியவில்லையே என வருத்தப்பட்டானாம்.
• ஏழைக்கு வாக்குறுதி கொடுக்காதே, பணக்காரனுக்கு கடன் படாதே… இரண்டுமே உன்னை நச்சரித்துக்கொண்டே இருக்கும்.
• ஒன்றுமே தெரியாதவனுக்கு ஒரு சந்தேகமும் வருவதில்லை.
• வாதாடுவதில் பயனில்லை என்றால் வசைபாட தொடங்கிவிடு.
• அழுதுகொண்டே பிறந்த நீ புலம்பிக்கொண்டே வாழவும் பழகிக்கொள்.

• சிக்கலில் சிக்க வேண்டுமா? இப்படியே எப்போதும் சிரித்துக்கொண்டே இரு.
• நல்ல கண்ணையும் நொள்ளக்கண்ணாக மாற்றும் திறன் காதலுக்கு மட்டுமே உண்டு.
• எப்போது வேண்டுமானாலும் செய்துகொள்ளலாமே என நீ தள்ளிப்போடும் ஒவ்வொரு காரியமும் உன்னால் எப்போதுமே செய்யப்படுவதில்லை. 
• பணத்தின் அருமை தெரியவேண்டுமா? ஒருதடவையாவது பக்கத்து வீட்டுக்காரனிடம் கடன் வாங்கு.
• எந்த வீட்டில் சேவலைவிட கோழி உரக்கக் கத்துகிறதோ அங்கு கூமுட்டைகளுக்கு பஞ்சமில்லை.
• பெரிய கற்பாறைகளை சுலபமாக தாண்டுபவன்தான் சிறிய கூளாங்கல்லில் தடுக்கி விழுகிறான்.
• பாடத்தெரியாதவனின் வாய்தான் எப்போதும் எதையாவது பாடிக்கொண்டே இருக்கும்.
• அவசரம் காரியங்களை தாமதப்படுத்தும்.
• வெட்கப்படுகின்ற பிச்சைக்காரனின் தட்டு வெறுந்தட்டாகவே இருக்கும்.
• கட்டுப்பாடு இல்லாதவனின் வாழ்க்கை கௌரவமில்லாத சாவில் போய்தான் முடியும்.
• எல்லோரும் தங்களை புத்திசாலி என எண்ணுவதினாலேயே உலகில் முட்டாள்கள் பெருகிவிட்டார்கள்.

The post International Aphorisms – சர்வதேச பொன்மொழிகள் appeared first on Justice In Social.

புண்பட்ட மனதிற்கு நல்மருந்திட்டு பஞ்சினால் ஒத்தடம் கொடுப்பது போன்று அமைந்துள்ள இந்த அனுபவ நன்மொழிகளானது நம்முடைய இந்திய தேசத்தில் மட்டுமல்ல உலக தேசங்களிலெல்லாம்கூட ஏராளமாக இறைந்து கிடக்கின்றன.

அவ்வாறு பல தேசங்களிலும் இறைந்து கிடக்கும் நன்முத்துக்களில் சிலவற்றை திறன்பட சேகரித்து இதோ இந்த பதிவின்மூலம் உங்கள் சிந்தனைக்கு விருந்தாக்குகின்றோம். பயனடையுங்கள்…

International Pon moligal.

• அன்பு குடிகொண்டிருக்கும் வீடு அரண்மனையைவிட விசாலமானது.
• திருமணமான மகன் அண்டைவீட்டுக்காரன் போல.
• நீ ஆடாக மாறினால்தான் ஓநாயை சந்திக்க முடியும்.
• அழுதுகொண்டே விடைபெறுபவன் சிரித்துக்கொண்டே வரவேற்பான்.
• மனம் போன போக்கில் போகும் மனிதனும், காற்றடிக்கும் திசையிலேயே போகும் கப்பலும் என்றும் கரை சேர்வதேயில்லை.
• பட்டங்களைவிட பண்புதான் போற்றத்தக்கது.
• கடலில் மூழ்கிக்கொண்டிருப்பவன் கொட்டும் மழையைக்கண்டு அஞ்சமாட்டான்.
• பிறரை மன்னிக்கும் குணம் இருக்கிறதோ இல்லையோ ஆனால் தன்னை மன்னிக்கும் குணம் மட்டும் அனைவருக்குமே உள்ளது.
• உன் எதிர்காலத்தை தெரிந்துகொள்ள வேண்டுமா? கடந்தகாலத்தை கொஞ்சம் திரும்பிப்பார்.
• எல்லாவற்றிலும் சமத்துவத்தை எதிர்பார்ப்பவன் மயானத்திற்குத்தான் செல்ல வேண்டும். ஆனால் அங்கும் அரசியல்வாதி நுழையாமல் பார்த்துக்கொள்ள வேண்டும்.

• “நரகம்” காலியாகிவிடக்கூடாதே என்பதற்காகவே இறைவன் அரசியல்வாதிகளையும் சில ஆன்மீகவாதிகளையும் தொடர்ந்து படைத்துக்கொண்டே இருக்கின்றான்.
• புகழ்ச்சி – ஒரு இனிப்பான விஷம்.
• சில சமயம் உதவி கிடைக்காததே பேருதவியாக அமைந்துவிடுகிறது.
• ஊர் அறிந்ததை உடனிருக்கும் கணவன் அறியமாட்டான்.
• செல்வத்தை மறைக்கலாம் வறுமையை மறைக்க முடியாது.
• எலும்பில்லாத நாக்கு எலும்பையே முறிக்கும்.
• தன்னுடைய நிழலில் தன்னால் இளைப்பாற முடியாது என்பதனை தெரிந்துவைத்திருப்பவனே புத்திசாலி.
• ஒருவன் விழுந்துவிட்டால் மொத்த உலகமும் அவன்மீது சவாரி செய்யும்.
• சர்வ ஜாக்கிரதையாக இருப்பவனும் சறுக்கி விழுவான்.
• முதல் திருமணம் கடமை, இரண்டாவது திருமணம் மடமை, மூன்றாவது திருமணம் பைத்தியக்காரத்தனம்.

• அரிப்பு எடுத்தவன்தான் சொறிந்துகொள்ள வேண்டும்.
• உன் குழந்தைகளுக்கு மதிநுட்பம் இல்லையென்றால் உன் சொத்தை அவர்களுக்கு கொடுக்காதே, மதிநுட்பம் உள்ள குழந்தையெனில் உன் சொத்து அவர்களுக்கு தேவைப்படாது.
• உனக்கு விரோதி என்று உலகில் யாருமே இல்லையெனில், உன் தாயே ஒருவனைப் பெற்றெடுப்பாள்.
• சுறுசுறுப்பான தாய் தன் மகளை சோம்பேறியாக மாற்றுகிறாள்.
• இழப்பதற்கென்று எதுவும் இல்லாதவனிடம் எச்சரிக்கையாக இரு.
• திருமண வீடு என்பதற்காக அங்கு அழுகையும், சாவு வீடு என்பதற்காக அங்கு சிரிப்பும் இல்லாமல் போகாது.
• எந்த பாதிரியாரும் தன் உறவுகளிடம் அற்புதங்களை செய்து காட்டுவதில்லை.
• காயப்படுத்தும் உண்மையைவிட குணப்படுத்தும் பொய் எவ்வளவோ சிறந்தது.
• நீண்ட நாள் வாழ ஆசைப்படுபவர்கள் முதுமையை வெறுக்கலாமோ?
• “காதல்” உன்னை திருமணத்திற்கு கொண்டு செல்லலாம், ஆனால் “கள்ளக்காதலோ” உன்னை கருமாதிக்கே அழைத்து செல்லும்.

• வாயில் விஷம் உள்ளவன் அமிர்தத்தை கக்க வாய்ப்பில்லை.
• அளவுக்கதிகமான மரியாதையை அவமரியாதையாகவே எடுத்துக்கொள்ள வேண்டும்.
• அதிக வசதி சில சமயம் அசௌகரியமாகத் தோன்றலாம்.
• கோபத்தோடு எழுந்தவன் நஷ்டத்தோடு உறங்கப்போகிறான்.
• உன்னிடம் இருக்கும் ஆயிரம் கவலைகளால் ஒரு சல்லி கடனைக்கூட அடைக்க முடியாது.
• சந்தர்ப்பமும் சூழ்நிலையும் சில நேரங்களில் நாணயமுள்ளவனையும் திருடனாக்கிவிடும்.
• எல்லாவற்றையும் பரிசீலிக்கப்போவதாக கூறுபவன் எந்த முடிவுக்கும் வரமாட்டான்.
• பிறரின் புகழுரையில் மயங்கிவிடாதே ஏனெனில் போற்றுதலே தூற்றுதலுக்கு ஆரம்பமாக அமையலாம்.
• பயத்தைவிட அவமானம்தான் ஒருவனை கொன்றுவிடும்.
• இருவருக்குள் நடக்கும் சண்டையை சமாதானம் செய்யப்போனால் அதற்கு வெகுமதியாக உனக்கும் இரண்டு அடியாவது விழும்.

• ஒரு பொய்யை வைத்துக்கொண்டு ஒருவன் வெகுதூரம் பயணிக்கலாம்… ஆனால் திரும்பி வருவது கடினம்.
• எப்போதும் உழைத்துக்கொண்டே இருந்தால் வாழ்வது எப்போது? உழைப்புக்கும் உறக்கத்திற்கும் நேரம் ஒதுக்குவதுபோல வாழ்வதற்கும் கொஞ்சம் நேரத்தை ஒதுக்கிக்கொள்.
• ஒரு கண் உள்ளவன் இறைவனுக்கு நன்றி சொல்லமாட்டான்… இரண்டு கண்களும் இல்லாதவனை சந்திக்கும்வரை.
• திருடுவதற்கு கற்றுக்கொள்பவன் ஓடுவதற்கும் கற்றுக்கொள்ள வேண்டும்.
• தேவைக்கு அதிகமாக இருப்பது தேவைக்கு அதிகமாகவே விரயமாகும்.
• வறுமையில் வாழ்ந்தாலும் கடனில்லாமல் வாழ்ந்தால் அவன் செல்வந்தனுக்கு சமமானவன்.
• உன்னுடைய கௌரவம் உன் நாக்கின் நுனியில் இருக்கிறது.
• சலுகைகளைப் பெறுகிறவன் தன்னுடைய சுதந்திரத்தை இழக்கிறான்.
• பொறுமையில்லாதவன் தன் பற்களைக்கூட சரியாக தேய்க்க மாட்டான்.
• ஒரு சாமியாருக்குத்தான் இன்னொரு சாமியாரைப்பற்றி முழுமையாகத் தெரியும்.

• தொள்ளாயிரம் எலிகளை சாப்பிட்டபின், பூனை புனித யாத்திரைக்கு சென்றதாம்.
• அடிமைபோல வேலைசெய்தால் அரசன்போல சாப்பிடலாம்.
• ஆபத்துக்கு உதவ ஒரு ஆள் இல்லை, ஆனால் ஆறுதல் சொல்லமட்டும் ஆயிரம் பேர்.
• தலைவலி மாத்திரைக்கே தலைவலியைக் கொடுப்பவன் எவனோ அவனே அரசியலில் தலைவனாகும் தகுதியைப் பெறுகிறான்.
• இன்றைக்கு அரிப்பு எடுத்தால் நாளைக்கு சொறிந்துகொள்ளலாம் என்றிருப்பவனே சோம்பேறிகளில் சிறந்த சோம்பேறியாக மதிக்கப்பட வேண்டியவன்.
• விரக்தியில் உட்காருவதை விட புலம்பிக்கொண்டே வாழ பழகிக்கொண்டால் நீண்டநாள் உயிரோடு வாழ்ந்துவிட முடியும்.
• கையால் கொடுத்த கடனை கால்களால் நடந்து சென்றுதான் வசூலிக்க வேண்டும்.
• வாய்ப்பை தவறவிட்டவன் தன் வயோதிகப்பருவம் வரை வருந்தவேண்டி வரும்.
• சாவின் விளிம்பில் இருப்பவனுக்குத்தான் வாழ்வின் அருமை புரியும்.
• வாங்குவதற்கு மனமில்லாதவன்தான் விடிய விடிய பேரம் பேசுவான்.
• உன் இதயத்தில் உண்டாகும் நெருப்பு உன் தலையில் புகைமூட்டத்தை உண்டாக்கும்.
• காலியாக இருக்கும் கோணிப்பை நேராக நிற்காது.
• பரிசுப்பொருளுடன் வருபவன் அதிக நேரம் காத்திருக்க வேண்டி வராது.

• வருத்தத்துடன் ஒன்றை வைத்திருப்பதைவிட விருப்பத்துடன் அதை விற்றுவிடுவது மேல்.
• நமக்காக பொய் சொல்பவன் மற்றொரு சூழலில் நமக்கு எதிராக பொய் சொல்லவும் தயங்கமாட்டான்.
• உன்னிடம் மற்றவர்களைப்பற்றி வம்பு பேசுபவன் உன்னைப்பற்றியும் பிறரிடம் வம்புபேசுவான்.
• மானங்கெட்டவனுக்கு தலையில மயிர் முளைச்சா என்ன? மரம் முளைச்சாதான் என்னா? எதைப்பற்றியும் கவலை கொள்ளவே மாட்டான்.

The post International Golden Words – உலகளாவிய பொன் மொழிகள் appeared first on Justice In Social.

உலகம் முழுவது வாழும் மக்கள் நலமாக வாழவேண்டும் என்னும் பொது நோக்கோடு வாழ்ந்த அறிஞர்கள் உலகம் முழுக்க இருந்துள்ளனர். சமூகத்தினூடே இளையோடிப்போன அவலங்களை நீக்குவதோடு அவர்களின் வாழ்க்கை தரத்தை மேம்படுத்த பல அறிவார்ந்த கருத்துக்களை (Mottoes) விதைத்து சென்றுள்ளனர்.

அவ்வாறு நம்மிடையே விதைத்துசென்ற பொன்மொழிகள் (Mottoes) சிலவற்றை இப்பதிவில் பார்க்க இருக்கின்றோம். வாருங்கள் பார்க்கலாம்.

Mottoes of Multilingual Scholars.

• சிந்திக்காமல் படிப்பது ஜீரணிக்காமல் உண்பதைப் போன்றது – பர்க்.
• நீண்ட நேரம் சிந்தித்தபின் உங்கள் நாவை அசையுங்கள். நீங்கள் அவமானம் அடையமாட்டீர்கள் – டால்ஸ்டாய்.
• கற்றவர்களிடம் கற்பதைவிட கற்றுக் கொண்டிருப்பவர்களிடம் கற்றுக்கொள் – காரல் மார்க்ஸ்.
• தரமான ஒன்று உயர்வான ஒன்றுக்கு எதிரியாகும் – அரிஸ்டாட்டில்.
• வன்முறை என்பது மோசமானது. ஆனால் அடிமைத்தனம் என்பது வன்முறையை காட்டிலும் மோசமானது – சுபாஷ் சந்திரபோஸ்.
• உன்னை ஜெயிக்க யாரும் பிறக்கவில்லை என நினைத்துக்கொள்ளாதே. எல்லோரையும் ஜெயிக்க நீ பிறந்திருக்கிறாய் என்று நினைத்துக்கொள் – நெப்போலியன்.
• ஊக்குவிக்க ஆளிருந்தால் ஊக்கு விற்கும் ஆள் கூட தேக்கு விற்பான் – வாலி.
• ஊக்கத்தை கைவிடாதே, ஆக்கத்திற்கான முதல் படிக்கட்டு அதுவே – அறிஞர் அண்ணா.
• சோம்பல் மாவீரனைக்கூட சாம்பலாக்கிவிடும் – பார்ட்டன்.
• பைத்தியக்காரனை திருத்தி விடலாம். ஆனால் தற்பெருமை பேசுபவனை திருத்தவே முடியாது – சாக்ரடீஸ்.
• பின்னாலிருந்து நீ விமர்சிக்கப்பட்டால் நினைவில்கொள். நீ முன்னால் இருக்கிறாய் என்று – ஹிட்லர்.
• மரணம் அஞ்சக்கூடியதல்ல. அதர்மத்தைக் கண்டே அஞ்சுதல் வேண்டும். அதர்மம் எப்போதுமே ஆபத்தானது – சாக்ரடீஸ்.
• இருட்டை சபித்துக்கொண்டு இருப்பதைவிட ஒரு சிறிய மெழுகுவர்த்தியை ஏற்றலாமே – கன்பூசியஸ்.
• எண்ணங்களுக்கு ஏற்ப வசதிகளை பெருக்குவதைவிட வசதிகளுக்கேற்ப எண்ணங்களை குறைத்துக் கொள்வதே சிறப்பு – அரிஸ்டாட்டில்.
• அன்பும், அடக்கமும் துன்பம் வந்த பின்பே பலரால் பின்பற்றப்படுகிறது – ஜார்ஜ் எலியட்.
• கண்டிக்க தெரியாதவனால் கருணை காட்டவும் தெரியாது – கார்லைல்.
• அறத்தின் இலக்கணம் அறியாதவர்களே “நான் செய்த அறத்திற்கான கூலி எங்கே?” என இரைந்து கொண்டிருப்பர் – மேட்டாலிங்க்.
• அதர்மம் அணியும் ஆடை ஐஸ்வர்யம், தர்மம் தரித்திருக்கும் ஆடையோ தரித்திரம் – தியோக்னீஸ்.
• ஒரே சமயத்தில் இரண்டு வேலை செய்ய நம்மில் பலருக்கு தெரியும். ஒரு சமயத்தில் ஒரு வேலை செய்வதுதான் கடினமானது – மெக்லாலின்.
• எவரிடமும் எதையும் எதிர்பார்க்காதீர்கள். எதிர் பார்த்தால் இறுதிவரை எதையும் சாதிக்காமலேயே போய் விடுவீர்கள் – எட்மண்ட் பர்சி.
• மரியாதைக்கு விலை கிடையாது. ஆனால் அது அநேகரை விலைக்கு வாங்கும் – மாண்டேகு.
• பணத்தை தவறான வழியில் இழப்பது குற்றம். தவறான வழியில் தேடுவது அதைவிடவும் குற்றம் – ஜான் ரஸ்கின்.
• குளிர் அதிகம்தான். நான் உடுத்திருக்கும் ஆடை என்னவோ கந்தல்தான். ஆனாலும் என்னுடைய ஒழுக்கம் எனக்கு தேவையான உஷ்ணத்தை கொடுக்கும் என்னும் நம்பிக்கை எனக்கு என்றுமுண்டு – ட்ரைடன்.
• உண்மையான நட்பு “ஆரோக்கியம்” போன்றது. அதனை இழக்கும் வரையில் அதன் மதிப்பை நாம் உணர்வதில்லை – வோல்டன்.
• நேரத்தை தள்ளிப்போடாதே, தாமதத்தால் அபாயமான முடிவுகளே ஏற்படுகின்றன – ஷேக்ஸ்பியர்.
• மகிழ்ச்சியான வாழ்க்கை என்பது தடைகளற்ற வாழ்க்கை அல்ல. தடைகளை வெற்றிகரமாக தாண்டி வாழும் வாழ்க்கை – ஹெலன் கெல்லர்.
• பகைவனின் புன்சிரிப்பைவிட நண்பனின் கோபம் மேலானது – ஜேம்ஸ் ஹோபெல்.
• எந்த தொழிலும் இழிவில்லை. எந்த தொழிலும் செய்யாதிருப்பதே இழிவு – டால்ஸ்டாய்.
• அளவில்லா சோதனைகளை தாங்கி குறைவில்லா சாதனைகளை படைப்பவனின் பெயரே மேதை – ஹோம்கின்ஸ்.
• பேயை அடக்குவதை காட்டிலும் அதனை எழுப்புவது எளிது – காரிக்.
• விற்பனைக்கு இருப்பது அனைத்துமே அழுகிய பழமெனில் எதைக்கொள்ளுவதாம் எதைத்தள்ளுவதாம்? – ஷேக்ஸ்பியர்.
• நூல்களை படித்தால் நூலறிவு கிடைத்துவிடும். ஆனால், மெய்ஞானம் கிடைப்பது என்பது அவ்வளவு எளிதன்று – டெனிஸன்.
• தன்னை முழுமையாக அறியாதவன் ஒருபோதும் பிறரை சரியாக அறிய முடியாது – நோவாலிஸ்.
• அறிவிலிகள் அறிவாளிகளிடமிருந்து எதையும் கற்றுக் கொள்வதில்லை. ஆனால், அறிவாளிகள் அறிவிலிகளிடமிருந்து நிறைய கற்றுக்கொள்கிறார்கள் – கேடோ.
• முடியுமானால் உன்னை சுற்றியிருப்பவர்களைவிட அறிவாளியாக இரு. ஆனால் நீ அறிவாளியாக இருப்பதை அவர்களிடம் கூறி விடாதே. கேலிகளும் கிண்டல்களுமே பரிசாய் கிடைக்கும் – செஸ்டர்பீல்டு.
• சாக்கடை நீரில் அழுக்கை கண்டு முகம் சுளிப்பதும், வானத்தின் பிரதிபலிப்பை கண்டு அகம் மகிழ்வதும் அவரவர் மனநிலையை பொறுத்தது – ரஸ்கின்.
• குறுகிய புத்தியுள்ள மனிதர்கள் குறுகிய கழுத்துள்ள பாட்டில்களைப் போல. ஏனெனில், அகத்தில் உள்ளதை வெளியில் கொட்டும்போது இரண்டுமே அதிக சப்தத்தை எழுப்புகின்றன – ஸ்விப்ட்.
• பிறரை வணங்க ஆரம்பிக்கும்போதே அவர்கள் மத்தியில் வளர ஆரம்பித்து விடுகிறாய் – கோல்ரிட்ஜ்.
• ஏளனம் என்பது சிறியோர் இதயத்தில் எழுகின்ற நச்சுப்புகை – டெனிஸன்.
• உரோமம் ஒன்றாகவே இருந்தாலும் அதற்கும் நிழல் உண்டல்லவா? – பப்ளியஸ் சைரஸ்.
• குறைகளை கண்டு மகிழ்ந்தால் குணங்களை கண்டும் காணாமல் கடந்து செல்லவேண்டி வந்துவிடும் – லா புரூயர்.
• குறைகளை மட்டுமே காண்பவர் புழுக்களை மட்டுமல்ல பூக்களையும் நிராகரித்துவிடுகின்றனர் – ரிக்டர்.

• உலகில் யாரும் அறியாதபடி உலவும் தீமை வஞ்சகம் ஒன்றே – மில்டன்.
• இன்சொற்களின் விலை சொற்பமே. ஆனால் அதன் மதிப்போ அதிகம் – ஹெர்பர்ட்.
• ஒரு மண்பனையை தட்டும்போது அது எழுப்பும் ஒலியைக்கொண்டு அதில் கீறல் உள்ளதா இல்லையா என்பதனை அறிந்து கொள்ளலாம். அதுபோல ஒருவன் அறிவாளியா அறிவிலியா என்பதனை அவன் வாயிலிருந்து வெளிப்படும் பேச்சால் அறிந்து கொள்ளலாம் – டெமாஸ்தனீஸ்.
• பேச வேண்டிய காலத்தை அறியாதவன் பேசக்கூடாத காலத்தையும் அறியான் – பப்ளியஸ் சைரஸ்.
• வாள் தரும் புண்ணைக்காட்டிலும் நாவு தரும் புண்ணே மிகக் கொடியது. ஆறாதது – பித்தகோரஸ்.
• இதயமே தீயனவற்றை உற்பத்தி செய்யும் உற்பத்தி சாலை. அதன் விற்பனைக் கூடமே உன் வாய் – லெய்ட்டன்.
• முகஸ்துதி முட்டாள்களின் உணவு – ஸ்விப்ட்.
• தெய்வமே பெண்ணாக வந்தாலும் அவதூறு என்னும் நாய் அவளைப்பார்த்து குரைக்காமல் இராது – ஹோம்.
• அடுத்த வீட்டுக்காரனுடைய குறைகளை அம்பலப்படுத்த ஆசையுள்ளவனை குணப்படுத்த மருந்துமில்லை. மந்திரமுமில்லை – ஹார்வி.
• வீணாக்கிய நாட்களுள் அதிகமான அளவில் வீணாக்கிய நாட்கள் நீ சிரிக்காத நாட்களே – ஷாம்பர்ட்.
• தனவந்தன் ஆரோக்கியமாக இருக்க வேண்டுமானால் தரித்திரனைப்போல வாழவேண்டும் – டெம்பிள்.
• என்னிடம் உதவி பெற்றவன் அதை மறந்தால் அது அவன் குற்றம். ஆனால், நான் உதவி செய்ய மறுத்தால் அது என் குற்றம் – ஸெனீக்கா.
• பணம் கொண்டதே மாளிகை. மனம் கொண்டதே வாழ்க்கை – மில்டன்.
• அனுபவித்து தீரவேண்டியதற்கு எதிராக போராடி பலனில்லை. வாடைக்காற்றுக்கு எதிராக போராடுவதை காட்டிலும் போர்வையால் போர்த்திக் கொள்வதே சாலச்சிறந்தது – லவல்.

• அதிகமான சிரிப்பு அறிவு சூனியத்தையே காட்டும் – கோல்ட்ஸ்மித்.
• கடவுள் செல்வத்தை உயர்ந்த பொருளாக மதித்திருந்தால் அதை அயோக்கியர்களுக்கும் அளித்திருக்க மாட்டார் அல்லவா? – ஸ்பிப்ட்.
• நெருப்பு வழி செல்பவன் புகைக்கு அஞ்சமாட்டான் – டெனிஸன்.
• எவ்வித தியாகமுமின்றி எவ்வித நன்மையும் பெற முடியாது – ஹெல்ப்ஸ்.
• கல்விச்சாலையொன்றை திறப்பவன் சிறைச்சாலையொன்றை மூடுகிறான் – விக்டர் ஹீகோ.

The post International scholars – பன்னாட்டு பொன்மொழிகள் appeared first on Justice In Social.

பல்வேறு மொழிகளையும், கலாச்சாரங்களையும் கொண்ட பாரத பூமியில் குமரியிலிருந்து காஷ்மீர் வரையிலும் சான்றோர்கள் உதிர்த்த பொன்மொழிகள் (golden languages) ஏராளமாக இறைந்து கிடைக்கின்றன.

அவ்வாறான பொன்மொழிகள் பலவற்றை நாம் பல்வேறு பதிவுகளில் பார்த்து வந்துள்ளோம்.

இந்தியாவில் மட்டுமல்லாது உலகின் பல்வேறு பகுதிகளிலும் தோன்றிய அறிஞர்கள் பல்வேறு மொழிகளில் ஏராளமான பொன்மொழிகளை நமக்காக தந்து சென்றுள்ளனர்.

அவ்வாறு உலக அறிஞர்கள் பலரால் முன்மொழியப்பட்ட பொன்மொழிகள் (multilingual proverb) சிலவற்றை இப்பதிவில் பார்க்கலாம்.

பன்மொழிகளின் பொன்மொழிகள்.

• உனக்கு வரும் துயரம் உன்னுடைய தலையை வேண்டுமானால் நரையாக்கலாம். ஆனால், உன்னுடைய இதயத்தை பலமாக்கும் என்பதனை நினைவில் கொள் – ஜார்ஜ் பெய்ஷி.
• தரையோடு தரையாக நசுக்கப்பட்டாலும் சத்தியம் மறுபடியும் எழுந்து நிற்கவே செய்யும் – பிரையண்ட்.
• நீ சொல்லும் எந்த பொய்யும் உன்னுடைய வயோதிகம் வரை வாழ்வதில்லை – ஸோபோகிளீஸ்.
• அறிவற்ற அச்சம் இடையூறுகளை இரட்டிப்பாக்குகிறது – தாமஸ்புல்லர்.
• உன்னுடைய வேதனையையும், இழப்பையும் ஆற்றும் திறன் அமைதிக்கு மட்டுமே உண்டு – ரால்ப் ஹோட்சன்.
• ஒருவனுக்கு அறிவு இருந்தும் ஆற்றல் இல்லையெனில் அவனுடைய வாழ்நாளெல்லாம் வீண் நாளே!. – ஷாம்பர்ட்.
• உயிருடன் இருக்கும் மனிதனுக்கு கட்டப்படும் கல்லறையின் பெயர்தான் சோம்பல் – ஜெரேமி டெய்லர்.
• அரிய சாதனைகள் செய்யப்படுவது வலிமையினால் அல்ல. விடாமுயற்சியினால்தான் – ஓவிட்.
• உன் நேரத்தை வீணான விஷயங்களுக்காக விரையம் செய்யாதே… எனெனில் அவைகள் பட்டை தீட்டப்படாத வைரங்கள் – ரால்ஃப் வல்டோ எமர்சன்.
• நாம் எப்போதுமே வாழ்வதற்கு தயாராகிக் கொண்டிருக்கிறோம். ஆனால் வாழ்வதில்லை – எமர்சன்.
• இந்த உலகில் மதம் ஒரு நல்ல கவசம், ஆனால் மோசமான மேலங்கி – புல்லர்.
• அனைவரும் உலகை மாற்றிவிட முயல்கிறார்கள்… ஆனால் மாறவேண்டியது உண்மையில் நாம்தான் என்பது ஒருபோதும் அவர்களுக்கு தெரிவதில்லை – டால்ஸ்டாய்.
• எல்லாவற்றையும் மாற்ற நினைப்பவர் உண்மையில் ஒன்றையும் மாற்ற முடியாதவர்களாகவே இருப்பர் – நான்ஸி அஸ்டார்.

• முரணில்லாதிருக்க முயல். உண்மையாயிருக்க உழை – ஹோம்ஸ்.
• முதலில் தூசியை கிளப்பி விடுவதும் நாம்தான். அதன்பின் முன்னால் இருப்பதை சரியாக பார்க்க முடியவில்லை என்று குறைபட்டுக் கொள்வதும் நாம்தான் – பிஷப் பார்க்லி.
• மாற்றத்திற்கு ஏற்ப மாறிக்கொள்வதே சிறந்த செயலாகும் – ஸ்டீபன் ஹாக்கிங்.
• ஆசைகளுக்கேற்ப வசதிகளைப் பெருக்குவதைவிட, வசதிகளுக்கேற்ப ஆசைகளைக் குறைத்துக்கொள்வது நல்லது – அரிஸ்டாட்டில்.
• நான் மெதுவாக நடப்பவன்தான், ஆனால் ஒருபோதும் பின்வாங்குவதில்லை – ஆபிரகாம் லிங்கன்.
• நல்லது போனால் தெரியும், கெட்டது வந்தால்தான் தெரியும் – சாக்ரடீஸ்.
• உழைப்பவனின் வீட்டிற்குள் பசி எட்டிப்பார்க்குமே தவிர உள்ளே நுழைய துணியாது – பிராங்க்ளின்.
• பெரிய விஷயங்களைப் போலவே சிறிய விஷயங்களையும் கவனிக்கக்கூடிய மனம் எதுவோ அதுவே உண்மையும் உறுதியும் பொருந்திய மனமாகும் – ஜான்ஸன்.
• உண்மை மனிதனுக்கு சொந்தம். அவன் செய்யும் பிழைகளோ அவனுடைய காலத்திற்கு சொந்தம் – கதே.
• அதிகமான ஜனங்கள் நம்புகிறார்களா? அப்படியென்றால் அதில் ஏதோ ஏமாற்று இருக்கிறது என்று பொருள். எனவே சர்வ ஜாக்கிரதையாக ஆராய்ந்த பின்பே முடிவெடு – டால்ஸ்டாய்.
• தவறு ஒன்றுதான் சர்க்கார் தயவை வேண்டி நிற்கும். சத்தியத்திற்கு அது வேண்டியதில்லை – தாமஸ் ஜெவ்வர்ஸன்.
• பொய்யானவற்றால் கவரப்படும் மனமானது நல்ல விஷயங்களில் இன்பம் காண்பதில்லை – ஹொரேஸ்.
• நீ கவலைகளை சுமந்து கண்ணீர் சிந்துவதைவிட, லட்சியங்களை சுமந்து ரத்தம் சிந்துவதே சிறப்பு – லெனின்.
• தடம் பார்த்து நடப்பவன் மனிதன். தடம் பதித்து நடப்பவன் மாமனிதன் – பிடல் காஸ்ட்ரோ.
• நீ போகும் பாதையில் தடைகள் எதுவும் இல்லை என்றால் அது உன்னுடைய பாதை அல்ல. வேறு யாரோ விட்டுச்சென்ற பாதை – பிடல் காஸ்ட்ரோ.
• கஷ்டங்கள் மட்டும் இல்லையென்றால் போராடும் எண்ணமே நமக்கு இல்லாமல் போயிருக்கும் – பிடல் காஸ்ட்ரோ.
• உன்னை அதிகம் விமர்சிப்பவனே உன்னை கண்டு அதிகம் பயப்படுகிறான் – பிடல் காஸ்ட்ரோ.
• போராடும்வரை வீண் முயற்சி என்பார்கள், வென்ற பின்பு விடாமுயற்சி என்பார்கள் – பிடல் காஸ்ட்ரோ.
• நீங்கள் என்னை அநியாயமாக தண்டிக்கலாம், தண்டனை வழங்கலாம். ஆனால், அதைப்பற்றியெல்லாம் எனக்கு கவலையில்லை. ஏனெனில், நாளைய வரலாறு எனக்கு நீதி வழங்கும் – பிடல் காஸ்ட்ரோ.
• கடந்த காலத்திற்கும் எதிர் காலத்திற்கும் இடையேயான போராட்டம்தான் “புரட்சி” – பிடல் காஸ்ட்ரோ.
• சோம்பல் என்பது இளைப்பாறுதல் அல்ல. அது வேலையைவிட அதிக களைப்பை தருவது – புல்லர்.
• சுறுசுறுப்புக்கு எல்லாமே எளிது. ஆனால் சோம்பலுக்கோ எல்லாமே கடினம் – ஆரோன்புர்.
• அறிவின்மையைவிட அதிக கேவலமானது மனமின்மை – ஜேம்ஸ் ஆலன்.
• தன்னை அதிக புத்திசாலியாக எண்ணுவதே மனிதனிடம் உள்ள மிகப்பெரிய பலவீனம் – சிம்மன்ஸ்.
• மனிதனை மனிதனாக்குபவை உதவிகளும், வசதிகளுமல்ல. இடையூறுகளும் துன்பங்களுமே – மாத்யூஸ்.
• நீ வாழ்க்கையில் முன்னேற விரும்பினால் உன்னுடைய கால்களால் நடந்து போ. மற்றவர்களின் முதுகின் மேல் சவாரி செய்ய விரும்பாதே – நீட்சே.
• ஒரேயடியாக உச்சிக்கு ஏறிவிட வேண்டும் என்ற முயற்சிதான் சறுக்கல்களுக்கு காரணமாயிருக்கிறது – சாமுவேல் பட்லர்.
• எல்லா மனிதர்களையும் நம்புவது ஆபத்து. ஒருவரையும் நம்பாமல் இருப்பது அதைவிட பேராபத்து – ஆபிரஹாம் லிங்கன்.
• பல கஷ்டங்களையும், நஷ்டங்களையும் கடந்த பின்பே மனிதன் அதிக அடக்கத்தையும் அறிவையும் பெறுகிறான் – பிராங்க்ளின்.
• பரிந்துரை ஒருவரை அறிமுகம் மட்டுமே செய்யும். தகுதிதான் அவரை நிலைபெறச் செய்யும் – வைரமுத்து.
• மரியாதைக்கு விலை கிடையாது. ஆனால் அது அநேகரை விலைக்கு வாங்கும் – மாண்டேகு.

• பணம் சம்பாதிப்பது ஒன்றே வாழ்வின் இலட்சியம் என்றால் அது தவறான வழியிலேதான் தேடப்படும் – ரஸ்கின்.

• முட்டாள்கள் அரசாளும் நாட்டில் கயவர்களுக்கு பட்டினி என்பதே இல்லை – சர்ச்சில்.
• புகழை மறந்தாலும், நீ பட்ட அவமானங்களை ஒருபோதும் மறவாதே, அது இன்னொருமுறை நீ அவமானப்படாமல் உன்னை காப்பாற்றும் – அடால்ஃப் கிட்லர்.
• தங்கள் கால்களால் பறவைகள் ஆபத்தில் சிக்கிக் கொள்கின்றன என்றால் மனிதனோ தன் நாவினால் சிக்கிக் கொள்கிறான் – தாமஸ் புல்லர்.
• ஒருபொழுதும் துன்பமாக மாறாத பொருள் ஒன்று உலகில் உண்டென்றால் அது நீ செய்யும் நற்செயல்கள் மட்டுமே – மேட்டர்லிங்க்.
• விரும்ப வேண்டியவற்றை விரும்பவும், வெறுக்க தகுந்தவற்றை வெறுக்கவும் செய்யுமாறு உன்னை தூண்டுவதே உண்மையில் அறமாகும் – ஸெயின்ட் அகஸ்டைன்.
• பணத்தின் உண்மையான மதிப்பு பிறரிடம் கடன் கேட்கும் போதுதான் தெரியும் – பிராங்க்ளின்.
• நீ அறநெறியல் நிற்கும் ஒவ்வொரு சமயத்திலும் உன் வாழ்வில் நன்மை விளையாவிட்டால் அதற்காக சோர்வடையாதே… மாறாக, இனி வரும் துன்பம் ஒன்று வராது தொலைந்திருக்கும் என்று அமைதி கொள் – பென்தம்.
• நன்மை ஒரு நல்ல வைத்தியன். ஆனால் சில சமயங்களில் தீமை அதைவிட நல்ல வைத்தியனாக செயல்படுவதுண்டு – எமர்ஸன்.
• பிறருக்கு நீ உதவி செய்வதோடு நிறுத்திவிடாமல் பிறருக்கு உதவி செய்வது எப்படி என்பதையும் கூடவே கற்றுக்கொடு – ஆவ்பரி.
• நீ செய்த தீய செயல்களுக்காக மனம் திருந்தி தெய்வத்தின் முன் மண்டியிடுவதற்கு பதிலாக அந்த தீய செயல்களால் பாதிக்கப்பட்ட மனிதன் முன் மண்டியிட பழகிக்கொள். அப்போதுதான் உனக்கு விமோசனம் கிட்டும் – ரஸ்கின்.
• அன்பு சில குறைகளையும், அறிவு சில பிழைகளையும் பொருட்படுத்துவதில்லை. ஆனால், உண்மையோ எந்த அவமானத்தையும் மன்னிப்பதில்லை – ரஸ்கின்.
• மனிதனுக்கு எத்துணை பைத்தியம் பாருங்கள். அவனால் ஒரு புழுவைக்கூட சிருஷ்டிக்க முடியாது. ஆனால் அவனோ கணக்கில்லாத கடவுள்களை சிருஷ்டித்து வைத்துள்ளான் – மான்டெய்ன்.

The post Golden Sayings Various Languages – பல்மொழி பொன்மொழிகள் appeared first on Justice In Social.

வாழ்வின் ஏற்ற இறக்கங்களால் சஞ்சலப்பட்டு சருகுகளாய் சலனமற்று நிற்கும் மனதை இரண்டே இரண்டு வாக்கியங்களில் மகிழம்பூவாய் மலரச் செய்யும் திறன் படைத்தவைகள்தான் “பொன்மொழிகள்” (Mottos) என்னும் நன்மொழிகள்.

புண்பட்ட காயத்திற்கு நல்மருந்திட்டு பஞ்சினால் ஒத்தடம் கொடுப்பது போன்று பண்பட்ட மனம்கூட ஆற்றாமையால் அரற்றும்போது ஆறுதல்கூறி வார்த்தைகளால் வருடுவதுதான் “நன்மொழிகள்” (Golden mottos) என்னும் பொன்மொழிகள்.

அவ்வாறான பொன்மொழிகளில் புத்தம் புது பொன்மொழிகள் சிலவற்றை திறன்பட சேகரித்து இதோ இந்த பதிவின்மூலம் முத்தோடு முத்தாக பத்தோடு பத்தாக இதோ உங்கள் சிந்தனைக்குள் சிறைவைக்கின்றோம். பயனடையுங்கள்…

சாத்திரம் பார்த்து “மூத்திரம்” குடிப்போம்…

• ஒருநாள் விடியும் என்று காத்திருக்காமல் இன்றே முடியும் என முயற்சி செய்.
• நேற்றுவரை அசாத்தியமாக இருந்தது இன்று சாத்தியமாகலாம்.
• ஆதாமுக்கும், ஏவாளுக்கும் கிடைக்காதவரம் உனக்கு கிடைத்துள்ளது. அதுதான் அம்மா!!.
• விட்டுக்கொடுங்கள் விருப்பங்கள் நிறைவேறும். தட்டிக்கொடுங்கள் தவறுகள் தகர்ந்துபோகும்.
• உன் தவறை மறைக்க பிறரை தீயவராக சித்தரிக்காதே, பிறருடைய தவறுகள் திருத்தப்ப்படும்போது நீ தவிர்க்கப்படுவாய்.
• துயரத்திற்கு ஒரே மருந்து உயரத்தை தொடுவதே!
• சிக்கனமே சீரிய வருமானம்.
• அகந்தை வரும் முன்னே அவமானம் வரும் பின்னே.
• கையில போன் வச்சிருக்கிறவனும், தலையில பேன் வச்சிருக்கிறவனும் நிம்மதியா தூங்குனதா சரித்திரமே இல்ல…
• மாட்டின் மாமிசம் சாப்பிடுகிறவன் கடை ஜாதியாம்…. மாட்டின் பால் சாப்பிடுகிறவன் இடை ஜாதியாம்… மாட்டின் மூத்திரம் சாப்பிடுகிறவன் உயர் ஜாதியாம்…. இதுவே எங்களின் சமூக நீதியாம்.

• சாத்திரம் பார்த்து “மூத்திரம்” குடிப்போம், மூத்திரம் குடிக்காதவனை “சூத்திரன்” என்போம்.
• பல “பெருங்காயங்கள்” சம”ரசத்தில்” கரைந்துவிடுகின்றன.
• குறைசொல்ல தெரிந்த யாரும் உன் வாழ்வுக்கு வழிசொல்ல போவதில்லை.
• மனிதனுக்கு பிரச்சனை இல்லை என்றால் கடவுளுக்கு அர்ச்சனை இல்லை.
• உன்னை நியாயப்படுத்த பிறரை காயப்படுத்தாதே.
• உனக்கு கிடைக்கும் வெற்றியைவிட உனக்கு கிடைக்கும் தோல்வியே உன்னை முன்னோக்கி நகர்த்தும்.
• ஏக்கம் தேக்கம் தரும். உயர் நோக்கமே ஏற்றம் தரும்.
• அறிவு என்பது கொல்லன் பட்டறை ஈட்டியைப்போல… தீட்டினால் பேராயுதம், தீட்டாவிடிலோ வெறும் தோராயிரம்.
• அச்சம் என்பது அடைகாக்கப்படும் அழுக்கு. அதுவே உன் வாழ்வுக்கு இழுக்கு.
• இதயங்கள் சேர்ந்திருக்கட்டும்… ஆனால் கூடாரங்களை மட்டும் தனித்தனியாக இருக்கட்டும்.
• அடக்கம் உன்னை அமரனாக்கும், அடங்காமை உன்னை அடக்கம் செய்துவிடும்.
• நீரைக்கூட சல்லடையில் அள்ளலாம். அது பனிக்கட்டியாக மாறும் வரை காத்திருக்கும் பொறுமை உனக்கிருந்தால்.
• அவசரம் ஆளை மட்டுமல்ல அலுவலையும் கெடுக்கும்.
• இடர்களை கண்டு அஞ்சாதவனே தொடர் வெற்றிகளை காண்கின்றான்.
• உன்னுடைய மூக்கை உடைப்பது உன்னுடைய நாக்குதான்.
• அரைக்காசுக்கு போன மானம் ஆயிரம் கொடுத்தாலும் திரும்பாது.
• சிந்திக்காமலேயே படித்துக் கொண்டிருப்பது வீண். ஆனால் எதுவும் படிக்காமலேயே வெறும் சிந்தனை மட்டும் செய்து கொண்டிருந்தால் அது உன்னை தவறான பாதைக்கு அழைத்து சென்றுவிடும்.
• ஒவ்வொருவரும் உலகத்தை மாற்ற நினைக்கிறார்களேயொழிய தம்மை மாற்றிக்கொள்ள நினைப்பதில்லை.
• தோல்வி என்பது தள்ளிப் போடப்பட்டிருக்கும் வெற்றி அவ்வளவுதான்.
• ஒரு விளக்கு இன்னொரு விளக்கை ஏற்றுவதால் அதற்கு இழப்பொன்றும் இல்லை.
• பணமும், மகிழ்ச்சியும் பரம விரோதிகள். ஒன்றிருக்குமிடத்தில் மற்றொன்று இருப்பதில்லை.
• மனிதன் படைத்த கடவுள் இன்றும் கடவுளாகத்தான் இருக்கின்றான். ஆனால் கடவுள் படைத்த மனிதன் ஏன் இன்று மனிதனாக இல்லை?.
• பேசும் முன் கேளுங்கள். எழுதும் முன் நிறைய யோசியுங்கள். செலவழிக்கும் முன் சம்பாதியுங்கள்.
• என்னால் முடியும் என்பது தன்னம்பிக்கை. என்னால் மட்டுமே முடியும் என்பது அகங்காரம்.
• எவனையும் வெற்று காகிதம் என நினைக்காதே. ஒரு நாள் அந்த வெற்று காகிதம் பட்டமாகப் பறக்கலாம். அப்போது நீ அவனை அண்ணாந்துதான் பார்க்க வேண்டி இருக்கும்.
• அரிசி என்றாலும் அரசியல் என்றாலும் களையெடுப்பது மிக மிக அவசியம்.
• புதைந்த பிறகே விதையும், சிதைந்த பிறகே மனமும் விஸ்வரூபம் எடுக்கிறது.
• ஒருவன் ஏழையாக பிறப்பது அவன் குற்றமில்லை. ஆனால் அவன் ஏழையாகவே இறந்தால் அது அவன் குற்றம்.
• சிறிய தறுகளை நீ திருத்திக் கொள்ளாவிட்டால், பெரிய தவறுகள் உன்னை வருத்திக் கொல்லும்.
• கூட்டிக் கழித்து பார்த்தால் மனுஷனுக்கு வாழ்க்கைல இரண்டே பிரச்சனைதான் உள்ளது. இருப்பவனுக்கு சொத்து பிரச்சனை. இல்லாதவனுக்கு சோத்து பிரச்சனை. 
• வார்த்தைகளால் பேசுபவனை விட தன் செயல்களால் பேசுபவனே வெற்றியை நோக்கி நகர்கிறான்.
• லட்சியம் இருக்குமிடத்தில் அலட்சியம் இருப்பதில்லை.
• உங்கள் கவலைகளை விளம்பரப்படுத்தி பயனில்லை. ஏனெனில், அவைகளை யாரும் வாங்கமாட்டார்கள்.
• ஒரே ஒரு பணத்தேவை சில தன்மானங்களையும் பல அவமானங்களையும் விலைக்கு வாங்கிவிடுகிறது.
• உண்மை பேசி யாருடைய மனதையும் புன்படுத்துவதைவிட மௌனமாக இருந்து நகர்ந்து செல்வதே மேல்.
• மகான் போல வாழவேண்டிய அவசியமில்லை. மனசாட்சிக்கு கட்டுப்பட்டு மனிதனாக வாழ்ந்தாலே போதுமானது.
• கோபமும் புயலும் ஒரே மாதிரிதான், அடங்கிய பிறகுதான் தெரியும் அடைந்த நஷ்டம் எவ்வளவு என்று…
• சிகரெட் பத்த வைக்கிறவனைக்கூட பக்கத்தில் வைக்கலாம். ஆனால் சீக்ரெட் பத்த வைக்கிறவனை பக்கத்தில் வைக்கவே கூடாது.
• நினைப்பதெல்லாம் நடந்து விடுவதில்லை. ஆனால் நினைக்காமல் எதுவுமே நடப்பதுமில்லை.
• சோகத்தின் பக்கத்திலேயே சுவர்க்கமும், சுகத்தின் பக்கத்திலேயே துக்கமும் இருப்பதை அறிந்து கொள்பவனே ஞானி.
• நேசிக்க யாருமே இல்லாதபோதுதான் யோசிக்க வைக்கிறது வாழ்க்கை.
• முற்கள் தந்த வலி ஒரு நிமிடம்தான், ஆனால் சொற்கள் தரும் வலிகளோ பல வருடங்கள். எனவே உன் பற்கள் தடம்மாறாமல் பார்த்துக்கொள்.
• என்னவெல்லாமோ ஆகணும் என்று ஆசைப்பட்டு கடைசியில்  குழந்தையாகவே இருந்திருக்கலாமோ என்று ஏங்க வைப்பதே வாழ்க்கை.
• இரக்க மனமும் இறுக்கமாகப் போகிறது சிலருடைய செயலை பார்க்கும்போது.
• பணமும் பிணமும் அமைதியாகத்தான் இருக்கிறது, ஆனால் அதை சுமந்து கொண்டிருபவனைத்தான் குத்தாட்டம் போடவைக்கிறது.
• உடலில் காயம் என்றால் மருந்திடுங்கள், மனதில் காயம் என்றால் மறந்திடுங்கள்.
• யாரும் வெறுக்காத அளவிற்கு உன் வாழ்க்கை இருந்தால் யாரும் மறக்காத அளவிற்கு உன் மரணம் இருக்கும்.
• பணத்தை சேர்த்துக்கொண்டே இருப்பவன் பணக்காரனாகிறான், பாசத்தை சேர்த்துக்கொண்டே இருப்பவன் பயித்தியக்காரனாகிறான்.
• பணிவான சொல் நாம் செல்லும் பாதையை எளிமையாக்கும்.
• பழி சொல்ல தெரிந்த யாரும் உனக்கு வழி சொல்ல போவதில்லை, எனவே விழி சொல்லும் பாதையில் வழி தேடி போ.
• வார்த்தைகளால் வாதம் செய்பவனோடு விவாதிக்கலாம், ஆனால் வார்த்தைகளால் வதம் செய்பவனிடம் விவாதிக்காதே.
• செல்லும் பாதை சரியாக இருந்தால் வேகமாக அல்ல மெதுவாக சென்றாலும் வெல்லும் காலம் அருகில்தான்.
• சில இழப்புகள் வலியை தரும், சில இழப்புகள் வலிமையை தரும்.
• உசுப்பேத்துகிறவன் கிட்ட “உம்”முன்னும், கடுப்பேத்துகிறவன்கிட்ட “கம்”முன்னும் இருந்தா நம்ம வாழ்க்கை ஜம்முன்னு இருக்கும்.
• உப்பு இருந்தால்தான் உணவு சுவைக்கும், நட்பு இருந்தால்தான் நினைவு சுவைக்கும்.
• வாழ்க்கை அலுத்து போகலாம் வாழ்வதற்கு அலுத்துபோகக் கூடாது.
• வாழ்க்கை கல்லை போன்றது, அதை படியாக்குவதும், படிப்பினை ஆக்குவதும் உன் கையில்தான் உள்ளது.
• நடக்கும் முன் நல்லதே நடக்கும் என்றும், நடந்தபின் நடந்தவை அனைத்தும் நல்லதுக்கே என்றும் நினைத்துக் கொள்.
• நூறு பேரின் வாயை மூட முயற்சிபதைவிட உன் காதுகளை மூடிக்கொள்வது உனக்கு எளிதானது.

• வீசப்படும் கற்களைவிட உன்னால் பேசப்படும் சொற்கள் அதிக காயத்தை ஏற்படுத்துபவை.
• தோல்வி உன்னை துரத்தினால் திரும்பிப் பார்க்காமல் வெற்றியை நோக்கி ஓடு.
• உன் வாழ்க்கையை எண்ணிக்கை முடிவு செய்வதில்லை, மாறாக எண்ணங்களே முடிவு செய்கிறது.
• தனித்து நின்றாலும் தனித்துவமாக நில்.
• எவரிடம் இருந்தாலும் அழகாக இருப்பது “புன்னகை” ஒன்றுதான்.
• வீட்டுக்கு வீடு ஓட்டுக்கேட்க போனாலும் ஒட்டு கேட்க போகாதே.
• நம் மீது விருப்பம் இல்லாதவர்களை விரட்டிப் போவதைவிட, விலகிப்போவது நல்லது.
• வாசிக்கும் பழக்கம் உனக்கு இல்லை எனில் யோசிக்கும் பழக்கம் இருக்கப்போவதில்லை.
• புரியாதவர்களுக்கு கூட புரியவைத்துவிடலாம். ஆனால், புறங்கணிப்பவர்களுக்கு ஒருபோதும் புரியவைக்க முடியாது.
• வாழ்க்கையை வாழும்போதே ரசித்து வாழுங்கள்… ஏனென்றால் எப்போது எதை இழப்போம் என்று நமக்கே தெரியாது.
• வியர்வை துளிகளும், கண்ணீர் துளிகளும் பார்ப்பதற்கு உவர்ப்பாக இருக்கலாம். ஆனால், அவைகள்தான் உன் வாழ்க்கையை இனிப்பாக மாற்றும்.
• தட்டிப் பறிப்பவர்களையும், தட்டிக் கொடுப்பவர்களையும் அடையாளம் காணும் அளவுக்கு அறிவு இருந்தால் போதும் வாழ்க்கையில் வென்றுவிடலாம்.
• ஜலதோஷம் கூட உன்னுடன் ஒரு வாரம் தங்கும், ஆனால் இந்த சந்தோஷமோ இருக்கிறதே சில மணி நேரங்களில் கரைந்துபோகும்.
• யாருக்கும் உன்னை பிடிக்கவில்லை என்றால் யாரிடமும் நீ நடிக்கவில்லை என்று அர்த்தம்.
• ஜாதி, மதம், இனம், மொழி இதையெல்லாம் தாண்டி வருவது காதல் மட்டுமல்ல, காய்ச்சலும்தான்.
• சிலருக்கு மனைவி “தேவயானி” போலவும், சிலருக்கு இதெல்லாம் இவனுக்கு “தேவையா”? என்பதுபோலவும் அமைவதுதான் வாழ்க்கை.
• யாராவது அட்வைஸ் பண்ணுனா உட்கார்ந்து கேள். இல்லேனா அதுக்கும் சேர்த்து அட்வைஸ் பண்ணுவானுங்க…
• ஒருவரின் அன்பு உன்னை பெருமைபடுத்தினால் அவர் கரம் பற்றி முன்னேறு. சிறுமை படுத்தினால் கைகழுவிவிட்டு முன்னேறு.
• மத்தவங்க நம்மள பத்தி என்ன நினைக்கிறாங்கன்னு தெரிஞ்சுக்குற ஆர்வத்தை குறைத்துக்கொண்டாலே போதும். இருக்கிற மீதி வாழ்க்கையை நிம்மதியாய் வாழலாம்.
• கல்யாணம் பண்ணுனா எல்லாம் சரியாயிடும்… ஒரு குழந்தை பிறந்தா எல்லாம் சரியாயிடும்… இப்படி சொல்லுகிறவனை தூக்கிபோட்டு மிதிச்சா எல்லாமே சரியாகிடும்.
• எந்த ஒரு அவமானத்தையும் வலியாய் எடுத்துக்கொள்ளாதே வழியாய் எடுத்துக்கொள்.
• காயங்கள் இல்லாமல் கனவு காணலாம். ஆனால் வலிகள் இல்லாமல் வெற்றி காண முடியாது.
• எல்லாம் தெரியும் என்று குழப்பத்தோடு இருப்பதைவிட, எதுவுமே தெரியாது என்ற தெளிவோடு இரு.
• உன்னை எவரும் எதிர்க்கவில்லை எனில் உன் பலம் என்னவென்று உனக்கே தெரியாமல் இருந்துவிடும். எனவே எதிரியை எதிரில் வை… துரோகியை தூரத்தில் வை.
• சாதி, மதம் இவ்விரண்டுமே ஏதோ ஒரு தலைமுறையில் மிதித்த சாணம். ஆனால் அதை இந்த தலைமுறை வரை கழுவாமலே இருக்கின்றோம் என்பதே அவமானம்.
• எல்லா பெண்களையும் விசிலடித்து திரும்பி பார்க்க வைத்தாலும் இன்னும் செருப்படி வாங்காமல் இருக்கும் ஒரே ஜீவன் நம்ம “குக்கர்”தாங்க
• நீ யாருக்காக வாழ்கிறாயோ அவருக்காக சிலவற்றை விட்டுக்கொடு. உனக்கென யார் வாழ்கிறார்களோ அவர்களை ஒருபோதும் விட்டுக்கொடுக்காதே.
• பஸ்ஸில் “போ..போ.. முன்னே போ.. நடுவுல நிக்காத…” என்று சொல்லும் கண்டக்டரின் அந்த வார்த்தைகள்தான் உன் முன்னேற்றத்திற்கான தன்னம்பிக்கை வரிகள்.
• காலால் மிதித்தவனை கைகளால் எடுக்க வைப்பதே முள்ளின் திறமை.
• சிரிப்பவர்கள் எல்லோரும் கவலையின்றி வாழ்பவர்கள் அல்ல. கவலைகளை மறைக்க கற்றுக்கொண்டவர்கள்.

• ஒருவரின் இரகசியங்களை அவருக்கு எதிரான ஆயுதமாக உபயோகிப்பதின் பெயர் வீரம் அல்ல. மிகப்பெரிய கோழைத்தனம்.
• நேர் வழியில் அடைய முடியாததை ஒரு போதும் குறுக்கு வழியில் அடைய முடியாது.
• பணம் இருந்தால்தான் நாலு பேரு உன்னை மதிப்பார்கள் என்றால் அந்த மானங்கெட்ட மரியாதை உனக்கு தேவையில்லை.
• நிம்மதிக்கு இரண்டே இரண்டு வழிகள் மட்டுமே உள்ளன. ஒன்று விட்டுக்கொடுப்பது, மற்றொன்று விட்டுவிடுவது.
• பிரிந்துவிட்டோமே என அழுகிறவன் கண்ணீரில் உறவு தெரிகிறது. பிறந்து விட்டோமே என அழுகிறவன் கண்ணீரில் துறவு தெரிகிறது.
• தகுதியில்லாத புகழ்ச்சி மறைமுகமான இகழ்ச்சி.
• வேண்டும் என்று நினைத்த பின் யோசிக்காதே, வேண்டாம் என்று நினைத்த பின் நேசிக்காதே.
• மனக்கசப்பால் பிரிந்தவர்களைவிட பணக்கசப்பால் பிரிந்தவர்களே இங்கு அதிகம்.
• காயப்படுத்தியவர்களை கடந்து போகும் சூழல் வந்தால் புன்னகைத்துவிட்டு செல்லுங்கள், அது எதிராளிக்கு கன்னத்தில் அறைவதைவிட அதிக வலியை ஏற்படுத்தும்.
• சந்தோஷம் வந்தா அதை சீக்கிரம் அனுபவி. கஷ்டம் வந்தா அதை சீக்கிரம் அனுப்பி வை.
• பிரிந்து செல்லும் நட்பைவிட தவறாக புரிந்துகொள்ளும் நட்பே அதிக வேதனையை தருகிறது.
• திறந்த கதவு, துறவியுடைய ஆவலையும் தூண்டுகிறது.

The post New golden mottos – புத்தம்புது பொன்மொழிகள் appeared first on Justice In Social.

“மூர்த்தி சிறியது கீர்த்தி பெரியது” என்னும் சொற்றொடருக்கு ஏற்ப இப்பழமொழிகள் ஓரிரண்டு வாக்கியங்களில் மட்டுமே அமையப்பெற்றாலும் சொல்ல வந்த கருத்துகளை நச்சென்று உணர்த்துவதால் இது “எழுதா இலக்கியம்” என்றும் அழைக்கப்படுகின்றன.

கடினப்பட்டு கலங்கி நிற்கும் மனதை இரண்டே வாக்கியங்களில் மகிழம்பூவாய் மலரச் செய்பவையான பழமொழிகள் (Best Proverbs) சிலவற்றை இப்பதிவிலும் பார்க்கலாம் வாருங்கள்.

நல்மொழி தந்த பொன்மொழிகள்.

• கோபுரமும் எட்டுமாம் குபேரனுக்கு.
• சடையை பிடித்தால் சந்யாசி தன்னோடு வருவான்.
• பொன் களங்கப்பட்டால் புடம் போடலாம். பெண் களங்கப்பட்டால்?
• பொன்னாங்கண்ணிக்கு புளி இட்டு ஆக்கினால் அண்ணாமலையாரும் அண்ணாந்து நிற்பார்.
• கோவிந்தா என்றால் கோடி ஸ்நானம் என்பதற்காக குளிக்காமல் இருப்பதா?
• கோவில் இடிக்கத் துணிந்தவனா குளம்வெட்ட போகிறான்?
• கோரையும் கோபமும் குடியைக் கெடுக்கும்.
• பொருந்திய ஒழுக்கம், திருந்திய செல்வம்.
• பொல்லாத காலம் சொல்லாமலே வரும்.
• பொல்லாத மனம் புத்தி கேளாது.
• கோள் சொல்லி குடும்பத்தைக் கெடுத்தாலும் குடிவரி உயர்த்திக் கொள்ளை அடிக்காதே.
• கோள் சொல்லும் வாய் காற்றுடன் நெருப்பு.
• சகத்தை கெடுத்து சுகத்தை வாங்குகிறார்.
• சண்ட மாருதத்துக்குமுன் எதிர்ப்பட்ட சருகுபோல.
• சந்தடி சாக்கிலே கந்தப் பொடி காற்பணம்.
• பொந்தில் அகப்பட்ட மந்தியை போல.
• பொய்யான பொருளாசை மெய்யான அருளாசையை விலக்கும்.
• பொய் சொன்ன வாய்க்கு போஜனம் கிடையாது.
• சந்திரனுக்கு உண்டோ சண்டாளன் வீடு?
• சந்நியாசியின் பயணமெல்லாம் திண்ணை விட்டு திண்ணை குதிப்பதுதான்.
• சம்பந்தியும் சம்பந்தியும் சத்திரத்துக்கு போனால் ஏச்சும் இல்லை, பேச்சும் இல்லை.
• சொட்டைக் கண்ணுக்கு இரட்டை தீவட்டி.
• பொடிச் சூட்டுக்கு ஆற்ற மாட்டாமல் படிநெருப்பில் குதித்தானாம்.
• பொடிப்பயல் ஆனாலும் நொடிப்பொழுதில் செய்வான்.
• சமணன் கையில் அகப்பட்ட சீலைப்பேனைக் கொல்லவும் மாட்டான், விடவும் மாட்டான்.
• சர்க்கரை தொண்டை மட்டும், சவ்வாது கண்ட மட்டும்.
• சருகு அரிக்க நேரம் இருக்கு, ஆனால் குளிர் காயத்தான் நேரமில்லை.
• சனத்தோடு சனம் சேரும், சந்தனத்தொடு கர்ப்பூரம் சேரும்.
• சனப்பலம் இருந்தால் மனப்பலமும் கூடும்.
• சாத்திரத்துக்கு திருமந்திரம், தோத்திரத்துக்கு திருவாசகம்.
• சாத்திரத்தைச் சுட்டு சதுர்மறையைப் பொய்யாக்கி சூத்திரத்தை கண்டு சுகம் பெறுவது எக்காலம்?
• சாது பெண்ணுக்கு ஒரு சூதுப்பிள்ளை வந்தது போல.
• சித்திரத்தை குத்தி அப்புறத்தே வைப்பான்.
• சித்திரபுத்திரனுக்கு தெரியாமல் சீட்டு கிழியுமா?
• சித்திரை அப்பன் தெருவிலே, நித்திரை அப்பன் திண்ணையிலே.
• சித்திரை எள்ளை சிதறி விதை.
• சித்திரை மாதத்தில் பிறந்த சீர்கேடனும் இல்லை. ஐப்பசி மாதத்தில் பிறந்த அதிர்ஷ்டக்காரனும் இல்லை.
• சிரிக்கத் தெரியாதவன் பிழைக்கத் தெரியாதவனே.
• சிரிப்பாய் சிரித்து தெருவிலே நிற்கிறது.
• சிரிப்பு குடியைக் கெடுக்கும், சீதளம் உடலைக் கெடுக்கும்.
• சிறுக சிறுக குத்துகிறது எல்லாம் சித்திரத்துக்கு அழகு.

• பெண்டுகளாலேயே பெருமாள் குடி கெட்டது.
• சிற்றுணர்வோர் என்றும் சிலுசிலுப்பர்.
• சிற்றூண் என்றும் இனிது.
• சிறியார் இட்ட வேளாண்மை அறுவடையும் ஆகா, களம் வந்தும் சேரா.
• சிறு பிள்ளை இல்லாத வீடும் வீடு அல்ல, சீரகம் விட்டு ஆக்காத கறியும் கறி அல்ல.
• சீமையிலே பாதி ஸ்ரீவத்ஸ கோத்திரம்.
• சீர் அற்ற பானைக்கு செம்பொன் பூச்சு எதற்கு?
• ஸ்ரீரங்கத்து நடை அழகு. காஞ்சீபுரம் குடை அழகு.
• சீரணி கெட்டால் கோரணி.
• பொரித்து கொட்டினாலும் அசைத்துக் கொட்டாதே.
• சர்க்கரை பொங்கலுக்கு பத்தியம் இல்லை, வயிற்றுவலி தீர வைத்தியமும் இல்லை.
• சரடு ஏறுவது கந்தைக்கு லாபம்.
• பொறுக்கியிலும் பொறுக்கி பொன்னம்பலப் பொறுக்கி.
• பொறுக்கி பயலுடன் சிறுக்கிக்கு என்ன பேச்சு?
• பொறுத்தல் ஆரம்பத்தில் கசப்பாயினும் பொறுக்க பொறுக்க தித்திப்பாய் விளையும்.
• மண் உருகப் பெய்யும் புண்ணியப் புரட்டாசியாம்.
• பொன்னாங்கண்ணிக்கு புளி இட்டு ஆக்கினால் உண்ணாப் பெண்ணும் ஓர் உழக்கு உண்ணும்.
• பொறுத்தார் பூமி ஆழ்வார், பொங்கினார் காடு ஆழ்வார்.
• பொன் ஆபரணத்தைக் காட்டிலும் புகழ் ஆபரணமே பெரியது.
• சேலைமேல் சேலைகட்டி தேவரம்பை ஆடினாலும் ஓலை மேல் எழுத்தாணி ஊன்றும் உயர்பெண் ஆவாரோ?
• சேலையை விற்று சீலாவை கொள். ஓலையை விற்று ஒராவைக் கொள்.
• சீவனும் கெட்டது. வியாதியும் பொட்டென்று நின்றது.
• சீறி வரும் வடவாக்கினியை சிறு குட்டை நீர் அவிக்குமா?
• பேசாது இருந்தால் பிழையொன்றும் இல்லை.

• கோபமும் தாபமும் கூடிக் கெடுக்கும். குடியையும் கெடுக்கும்.
• சுக்கிர திசை வந்தால் சுமந்து வந்து கொடுக்கும்.
• சுக்கு கண்ட இடத்திலே பிள்ளை பெற்றாளாம், செக்கு கண்ட இடத்திலே தலை விரித்தாளாம்.
• சுக்கு கண்ட இடத்திலே பிள்ளையை பெற்று அதற்கு சூரிய நாராயணன் என்று பெயரும் வைத்தானாம்.
• சுகத்தை தள்ளினாலும் துக்கத்தை தள்ளலாகாது.
• குணமில்லா சுந்தரி வாழும் வீடு சுடுகாடு.
• பைத்தியக்காரன் கிழித்த துணி கோவணத்துக்கும் ஆகாது.
• குணம் மாறினால் சுண்ணாம்பும் கிடைக்காது.
• சுட்ட சட்டி தொடாதவளா உடன் கட்டை ஏறப்போகிறாள்?
• சுடலை ஞானம் திரும்பி வரும் மட்டும்.
• சுடு நெருப்பை மடியில் முடியலாமா?
• சுண்டினாலும் பாற்சுவை சுண்டுமோ?
• சுத்தம் உள்ள இடத்திலே சுகமும் உண்டு.
• சுதேசம் விட்டு பரதேசம் போகாதே.
• பெண்சாதி இறந்தால் புது மாப்பிள்ளை.
• பெண் சிரித்தால் போயிற்று. புகையிலை விரித்தால் போயிற்று.
• பெண்டாட்டிக்கு ஆற்றமாட்டாதவன் சட்டி பானையை உடைத்தானாம்.
• பைந்தமிழ் புலவனே பாட்டுக்கு ஏற்றவன்.
• பையச் சென்றால் வையகம் தாங்கும்.
• பையத் தின்றால் பனையையும் தின்னலாம்.
• பெண்டாட்டி குதிர்போல, அகமுடையான் கதிர் போல.
• பெண்டாட்டி இல்லாதவன் பிணத்தை கட்டி அழுத கதை.
• பெண்ணை போற்றி வளர். ஆணை அடக்கி வளர்.
• பெய்த மழைக்கும், காய்ந்த வெயிலுக்கும் சரி.
• பெய்தால் பெய்யும் புரட்டாசி, பெய்யாவிட்டால் பெய்யும் ஐப்பசி.
• பெரியோர் எல்லோரும் பெரியோர் அல்ல.
• பெருக்கு ஆற்றில் நீந்தத்தெரியாதவனை வெள்ளம் கொண்டோடி போகும்.
• பெருங்கயிறு முடி அழுந்தாது.
• பெரு வயிற்றை நம்பி சீமந்தம் வைத்தாற்போல.
• பெற்ற தாய் ஆனாலும் குற்றம் எத்தனை பொறுப்பாள்.
• பெற்றவள் வயிற்றைப் பார்ப்பாள் பெண்சாதி மடியைப் பார்ப்பாள்.
• பேச்சை கொடுத்து ஏச்சை வாங்குவதா?
• பேசத் தெரியாதவன் பையில் உள்ள படிப்பும், வீசத் தெரியாதவன் கையில் உள்ள வாளும் இருந்தும் இல்லாதது போன்றதே.
• பேடி கையில் ஆயுதம் பிரகாசிக்குமா?
• பேடி கையில் ரம்பை அகப்பட்டதுபோல.
• பேத்திக்கு இட்டாலும் கூத்திக்கு இடாதே.
• பேதை ஆனாலும் தாய் தாய்தான், நீர் ஆனாலும் மோர் மோர்தான்.
• பேய்க்கு வாழ்க்கைப்பட்டால் பிடுங்குபட்டுதான் சாக வேண்டும்.
• பேயும்  அறியும் பெண்சாதி பிள்ளையை.
• சுக்கிர திசை பிட்டத்திலே அடிக்கிறது.

• பெண்ணை வெறுத்தல் பேரின்பம்.
• பெயர் இல்லாத சந்நிதியும் பாழ், பிள்ளை இல்லாத பெருஞ்செல்வமும் பாழ்.
• அடிமேல் அடிவைக்க சீவன் இல்லை, பெயர் மட்டும் தாண்டவராயனாம்.
• பேராசைக்காரனுக்கு மிஞ்சுவது எல்லாமே தீராத நஷ்டம்தான்.
• பேராசை தரித்திரம், தீராத உபத்திரவம்.
• பேராசை கொண்டு பெருந்தொகையை இழந்தவன் போல.
• பேரின்பம் வேண்டின் சின்றின்பம் துறக்க.
• பையில் இருந்தால்தானே கையில் வரும்.
• பைசா நாஸ்தியானால், படபடப்பு ஜாஸ்தியாகும்.
• சின்ன கண்ணி அகமுடையான் செவ்வாய்கிழமை செத்தானாம். வீடு வாசல் மெழுகி வைத்து வெள்ளிக்கிழமை அழுதாளாம்.
• சினத்தால் அறுத்த மூக்கு சிரித்தால் வருமா?
• சினந்தாலும் சீர் அழியப் பேசாதே.
• பைத்தியம் தெளிந்து பண்டாரம் ஆன கதை.
• பைத்தியம் முதலில் பாயைத்தான் பிராண்டும்.
• சிந்தாது இருந்தால் மங்காது இருக்கலாம்.
• சிந்தை நொந்தவர்களுக்கு கந்தனே துணை.
• பையப் பையப் பாயும் தண்ணீர்… கல்லும் கசியப் பாயும்.
• பொக்கை வாய்க்கு ஏற்ற பொரி உருண்டை.
• பொங்கல் வந்தால் தெரியும், பிறந்த இடத்து பெருமை.
• பொங்குகிற பதநீருக்கு பதம் போட்டது போல.
• பொங்கு சனி செல்வத்தையும் பொங்கச் செய்யும்.
• பொங்கும் காலம் புளி. மங்கும் காலம் மாங்காய்.
• பொங்கும் காலத்தே புளி நயக்கும். மங்கும் காலத்தே மாங்காய் நயக்கும்.
• சாலோடு தண்ணீர் சாய்த்துக் குடித்தாலும் தாய் வார்க்கும் தண்ணீரே தாகம் தீர்க்கும்.
• சித்தி பெறாத மருந்தும் மருந்தோ? பெற்றுப் படையாத பிள்ளையும் பிள்ளையோ?
• பொதிக்கு அளக்கிறதுக்கு முன்னே சத்திரத்துக்கு அளப்பதா?
• பொதியை வைத்துவிட்டு பிச்சைக்கு போனானாம். அதையும் வைத்துவிட்டு செத்து கிடந்தானாம்.
• பொதுவிலே அகமுடையான் புழுத்து செத்தானாம்.
• சாகத் திரிகிறான் சண்டாளன், சாப்பிட்டுத் திரிகிறான் பெண்டாளன்.
• சாகும்வரை சங்கடம் என்றால் வாழ்வதுதான் எப்போது?
• சாடி சட்டி சூளையிலே கோடை இடி விழுந்தாற் போலே.
• பொய் நின்று மெய்யே வெல்லும்.

The post The Best Proverbs In Best Language – நல்மொழி தந்த பொன்மொழிகள் appeared first on Justice In Social.

பழமொழிகளானது கேட்பதற்கு எதுகை, மோனை நடையில் இனிமையாக அமைந்துள்ளது மட்டுமல்லாது அதன் கருத்துக்களானது நம் வாழ்வை இனிமையாக்கும் விதத்திலும் அமைந்துள்ளது இதன் கூடுதல் சிறப்பு.

வாழ்க்கைக்கும் இன்பம் சேர்க்கும் பழமொழிகளில் (Proverbs) சில நன்மொழிகளை இப்பதிவினில் பார்க்கலாம் வாருங்கள்…

வாழ்விற்கு வளம் சேர்க்கும் பழமொழிகள்.

• வாழ்க்கை என்பது ஒரு போதை மகிழ்ச்சி. மறைந்த பின்பும் தலைவலி இருந்துகொண்டே இருக்கும்.
• மனிதன் வாழும்போது உறங்குகிறான். மரணம் நெருங்கும் தருவாயில் விழிப்படைகிறான்.
• வாழ்க்கை என்பது ஒரு வெங்காயம். உரித்துப்பார்த்தால் கண்ணீர்தான் மிஞ்சும்.
• தாய்க்கு அடங்காதவன் ஊருக்கு அடங்கான், ஊருக்கு அடங்காதவன் ஒருவருக்கும் அடங்கான்.
• தாயையும் மறக்கடிக்குமாம் தயிரும், பழஞ்சோறும்.
• அடுக்குகிற அருமை உடைக்கிற நாய்க்கு தெரியுமா?
• அடுக்களை பூனை இடுக்கிலேதான் ஒளியும்.
• ஆடு கடிக்குமென்று உறி ஏறி பதுங்குனானாம்.
• குறத்தி பிள்ளைபெற, குயவன் காயம் தின்ன.
• அட்டையை எடுத்து தொட்டிலில் கிடத்தினாலும் அது கிடக்கும் குப்பையிலே…
• பூவுள்ள மங்கையாம், பொற்கொடியாம், போனஇடமெல்லாம் செருப்படியாம்.
• ஆந்தையும் தன் மகளை இராஜாளி என்றே கருதும்.
• மாயப்பெண்ணே சுந்தரி, மாவைப்போட்டு கிண்டடி.

• கொல்லைக்காட்டு நரி பல்லைக்காட்டி சிரித்ததாம்.
• மரம் பழுத்தால் வௌவாலை வாவென்று கூவி அழைக்கும்.
• ஆளைக்கண்டு ஏய்க்குமாம் ஆலங்காட்டு நரி.
• வல்லடி வழக்கை சொல்லடி மாமி.
• ஆடிக்கு அழைக்காத மாமியாரை தேடிப்பிடித்து செருப்பால் அடி.
• அதிகாரிவீட்டு கோழிமுட்டை, குடியானவன் வீட்டு அம்மிக்கல்லை உடைக்குமாம்.
• குல ஸ்திரீ தன் கணவனையும், பர ஸ்திரீ தன் உடலையும் பேணுவாள்.
• இங்கிதம் தெரியாதவளுக்கு சங்கீதம் தெரிந்து என்ன பயன்?
• இறக்கும் காலம் நெருங்கிவந்தால் ஈசலுக்கும் பிறக்குமாம் இறக்கை.
• குரங்குக்குப் புத்திசொல்லித் தூக்கணாங்குருவி கூண்டு இழந்ததாம்.
• கைக்கோளனுக்குக் காற்புண்ணும் நாய்க்குத் தலைப்புண்ணும் ஆறாது.
• கோள் சொல்பவனைக் கொடுந்தேள் என நினை.
• சண்டிக் குதிரைக்கு நொண்டிச் சாரதி.
• சாதுரியப்பூனை மீன் இருக்க புளியங்காயைத் திங்குதாம்.
• தட்டானுக்குப் பயந்தல்லவோ பரமசிவனும் அணிந்தான் சர்ப்பத்தையே.
• நமன் அறியாத உயிரும் நாரை அறியாத குளமும் உண்டோ?
• முக்காலும் காகம் முழுகிக் குளித்தாலும் கொக்காகுமா?
• பெண்சாதி இல்லாதவன் பேயை கட்டி தழுவினானாம்.
• எஜமானுக்கு ஜலதோஷமென்றால் தொழிலாளர்கள் போட்டி போட்டுக்கொண்டு தும்முவார்கள்.
• உன்னிடமிருப்பது தங்கச்சாவி என்றால் அது எல்லா பூட்டுகளையும் திறக்கும்.

• தெளிவற்ற கொள்கை ஒளியற்ற விளக்கு.
• அகராதி படித்தவனுக்கு எதிராக பேசாதே.
• செல்வங்களைவிட செல்வாக்கே மேல். அதைவிட சொல்வாக்கு மேல்.
• செருப்பின் அருமை வெயிலில். நெருப்பின் அருமை குளிரில்.
• செல்லமுத்துன வாழைக்காய் புளியில்லாமல் அவிஞ்சுச்சாம்.
• சொப்பனத்தில் கண்ட அரிசி சோற்றுக்காகுமா?
• சொல்லிப் போகவேணும் சுகத்திற்கு, சொல்லாமற் போகவேணும் துக்கத்திற்கு.
• சொல்லுகிறவனுக்கு வாய்ச்சொல், செய்கிறவனுக்கு தலைச்சுமை.
• சொறிந்து தேய்க்காத எண்ணெயும் பரிந்து இடாத சோறும் பாழ்.
• நமனுக்கு நாலு பிள்ளை கொடுத்தாலும் உற்றாருக்கு ஒரு பிள்ளளை கொடுக்கமாட்டான்.
• நாடறிந்த பார்ப்பானுக்கு பூணூல் அவசியமா?
• நித்தம் தந்தால் முத்தமும் சலிக்கும்.
• நூற்றுக்கு மேல் ஊற்று, ஆயிரத்துக்கு மேல் ஆற்றுப் பெருக்கு.
• பட்டும் பட்டாடையும் பெட்டியிலிருக்கும், காற்காசு கந்தையில் ஓடி உலாவும்.
• பெத்த வயத்திலே பிரண்டையைக் கட்டிக்கொள்.
• பெருமாள் இருக்கிற வரையில் திருநாளும் வரும்.
• பேச்சைக்கொடுத்து ஏச்சை வாங்குவானேன்?
• பொற்கலம் ஒலிக்காது, ஆனால் வெண்கலம் ஒலிக்கும்.

• மரம் வெட்டுகிறவனுக்கு நிழலும், மண் தோண்டுகிறவனுக்கு இடமும் கொடுக்கும்.
• மாரிக்காலத்தில் பதின்கல மோரும் சரி, கோடைக்காலத்தில் ஒருபடி நீருஞ் சரி.
• முதலியார் டம்பம் விளக்கெண்ணெய்க்குக் கேடு.
• வழவழத்த உறவைப் பார்க்கிலும் வைரம் பாய்ந்த பகை நன்று.
• வாய் சர்க்கரை, கை கருணைக்கிழங்கு.
• விருப்பத்தினால் ஆகாதது வீம்பினால் ஆகுமா?
• அரிசி ஆழாக்கு ஆனாலும் அடுப்புக்கட்டி மூன்று வேண்டும்.
• அய்யாசாமிக்கு கல்யாணம் அவரவர் வீட்டில் சாப்பாடு.
• ஆனது நமக்கு… ஆகாதது பிள்ளையாருக்கு…
• ஆசைப்பட்ட பண்டம் ஊசிப்போயிற்று.
• ஆதாயம் இல்லாமல் செட்டி ஆற்றைக்கட்டி இறைப்பானா?
• ஆயத்துக்குக் குதிரை, கீயத்துக்குக் குட்டி.
• ஆயிரம் கப்பலில் நழுவின கப்பி.
• ஆனி அடியிடாதே கூனி குடிபுகாதே.
• ஆளான ஆள் புகுந்தால் ஆமணக்கு விளக்கெண்ணையாகும்.
• ஆளைப்பார்த்தால் அழகாட்டம் இருக்கு, ஆனால் வேலையை பார்த்தா இழவாட்டம் இருக்கு.

• இட்டாருக்கு இடு, செத்தாருக்கு அழு.
• இந்த கூழுக்கே இத்தனை திருநாமம்.
• தக்கென்று தகிக்க கொக்கென்று நினைத்தாயோ கொங்கணவா?
• பெற்ற தாய் கிண்ணிப்பிச்சை எடுக்க பிள்ளையாண்டான் “கோ” தானம் செய்கிறானாம்.
• அஞ்சியவனைக் கண்டால் கோழிக்குஞ்சு கூட விரட்டும்.
• தஞ்சம் என்று வந்தவனை வஞ்சம் கொள்ளல் ஆகாது.
• தட்டானுக்கு சட்டை போட்டால் குட்டை பையன் கட்டையால் அடிப்பான்
• நடக்க அறியாதவனுக்கு நடுவீதி காத வழி.
• ஆறு  நிறைய தண்ணீர்போனாலும் நாய் நக்கித்தான் குடிக்கும். அதுபோல சிலரிடம் எவ்வளவுதான் பணம் இருந்தாலும்…
• அருமையற்ற வீட்டில் எருமையும் தங்காது.
• காட்டுப்பூனைக்கு சிவராத்திரி விரதமா?
• தண்ணீர் குடம் உடைந்து தவியாய் தவிக்கையிலே கோவணத்தை அவிழ்த்துக்கொண்டு குதியாய் குதிப்பதென்ன?

• நாய்க்கு மேலாக குரைக்கவும் முடியாது, பெண்களுக்கு மேலாக சண்டையிடவும் முடியாது.
• இரப்பவனுக்கு பஞ்சம் என்றைக்குமில்லை.
• கல்லாது கற்றவன் உள்ளங்கையில் வைகுண்டமும் காட்டுவான். 
• ஆனை இருந்து அரசாண்ட இடத்திலே பூனை இருந்து புலம்பி அழுகிறது.
• ஆனை கொழுத்தால் வாழைத்தண்டு, ஆண்பிள்ளை கொழுத்தால் கீரைத்தண்டு.
• மழைக்கு குடை பிடிக்கலாம், அதற்காக இடிக்கும் குடைபிடிக்கலாமா?
• இட்டவன் இடாவிட்டால் வெட்டுப்பகை.
• தவிட்டுக்கு வந்த கை தங்கத்துக்கும் வரும்.
• துப்பு கெட்டவளுக்கு இரட்டை பரிசாம்.
• நகத்தாலே கிள்ளுகிறதைக் கோடாரி கொண்டு வெட்டுகிறான்.
• இரண்டுபட்ட ஊரிலே குரங்குகளும் குடியிருக்காது.
• குதிரை இருப்பு அறியும், கொண்ட பெண்டாட்டி குணம் அறிவாள்.
• உடையவன் பாரா பயிர் உருப்படுமா?
• உண்டார்மேனி கண்டால் தெரியும்.
• அணிலுக்கு நொங்கு, ஆண்டிக்கு சங்கு.

• உதவாத பழங்கலமே ஓசையில்லா வெண்கலமே.
• நின்ற வரையில் நெடுஞ்சுவர், விழுந்த அன்றே குட்டிச்சுவர்.
• உண்டு ருசி கண்டவனும் விடான், பெண்டு ருசி கண்டவனும் விடான்.
• இகழ்ச்சியில் கெட்டாரும் இல்லை, புகழ்ச்சியில் வாழ்ந்தாரும் இல்லை.
• குடியிற் பெண் வயிறெரிய, கொடியில் சேலை நின்னு எரியும்.
• “ஈ” க்கும் இருமல் உண்டு.
• நேற்று வந்தாளாம் குடி, அவள் தலையில் விழுந்ததாம் இடி.
• அப்பச்சி கோவணத்தை பருந்துகொண்டு ஓடுது… அவர் பிள்ளை இங்கே பட்டுக்கு அழுவுது.
• அம்பலக்கழுதை அம்பலத்தில் இருந்தாலென்ன? அரண்மனையில் இருந்தாலென்ன?

The post Proverbs used for Life – வாழ்க்கைக்கு பயன்படும் பழமொழிகள் appeared first on Justice In Social.